କ୍ରିକେଟ୍‌ ମଇଦାନରେ ପୁଣି ଥରେ ମୁହାଁମୁହିଁ ହେବାକୁ ଯାଉଛନ୍ତି ଭାରତ-ପାକିସ୍ତାନ । ACC ପୁରୁଷ ୧୯ ବର୍ଷରୁ କମ୍ ଏସିଆ କପ୍ ୨୦୨୫ରେ ଦୁଇ ପାରମ୍ପାରିକ ପ୍ରତିଦ୍ବନ୍ଦୀ ମୁହାଁମୁହିଁ ହେବେ । ଆଜି ଦୁବାଇର ICC ଏକାଡେମୀ ଗ୍ରାଉଣ୍ଡରେ ଏହି ଖେଳାଯାଉଛି । ଏହି ମ୍ୟାଚ୍‌ ସକାଳ ୧୦:୩୦ରେ ଆରମ୍ଭ ହେବାର ଥିଲା । କିନ୍ତୁ ବର୍ଷା କାରଣରୁ ଏହି ମ୍ୟାଚ୍‌ ବିଳମ୍ବରରେ ଆରମ୍ଭ ହୋଇଥିଲା । ତେବେ ଏହି ହାଇଭୋଲଟେଜ୍ ମ୍ୟାଚ୍‌ରେ ପାକିସ୍ତାନ ଟସ୍‌ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛି । ଅର୍ଥାତ ଭାରତ ପ୍ରଥମେ ବ୍ୟାଟିଂ କରିବ ।

ସମସ୍ତଙ୍କ ନଜର ପାକିସ୍ତାନ ବିପକ୍ଷ ମ୍ୟାଚ୍‌ରେ ଉତ୍କୃଷ୍ଟ ଫର୍ମରେ ଥିବା ଓପନର ବୈଭବ ସୂର୍ଯ୍ୟବଂଶୀଙ୍କ ଉପରେ ରହିବ । ସେ ସଂଯୁକ୍ତ ଆରବ ଏମିରେଟ୍ସ (UAE) ବିପକ୍ଷରେ ୯୫ ବଲରୁ ୧୭୧ ରନ୍ କରିଥିଲେ । ଯେଉଁଥିରେ ୧୪ ଛକା ଏବଂ ୯ ଚୌକା ସାମିଲ ଥିଲା । ସେହିପରି ଅଧିନାୟକ ଆୟୁଷ ମହାତ୍ରେ ମଧ୍ୟ ଏକ ଦୃଢ଼ ପ୍ରଦର୍ଶନ କରିବାକୁ ଚେଷ୍ଟା କରିବେ, ଯିଏ UAE ବିପକ୍ଷରେ ମାତ୍ର ୪ ରନ୍ କରିପାରିଥିଲେ ।

ଭାରତ ଏବଂ ପାକିସ୍ତାନ ଉଭୟ ପ୍ରଭାବଶାଳୀ ବିଜୟ ସହିତ ଏହି ଟୁର୍ଣ୍ଣାମେଣ୍ଟରେ ସେମାନଙ୍କର ଅଭିଯାନ ଆରମ୍ଭ କରିଥିଲେ। ଭାରତ ସେମାନଙ୍କର ପ୍ରଥମ ମ୍ୟାଚରେ ସଂଯୁକ୍ତ ଆରବ ଏମିରେଟ୍ସ (UAE)କୁ ୨୩୪ ରନରେ ପରାସ୍ତ କରିଥିଲା । ଟସ୍ ହାରି ପ୍ରଥମେ ବ୍ୟାଟିଂ କରି ଭାରତ ୪୩୩ ରନର ବିଶାଳ ସ୍କୋର କରିଥିଲା । ଯାହାର ଜବାବରେ UAE ଦଳ ୭ ୱିକେଟରେ କେବଳ ୧୯୯ ରନ୍‌ କରିପାରିଥିଲା।

ପାକିସ୍ତାନ ମଧ୍ୟ ସେମାନଙ୍କର ପ୍ରଥମ ମ୍ୟାଚରେ ଚମତ୍କାର ପ୍ରଦର୍ଶନ କରିଥିଲା। ମାଲେସିଆ ବିପକ୍ଷରେ ପାକିସ୍ତାନ ୫୦ ଓଭରରେ ୩ ୱିକେଟରେ ୩୪୫ ରନ କରିଥିଲା । ପାକିସ୍ତାନୀ ଦଳ ପାଇଁ ଓପନର ସମୀର ମିନହାସ ଅପରାଜିତ ୧୭୭ ରନ ଏବଂ ଅହମ୍ମଦ ହୁସେନ ୧୩୪ ରନର ଏକ ଚମତ୍କାର ଶତକ ହାସଲ କରିଥିଲେ । ପରେ ପାକିସ୍ତାନର ବୋଲରମାନେ ମାଲେସିଆକୁ ମାତ୍ର ୪୮ ରନରେ ଅଲଆଉଟ୍ କରି ମ୍ୟାଚକୁ ୨୯୭ ରନରେ ବିଶାଳ ବିଜୟୀ କରିଥିଲେ ।


ଭାରତର ଚୂଡ଼ାନ୍ତ ଏକାଦଶ:
ଆୟୁଷ ମହାତ୍ରେ (ଅଧିନାୟକ), ବୈଭବ ସୂର୍ଯ୍ୟବଂଶୀ, ଆରୋନ ଜର୍ଜ, ବିହାନ ମାଲହୋତ୍ରା, ବେଦାନ୍ତ ତ୍ରିବେଦୀ, ଅଭିଗାନ୍ କୁଣ୍ଡୁ (wk), କନିସ୍କ ଚୌହାନ, ଖିଲାନ୍ ପଟେଲ, ଦୀପେଶ ଦେବେନ୍ଦ୍ରନ୍, କିଶାନ କୁମାର ସିଂ, ହେନିଲ ପଟେଲ