କୋଲମ୍ବୋ: ପୁଣି ଥରେ କ୍ରିଜ୍‌ରେ ହେବ ଲଢ଼େଇ । ସୁପର୍ ସଣ୍ଡେରେ ମୁହାଁମୁହିଁ ହେବେ ଭାରତ-ପାକିସ୍ତାନ । ଲଗାତାର ଚତୁର୍ଥ ରବିବାର ଦେଖିବାକୁ ମିଳିବ ମୁକାବିଲା । ଏହା ପୂର୍ରୁ ଏସିଆ କପ୍-୨୦୨୫ ଖେଳା ଯାଇଥିଲା । ଯେଉଁଥିରେ ଭାରତୀୟ ଦଳ ପାକିସ୍ତାନକୁ ତିନିଥର ଧୂଳି ଚଟାଇବା ସହ ଚାମ୍ପିଅନ୍ ହୋଇଥିଲା । ଏବେ ପୁରୁଷ ଦଳ ପରେ ମହିଳା ଟିମ୍‌ର ପାଳି ଆସିଛି ।

ICC ମହିଳା କ୍ରିକେଟ୍ ବିଶ୍ଵକପ୍-୨୦୨୫ରେ ଭାରତ-ପାକିସ୍ତାନ ମଧ୍ୟରେ ଆଜି ଶ୍ରୀଲଙ୍କା କୋଲମ୍ବୋର ଆର୍. ପ୍ରମଦାସ ଷ୍ଟାଡିୟମ୍‌ରେ ଏହି ମୁକାବିଲା ଖେଳାଯିବ । ଅପରାହ୍ଣ ୩ଟାରେ ଆରମ୍ଭ ହେବ ଭାରତ-ପାକିସ୍ତାନ ମ୍ୟାଚ୍ । ହରମନପ୍ରୀତ କୌରଙ୍କ ନେତୃତ୍ଵରେ ପଡ଼ିଆକୁ ଓହ୍ଲାଇବ ଭାରତୀୟ ମହିଳା ଦଳ ।

ଏଥିସହ ପଢ଼ନ୍ତୁ: ଟ୍ରଫି ଚୋରଙ୍କୁ ପାକିସ୍ତାନରେ ସମ୍ମାନ ! ମୋହସିନ୍ ନକଭିଙ୍କୁ ମିଳିବ ଗୋଲ୍ଡ ମେଡାଲ

ମହିଳା ବିଶ୍ଵକପ୍‌ର ପ୍ରଥମ ମ୍ୟାଚ୍‌ରେ ଭାରତ, ଶ୍ରୀଲଙ୍କାକୁ ହରାଇଥିଲା । ଆଉ ରବିବାର ଖେଳାଯିବାକୁ ଥିବା ମ୍ୟାଚ୍‌ରେ ଭାରତ, ପାକିସ୍ତାନକୁ ହରାଇ ବିଶ୍ଵକପ୍‌ରେ ଦବଦବା ଜାହିର୍ ରଖିବାକୁ ପ୍ରୟାସ କରିବେ ।

ଏହା ପୂର୍ବରୁ ଭାରତୀୟ ମହିଳା ଦଳ ଦିନିକିଆରେ ପାକିସ୍ତାନ ବିପକ୍ଷ ସମସ୍ତ ୧୧ଟି ମ୍ୟାଚ୍ ଜିତିଛି । ଆଉ ଆଜି ଜିତିଲେ ଏହି ସ୍କୋର୍ ୧୨-୦ ହେବ । ଆଉ ଏଥିରେ ହୁଏତ ଇନ୍ଦ୍ର ଦେବ ମଧ୍ୟ ଭାରତୀୟ ଦଳର ଭାଗ୍ୟ ସାଥ୍ ଦେଇପାରନ୍ତି । କାରଣ ଶନିବାର କୋଲମ୍ବୋରେ ଦିନ ସାରା ବର୍ଷା ହୋଇଥିଲା । ଫଳରେ ଶ୍ରୀଲଙ୍କା-ଅଷ୍ଟ୍ରେଲିଆ ମ୍ୟାଚ୍ ବାତିଲ୍ ହୋଇଥିଲା । ଏପରିକି ଟସ୍ ପଡ଼ି ପାରି ନଥିବାରୁ ଦୁଇ ଦଳକୁ ୧-୧ ପଏଣ୍ଟରେ ସନ୍ତୁଷ୍ଟ ହେବାକୁ ପଡ଼ିଥିଲା ।

ଏଥିସହ ପଢ଼ନ୍ତୁ: ପାଣ୍ଡ୍ୟାଙ୍କୁ ପଛରେ ପକାଇଲେ ଏହି ପାକିସ୍ତାନୀ ଖେଳାଳି, T20ରେ ହେଲେ ନମ୍ବର ୧

କୋଲମ୍ବୋରେ ପାଣିପାଗ ସ୍ଥିତି ?

ରବିବାର ଅପରାହ୍ଣରେ କୋଲମ୍ବୋରେ ଭାରତ-ପାକିସ୍ତାନ ମଧ୍ୟରେ ମ୍ୟାଚ୍ ଖେଳାଯିବ । ଆଉ ଏହି ମ୍ୟାଚ୍‌ରେ ବର୍ଷା ବାଧକ ସାଜିପାରେ । ଆକ୍ୟୁୱେଦର ଡଟ୍ କମ୍ ରିପୋର୍ଟ ଅନୁସାରେ, ସକାଳେ କୋଲମ୍ବୋରେ ସ୍ଵଳ୍ପ ଧରଣର ବର୍ଷା ହୋଇପାରେ । ଆଉ ଏହା ଫଳରେ ଟସ୍ ପଡ଼ିବାରେ ବିଳମ୍ବ ହୋଇପାରେ । ତେବେ ସେଭଳି ବଡ଼ ବର୍ଷାର ସମ୍ଭାବନା ନ ଥିବା ବେଳେ ଆକାଶରେ ବାଦଲ ଢାଙ୍କି ହୋଇ ରହିପାରେ ।

ପୁଣି ଥରେ ରାତିରେ ବର୍ଷା ସମ୍ଭାବନା ରହିଛି । ସେତେବେଳକୁ ହୁଏତ ଗୋଟିଏ ଇନିଂସ ସରି ପ୍ରତିପକ୍ଷ ଦଳ ବିଜୟ ଲକ୍ଷ୍ୟର ପିଛା କରୁଥିବ । ଯଦି ବର୍ଷା ପାଇଁ ମ୍ୟାଚ୍ ଧୋଇଯାଏ ତ ଉଭୟ ଦଳକୁ ଗୋଟିଏ ଗୋଟିଏ ପଏଣ୍ଟ ମିଳିବ । କାରଣ ଏହି ମ୍ୟାଚ୍ ପାଇଁ କୌଣସି ରିଜର୍ଭ ଡେ ନାହିଁ ।