ଆଜିଠୁ ଭାରତ-ଓ୍ବେଷ୍ଟଇଣ୍ଡିଜ୍ ମଧ୍ୟରେ ଦୁଇ ଟିକିଆ ଟେଷ୍ଟ ସିରିଜର ପ୍ରଥମ ମ୍ୟାଚ୍ ଖେଳାଯାଉଛି । ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଏହି ମ୍ୟାଚରେ ଖେଳାଯାଉଛି । ଏହି ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛି ଓ୍ବେଷ୍ଟଇଣ୍ଡିଜ୍ । କିନ୍ତୁ ଓ୍ବେଷ୍ଟଇଣ୍ଡିଜ୍ ପାଇଁ ଏହି ନିଷ୍ପତ୍ତି ଭୁଲ ସାବ୍ୟସ୍ତ ହୋଇଥିଲା । ଭାରତୀୟ ବୋଲରଙ୍କ ଆକ୍ରମଣାତ୍ମକ ବୋଲିଂ ସାମ୍ନା କରିପାରିନଥିଲେ ଓ୍ବେଷ୍ଟଇଣ୍ଡିଜ୍ ବ୍ୟାଟ୍ସମ୍ୟାନ୍ । ଯାହାଫଳରେ ପ୍ରଥମ ଇନିଂସରେ ମାତ୍ର ୧୬୨ ରନରେ ଦଳ ଅଲଆଉଟ ହୋଇଥିଲା ।

ସୂଚନା ଅନୁସାରେ, ପ୍ରଥମ ଟେଷ୍ଟରେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା ଭ୍ରମଣକାରୀ ଦଳ । କିନ୍ତୁ ଏହି ନିଷ୍ପତ୍ତି ତାଙ୍କ ଭୁଲ ସାବ୍ୟସ୍ତ ହୋଇଥିଲା । ମ୍ୟାଚ୍ ଆରମ୍ଭରୁ ହିଁ ଓ୍ବେଷ୍ଟଇଣ୍ଡିଜ୍ ବ୍ୟାଟ୍ସମ୍ୟାନଙ୍କ ଉପରେ ଭାରି ପଡ଼ିଥିଲେ ଭାରତୀୟ ବୋଲର । ମହମ୍ମଦ ସିରାଜ ଓ ଜଶପ୍ରୀତ ବୁମ୍ରାଙ୍କ ଆକ୍ରମଣାତ୍ମକ ସ୍ପେଲ ଓ୍ବେଷ୍ଟଇଣ୍ଡିଜକୁ ବ୍ୟାକଫୁଟ ପଠାଇ ଦେଇଥିଲେ । ପ୍ରଥମ ଇନିଂସର ପ୍ରଥମ ସେସନରେ ହିଁ ଭ୍ରମଣକାରୀଦଳ ୫ ଓ୍ବିକେଟ ହରାଇ ଥିଲା । ଆଉ ଦ୍ବିତୀୟ ସେସନରେ ବୁମ୍ରା ଓ ଭାରତୀୟ ସ୍ପିନରଙ୍କ ଜାଲରେ ଫସିଥିଲା ଓ୍ବେଷ୍ଟଇଣ୍ଡିଜ୍ ଦଳ । ଶେଷରେ ମାତ୍ର ୧୬୨ ରନ କରି ଦଳ ଅଲଆଉଟ ହୋଇଥିଲା ।

Innings Break and that's Tea on Day 1 of the 1st Test.

Kuldeep Yadav picks up the final wicket as West Indies is all out for 162 runs.

Scorecard - https://t.co/Dhl7RtjvWY #INDvWI #1stTEST #TeamIndia @IDFCfirstbank pic.twitter.com/n8WmaUC1OJ

ଓ୍ବେଷ୍ଟଇଣ୍ଡିଜ୍ ପକ୍ଷରୁ ପ୍ରଥମ ଇନିଂସରେ ଜଷ୍ଟିନ୍ ଗ୍ରୀବ୍ସ ସର୍ବାଧିକ ୩୨ ରନ୍ କରିଥିବା ବେଳେ ଅଧିନାୟକ ସାଇ ହୋପ୍ ୨୬ ରନ୍ କରିଥିଲେ । ସେହିପରି ଭାରତ ପକ୍ଷରୁ ମହମ୍ମଦ ସିରାଜ୍ ୪ଟି ଓ୍ବିକେଟ ନେଇଥିବା ବେଳେ ଯଶପ୍ରୀତ ବୁମ୍ରା ୩ଟି, କୁଲଦୀପ ଯାଦବ ୨ଟି ଓ ଓ୍ବାସିଂଟନ୍ ସୁନ୍ଦର ଗୋଟିଏ ଓ୍ବିକେଟ ଅକ୍ତିଆର କରିଥିଲେ ।

ଭାରତର ଚୁଡ଼ାନ୍ତ ଏକାଦଶ- ଯଶସ୍ୱୀ ଜୈସ୍ୱାଲ୍‌, କେଏଲ୍‌ ରାହୁଲ, ସାଇ ସୁଦର୍ଶନ, ଶୁଭମନ ଗିଲ୍‌ (ଅଧିନାୟକ), ଧ୍ରୁବ ଜୁରେଲ (ଓ୍ବିକେଟ କିପର), ରବୀନ୍ଦ୍ର ଜାଡେଜା, ଓ୍ୱାସିଂଟନ ସୁନ୍ଦର, ନୀତିଶ କୁମାର ରେଡ୍ଡୀ, କୁଲଦୀପ ଯାଦବ, ଜଶପ୍ରୀତ୍‌ ବୁମ୍‌ରା, ମହମ୍ମଦ ସିରାଜ

ଓ୍ୱେଷ୍ଟଇଣ୍ଡିଜର ଚୁଡ଼ାନ୍ତ ଏକାଦଶ- ତେଜନାରାୟଣ ଚନ୍ଦ୍ରପଲ, ଜନ କାମ୍ପାବେଲ୍‌, ଏଲିକ ଆଥାନେଜ, ବ୍ରେଣ୍ଡନ କିଙ୍ଗ୍, ସାଇ ହୋପ୍, ରୋଷ୍ଟନ ଚେଜ୍‌ (ଅଧିନାୟକ), ଜଷ୍ଟିନ୍‌ ଗ୍ରୀବ୍ସ, ଜୋମେଲ୍‌ ଓ୍ୱାରିକନ୍‌, ଖେରି ପିୟର, ଜୋହାନ ଲେନ୍‌, ଜେଡନ୍‌ ସିଲ୍ସ