IND vs WI 3rd Test / ଆଜି ଭାରତ ବନାମ ୱେଷ୍ଟଇଣ୍ଡିଜ୍ ତୃତୀୟ ଟି-୨୦ ମ୍ୟାଚ୍; ପ୍ଲେଇଙ୍ଗ-୧୧ ଜାଣନ୍ତୁ

ଇନ୍ଦୋର: ଆଜି ଇନ୍ଦୋରରେ ମୁହାଁମୁହିଁ ହେବେ ଭାରତ ଓ ୱେଷ୍ଟଇଣ୍ଡିଜ । ତୃତୀୟ ଟି୨୦ ଜିତିବାକୁ ସବୁ ବଳ ଲଗାଇବେ ଦୁଇ ଦଳ । ପୂର୍ବରୁ ଖେଳାଯାଇଥିବା ଦୁଇଟି ଟି୨୦ରୁ ଉଭୟ ଦଳ ଗୋଟିଏ ଲେଖାଏ ମ୍ୟାଚ ଜିତି ସ୍ଥିତି ବରାବର ରଖିଛନ୍ତି । ତେଣୁ ଆଜିର ମ୍ୟାଚ ଜିତି ସିରିଜରେ ଗୋଟିଏ ପାଦ ଆଗକୁ ଯିବାକୁ ଉଦ୍ୟମ କରିବେ। ଭାରତୀୟ ସମୟ ସନ୍ଧ୍ୟା ୭:୦୦ ଟାରେ ଏହି ମ୍ୟାଚ୍ ଆରମ୍ଭ ହେବ । ତେବେ ଆଜି ବୈଭବ ସୂର୍ଯ୍ୟବଂଶୀ ଖେଳିବେ କି ନାହିଁ ତାକୁ ନେଇ ଚର୍ଚ୍ଚା ହେଉଛି ।

ପ୍ରଥମ ଟି-୨୦ରେ ଭାରତ ୱେଷ୍ଟଇଣ୍ଡିଜ୍‌ର ୧୭୨ ରନ୍ ଟାର୍ଗେଟକୁ ୧୪.୪ ଓଭରରେ ହାସଲ କରିଥିବାବେଳେ ଦ୍ୱିତୀୟ ମ୍ୟାଚରେ ୱେଷ୍ଟଇଣ୍ଡିଜ୍ ୯ଟି ବଲ୍ ବାକିଥାଇ ୨୫୦ ରନ୍ ଟାର୍ଗେଟ ହାସଲ କରିଥିଲା । ପୂର୍ବ ଦୁଇଟି ମ୍ୟାଚ୍‌ରେ ୭୨.୨ ଓଭର ଖେଳ ହୋଇଥିଲା, ଯାହା ଫଳରେ ମୋଟ ୮୪୪ ରନ୍ ହୋଇଥିଲା । ତେଣୁ ଇନ୍ଦୋରରେ ଉଚ୍ଚ ସ୍କୋର ଆଶା କରାଯାଉଛି । ଭାରତ ୨୦୧୭ରେ ସମାନ ଗ୍ରାଉଣ୍ଡରେ ଏକ ଟି-୨୦ରେ ଶ୍ରୀଲଙ୍କା ବିପକ୍ଷରେ ୨୬୦ ରନ୍ କରିଥିଲା । ତେବେ ଆଜିର ମ୍ୟାଚ୍‌ରେ ମଧ୍ୟ ବୈଭବ ସୂର୍ଯ୍ୟବଂଶୀ ଖେଳିନପାରନ୍ତି । 

Touchdown Indore 📍 #TeamIndia | #INDvWI | @mflone_ https://t.co/UiPlQCiFa9

— BCCI (@BCCI) October 10, 2026

• କଣ କହୁଛି ହେଡ୍-ଟୁ-ହେଡ୍ ରେକର୍ଡ ?

ଭାରତ ଏବଂ ୱେଷ୍ଟଇଣ୍ଡିଜ୍ ଏପର୍ଯ୍ୟନ୍ତ ୩୩ଟି ଟି-୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି । ଭାରତ ଏଥିମଧ୍ୟରୁ ୨୧ଟି ମ୍ୟାଚ୍ ଜିତିଛି, ଯେତେବେଳେ ୱେଷ୍ଟଇଣ୍ଡିଜ୍ ୧୧ଟି ଜିତିଛି । ଗୋଟିଏ ମ୍ୟାଚ୍ ଡ୍ର' ହୋଇଥିଲା ।

• ଇନ୍ଦୋରରେ ବ୍ୟାଟ୍ସମ୍ୟାନ୍-ଅନୁକୂଳ ପିଚ୍

ଇନ୍ଦୋରର ହୋଲକର ଷ୍ଟାଡିୟମକୁ ବ୍ୟାଟସମ୍ୟାନଙ୍କ ପାଇଁ ଏକ ଅନୁକୂଳ ସ୍ଥାନ ଭାବରେ ବିବେଚନା କରାଯାଏ । ଛୋଟ ବାଉଣ୍ଡାରୀ ଯୋଗୁଁ ଚୌକା ଏବଂ ଛକା ମାରିବା ସହଜ ହୋଇଥାଏ । ଗତ ତିନୋଟି ଦିନିକିଆରେ ଏଠାରେ ୩୯୯, ୩୮୫ ଏବଂ ୩୩୭ ସ୍କୋର ରେକର୍ଡ କରାଯାଇଛି। ମ୍ୟାଚ୍ ସମୟରେ ତାପମାତ୍ରା ପ୍ରାୟ ୩୪ ଡିଗ୍ରୀ ସେଲସିୟସ୍ ରହିବ ବୋଲି ଆଶା କରାଯାଉଛି । ରାତିରେ ଏହା ପ୍ରାୟ ୧୭ ଡିଗ୍ରୀ ସେଲସିୟସ୍ ପର୍ଯ୍ୟନ୍ତ ଖସିପାରେ । କାକର ପଡ଼ିବାର ମଧ୍ୟ ସମ୍ଭାବନା ଅଛି, ଯାହା ଦ୍ୱିତୀୟ ଇନିଂସରେ ବୋଲିଂକୁ କଷ୍ଟକର କରିଦେବ ।

ପଢନ୍ତୁ ଏହି ଖବର: ୨୫୦ ରନ୍ ବି ବଞ୍ଚାଇପାରିଲାନି ଭାରତ; ରାଗିଗଲେ ଗମ୍ଭୀର, ଏମାନଙ୍କ କ୍ୟାରିଅର ସଙ୍କଟରେ

• ଉଭୟ ଦଳର ସମ୍ଭାବ୍ୟ ପ୍ଲେଇଂ-୧୧

ଭାରତ: ଅଭିଷେକ ଶର୍ମା, ସଞ୍ଜୁ ସାମସନ୍ (ୱିକେଟ୍ କିପର୍), ଇଶାନ୍ କିଶାନ୍, ଶ୍ରେୟସ୍ ଆୟର (ଅଧିନାୟକ), ତିଲକ ବର୍ମା, ନମନ୍ ଧୀର, ନୀତୀଶ କୁମାର ରେଡ୍ଡୀ / ଶିବମ୍ ଦୁବେ, ଅକ୍ଷର ପଟେଲ, କୁଲଦୀପ ଯାଦବ, ମୟଙ୍କ ଯାଦବ, ଅର୍ଶଦୀପ ସିଂହ ।
ୱେଷ୍ଟଇଣ୍ଡିଜ୍: ଶାଇ ହୋପ୍ (ଅଧିନାୟକ, ୱିକେଟ୍ କିପର), କାମିଲ୍ ପୁରନ୍, ଶିମ୍ରନ୍ ହେଟମାୟର, ରୋଭମାନ ପାୱଲ୍, ଶେରଫେନ ରାଉଟରଫୋର୍ଡ, ରୋମାରିଓ ଶେଫାର୍ଡ, ରୋଷ୍ଟନ୍ ଚେଜ୍, ଶାମର ସ୍ପ୍ରିଙ୍ଗର, ଅକିଲ ହୁସେନ୍, ଶମାର ଜୋସେଫ, ଗୁଡାକେଶ ମୋତି ।