ଶନିବାର ଭାରତ-ଇଂଲଣ୍ଡ ମଧ୍ୟରେ ଦ୍ବିତୀୟ ଦିନିକିଆ ମ୍ୟାଚ୍‌ ଖେଳାଯାଇଥିଲା । ଏହି ମ୍ୟାଚ୍‌ରେ ୧୯୦ ରନ୍‌ କରି ମଧ୍ୟ ପରାଜୟ ବରଣ କରିଥିଲା ଟିମ୍ ଇଣ୍ଡିଆ । ସବୁଠୁ ବଡ଼ କଥା ହେଉଛି ଅଧିନାୟକ ଭାବେ ପୂରା ଫ୍ଲପ୍‌ ହୋଇଛନ୍ତି ଶ୍ରେୟସ ଆୟର । ସେ ଏପର୍ଯ୍ୟନ୍ତ ଚାରୋଟି ମ୍ୟାଚରେ ଦଳର ଅଧିନାୟକତ୍ୱ କରିଛନ୍ତି, କିନ୍ତୁ ଦଳ ଗୋଟିଏ ବି ମ୍ୟାଚ୍‌ ଜିତିନାହିଁ । ଆୟରଙ୍କ ଅଧିନାୟକତ୍ବରେ ଦଳ ଆର୍ୟଲାଣ୍ଡ ବିପକ୍ଷରେ ଦୁଇଟି ମ୍ୟାଚ୍‌ ଖେଳିଥିଲା ଏବଂ ଉଭୟ ମ୍ୟାଚ୍‌ରେ ପରାଜୟ ବରଣ କରିଥିଲା । ସେହିପରି ଇଂଲଣ୍ଡ ବିପକ୍ଷରେ ମଧ୍ୟ ଦୁଇଟି ମ୍ୟାଚ୍‌ରେ ବିଜୟର ସ୍ବାଦ ଚାଖି ପାରିନି ଭାରତ । ଦ୍ୱିତୀୟ ଟି-୨୦ରେ ପରାଜୟ ସହିତ ଅଧିନାୟକ ଶ୍ରେୟସ ଆୟର ଏକ ଲଜ୍ଜାଜନକ ରେକର୍ଡ ସ୍ଥାପନ କରିଛନ୍ତି ।

ପ୍ରଥମେ ବ୍ୟାଟିଂ କରି ଟିମ୍ ଇଣ୍ଡିଆ ୧୯୧ ରନର ଟାର୍ଗେଟ୍ ରଖିଥିଲା । ଜବାବରେ ଇଂଲଣ୍ଡ ଆରମ୍ଭରୁ ଟିକେ ସଂଘର୍ଷ କରିଥିଲା, କିନ୍ତୁ ହାତରେ ୪ ୱିକେଟ୍ ଥାଇ ୧୯ ଓଭରରେ ସଫଳତାର ସହ ଲକ୍ଷ୍ୟ ହାସଲ କରିଥିଲା ।

ଅଧିକ ପଢ଼ନ୍ତୁ: ଭାବୁକ ହେଲେ ବୈଭବ ସୂର୍ଯ୍ୟବଂଶୀ, ଡେବ୍ୟୁ ପରେ ଲେଖିଲେ ଏମିତି ପୋଷ୍ଟ

ଶ୍ରେୟସ ଆୟର ଚାରିଟି ମ୍ୟାଚରେ ଟିମ୍ ଇଣ୍ଡିଆର ଅଧିନାୟକତ୍ୱ କରିଛନ୍ତି ଏବଂ ଗୋଟିଏ ବି ଜିତି ନାହାଁନ୍ତି । ୧୨ ଜଣ ଖେଳାଳି ତିନି କିମ୍ବା ତା'ଠାରୁ ଅଧିକ ମ୍ୟାଚ୍‌ରେ ଭାରତର ଅଧିନାୟକତ୍ବ କରିଛନ୍ତି । ସେମାନଙ୍କ ମଧ୍ୟରୁ ଶ୍ରେୟସ ଏକମାତ୍ର ଖେଳାଳି ଯିଏ ତାଙ୍କ ପ୍ରଥମ ଚାରୋଟି ମ୍ୟାଚରେ ଗୋଟିଏ ବି ଜିତି ନାହାଁନ୍ତି ।
ଭାରତ ଏବଂ ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ ଚାଲିଛି । ଇଂଲଣ୍ଡ ଦ୍ୱିତୀୟ ମ୍ୟାଚ୍ ଜିତିଥିଲା, ଯେତେବେଳେ ପ୍ରଥମଟି ବର୍ଷା ଯୋଗୁଁ ବାତିଲ ହୋଇଯାଇଥିଲା । ଇଂଲଣ୍ଡ ସିରିଜରେ ୧-୦ରେ ଆଗୁଆ ଅଛି ।

ଇଂଲଣ୍ଡ ବିପକ୍ଷ ଟି-୨୦ ସିରିଜରେ ଏବେ ତିନୋଟି ମ୍ୟାଚ୍ ବାକି ଅଛି । ଯଦି ଭାରତୀୟ ଦଳ ସିରିଜ ଜିତିବାକୁ ଚାହେଁ, ତେବେ ସେମାନଙ୍କୁ ସମସ୍ତ ତିନୋଟି ମ୍ୟାଚ୍ ଜିତିବାକୁ ପଡିବ । ଯଦି ଇଂଲଣ୍ଡ ଗୋଟିଏ ମ୍ୟାଚ୍ ଜିତିଥାଏ, ତେବେ ସିରିଜ ଡ୍ର' ରହିବ । ତେଣୁ ଅଧିନାୟକ ଶ୍ରେୟସ ଆୟର ଆଗାମୀ ତିନୋଟି ମ୍ୟାଚ୍‌ ଜିତି ସିରିଜ୍‌ ଜିତିବାକୁ ଚେଷ୍ଟା କରିବେ ।