ବିଶାଖାପାଟଣାରେ ଆଜି ଖେଳାଯାଉଛି ଭାରତ-ଦକ୍ଷିଣ ଆଫ୍ରିକା ତୃତୀୟ ତଥା ଅନ୍ତିମ ଦିନିକିଆ ମ୍ୟାଚ୍‌ । ଏହି ମ୍ୟାଚ୍‌ରେ ଟସ୍‌ ଜିତି ବୋଲିଂ ନିଷ୍ପତ୍ତି ନେଇଛି ଭାରତ । ଏହି ସିରିଜ୍‌ ନିର୍ଣ୍ଣାୟକ ମ୍ୟାଚ୍‌ରେ ପ୍ରଥମେ ବ୍ୟାଟିଂ କରିବ ଦକ୍ଷିଣ ଆଫ୍ରିକା । ଏହି ଗୁରୁତ୍ବପୂର୍ଣ୍ଣ ମ୍ୟାଚ୍‌ରେ ଭାରତୀୟ ଦଳରେ ଗୋଟିଏ ପରିବର୍ତ୍ତନ ହୋଇଛି । ଅଲରାଉଣ୍ଡର ଓ୍ବାସିଂଟନ୍‌ ସୁନ୍ଦରଙ୍କ ସ୍ଥାନରେ ତିଳକ ବର୍ମାଙ୍କୁ ସୁଯୋଗ ମିଳିଛି । ସେହିପରି ଦକ୍ଷିଣ ଆଫ୍ରିକା ଏକାଦଶରେ ୨ଟି ପରିବର୍ତ୍ତନ ହୋଇଛି । ବାର୍ଟମାନ ଓ ରିଅନ ରିକଲଟନ୍‌ ଚୂଡ଼ାନ୍ତ ଏକାଦଶରେ ସାମିଲ କରାଯାଇଛି ।

🚨 Toss 🚨#TeamIndia have won the toss and elected to field first.

Updates ▶️ https://t.co/HM6zm9o7bm#INDvSA | @IDFCFIRSTBank pic.twitter.com/vYNPSa1iKF

— BCCI (@BCCI) December 6, 2025

ତିନି ମ୍ୟାଚ୍‌ ବିଶିଷ୍ଟ ଦିନିକିଆ ସିରିଜ୍‌ର ପ୍ରଥମ ମ୍ୟାଚ୍‌ ରାଞ୍ଚିରେ ଖେଳାଯାଇଥିଲା । ଏହି ମ୍ୟାଚ୍‌ରେ ଭାରତ ଦମଦାର ବିଜୟ ହସଲ କରିଥିଲା । ସେହିପରି ଦ୍ବିତୀୟ ମ୍ୟାଚ୍‌ ରାୟପୁରରେ ଖେଳାଯାଇଥିଲା । ସେହି ମ୍ୟାଚ୍‌ରେ ଦକ୍ଷିଣ ଆଫ୍ରିକା ବିଜୟୀ ହୋଇଥିଲା । ଯାହାଫଳରେ ସିରିଜ୍‌ ୧-୧ରେ ବରାବର ହୋଇଛି । ଆଉ ବିଶାଖାପାଟଣା ବାଜି ଯିଏ ଜିତିବ ସେ ସିରିଜ୍‌କୁ ୨-୧ରେ ନିଜ ନାଁରେ କରିବ ।

ଏହି ODI ସିରିଜ୍‌ରେ ବିରାଟ କୋହଲି ଏବଂ ରୋହିତ ଶର୍ମାଙ୍କ ଉପରେ ସମସ୍ତଙ୍କ ନଜର ରହିବ । କିନ୍ତୁ ଭାରତର ଯୁବ ଖେଳାଳିମାନଙ୍କ ଉପରେ ମଧ୍ୟ ଚାପ ରହିବ । କାରଣ ଟିମ୍ ଇଣ୍ଡିଆ ଏକ ଅପମାନଜନକ ସିରିଜ ପରାଜୟକୁ ଏଡାଇବାକୁ ଚେଷ୍ଟା କରିବ । ଯଦି ଭାରତ ରାୟପୁରରେ ହୋଇଥିବା ଖରାପ ପ୍ରଦର୍ଶନକୁ ପୁନରାବୃତ୍ତି କରେ, ତେବେ ଦକ୍ଷିଣ ଆଫ୍ରିକା ୨-୧ରେ ODI ସିରିଜ ଜିତିବ । ପୂର୍ବରୁ ସେମାନେ ଟେଷ୍ଟ ସିରିଜରେ ଭାରତକୁ ୨-୦ରେ ପରାସ୍ତ କରିଛନ୍ତି ।

ବର୍ତ୍ତମାନ ପରିସ୍ଥିତିରେ ଭାରତ ପାଇଁ ଲଗାତାର ଦୁଇଟି ସିରିଜ ହାରିବା ଗ୍ରହଣୀୟ ନୁହେଁ । ବିଶେଷକରି ଯେତେବେଳେ ଡ୍ରେସିଂ ରୁମରେ ବିଭିନ୍ନ ଆଲୋଚନା ଚାଲିଛି । ତେଣୁ ତୃତୀୟ ଦିନିକିଆରେ ବିରାଟ କୋହଲି ଓ ରୋହିତ ଶର୍ମାଙ୍କୁ ପୁଣି ଥରେ ଦଳର ଦାୟିତ୍ୱ ନେବାକୁ ପଡ଼ିବ ।
ଉଭୟ ୫୦ ଓଭର ଫର୍ମାଟରେ ଅସାଧାରଣ ଖେଳାଳି ଏବଂ ଏପରି ପରିସ୍ଥିତିକୁ ମୁକାବିଲା କରିବାରେ ଦକ୍ଷ । ଆଉ ବିଶାଖାପାଟଣାରେ ଦମଦାର ପ୍ରଦର୍ଶନ କରି ସେମାନଙ୍କର ସଫଳତାରେ ଆଉ ଏକ ସୁବର୍ଣ୍ଣ ଅଧ୍ୟାୟ ଯୋଡିବାକୁ ସେମାନେ ଚେଷ୍ଟା କରିବେ ।