ଏସିଆନ୍ ଗେମ୍ସ ୨୦୨୬ ପାଇଁ ଭାରତୀୟ ମହିଳା କ୍ରିକେଟ ଦଳ ଘୋଷଣା ହୋଇଛି । ହରମନପ୍ରୀତ କୌରଙ୍କ ନେତୃତ୍ବରେ ଏସିଆନ୍‌ ଗେମ୍ସ ଖେଳିବ ଟିମ୍ ଇଣ୍ଡିଆ । ଚୟନ କମିଟି ସେପ୍ଟେମ୍ବରରେ ଜାପାନର ଆଇଚି-ନାଗୋୟାରେ ଅନୁଷ୍ଠିତ ହେବାକୁ ଥିବା ଏହି ଟୁର୍ଣ୍ଣାମେଣ୍ଟ ପାଇଁ ଏକ ୧୫ ଜଣିଆ ଦଳ ଘୋଷଣା କରିଛି । ଚୟନକର୍ତ୍ତାମାନେ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇ ୱିକେଟକିପର-ବ୍ୟାଟ୍ସମ୍ୟାନ୍ ୟସ୍ତିକା ଭାଟିଆଙ୍କୁ ଦଳରୁ ବାଦ୍‌ ଦେଇଛନ୍ତି ।

🚨 News 🚨

India Women's squad announced for the 2026 #AsianGames in September.

More Details ▶️ https://t.co/JagEsizajH#TeamIndia pic.twitter.com/jJGddVSr17

— BCCI Women (@BCCIWomen) June 30, 2026

ହରମନପ୍ରୀତ କୌରଙ୍କୁ ଏସିଆନ୍ ଗେମ୍ସରେ ମହିଳା କ୍ରିକେଟ୍ ଦଳର ଅଧିନାୟକ ଦାୟିତ୍ବ ମିଳିଥିବା ବେଳେ ଉପ-ଅଧିନାୟକ ଦାୟିତ୍ବ ସ୍ମୃତି ମନ୍ଧାନା ହେବେ । ସେହିପରି ମହିଳା ଟି-୨୦ ବିଶ୍ୱକପରେ ଆହତ ହୋଇଥିବା ଅଲରାଉଣ୍ଡର ଶ୍ରେୟଙ୍କା ପାଟିଲଙ୍କୁ ମଧ୍ୟ ଦଳରେ ସାମିଲ କରାଯାଇଛି । ତଥାପି, ଅଲରାଉଣ୍ଡର ଶ୍ରେୟଙ୍କା ପାଟିଲଙ୍କ ଚୟନ ଫିଟନେସ୍ କ୍ଲିୟରାନ୍ସ ଉପରେ ନିର୍ଭର କରେ । ସେ କେବଳ ଡାକ୍ତରୀ କ୍ଲିୟରାନ୍ସ ପାଇଲେ ଏସୀୟ କ୍ରୀଡ଼ାରେ ଦଳ ସହିତ ସାମିଲ ହୋଇପାରିବେ ।

କ'ଣ ପାଇଁ ୟସ୍ତିକା ଭାଟିଆଙ୍କୁ ଦଳରୁ ବାଦ ଦିଆଯାଇଥିଲା ?

ସବୁଠାରୁ ବଡ଼ ପ୍ରଶ୍ନ ହେଉଛି ୟସ୍ତିକା ଭାଟିଆଙ୍କୁ କାହିଁକି ଦଳରୁ ବାଦ୍‌ ଦିଆଯାଇଛି । ଏହାର ମୁଖ୍ୟ କାରଣ ହେଉଛି ତାଙ୍କର ପ୍ରଦର୍ଶନ । ୟସ୍ତିକା ମହିଳା ଟି-୨୦ ବିଶ୍ୱକପ୍ ୨୦୨୬ର ତିନୋଟି ମ୍ୟାଚରେ କେବଳ ୪୧ ରନ କରିପାରିଥିଲେ । ଏହି ପ୍ରଦର୍ଶନ ଫଳରେ ତାଙ୍କୁ ଏସିଆନ୍‌ ଗେମ୍ସ ସ୍କ୍ବାଡ୍‌ରୁ ବାଦ୍ ଦିଆଯାଇଛି ।  ଏସିଆନ୍‌ ଗେମ୍ସ ୨୦୨୬ରେ ଭାରତୀୟ ଦଳ ଡିଫେଣ୍ଡିଂ ଚାମ୍ପିଅନ୍ ଭାବେ ମଇଦାନକୁ ଓହ୍ଲାଇବ । ଚୀନ୍‌ର ହାଙ୍ଗଜୌରେ ଅନୁଷ୍ଠିତ ଗତ ଏସୀୟ ଗେମ୍ସରେ ଭାରତ ଶ୍ରୀଲଙ୍କାକୁ ହରାଇ ସ୍ବର୍ଣ୍ଣ ପଦକ ଜିତିଥିଲା । ତେଣୁ ଦଳ ଏଥର ସ୍ୱର୍ଣ୍ଣ ପଦକ ରକ୍ଷା କରିବାକୁ ଚେଷ୍ଟା କରିବ ।

ଅଧିକ ପଢ଼ନ୍ତୁ: ଭାରତୀୟ ଟି-୨୦ ଦଳକୁ ଫେରିବେ ଶୁବମନ ଗିଲ…ପୂର୍ବତନ ଭାରତୀୟ ଖେଳାଳି ଏକ ବଡ଼ ଦାବି କରିଛନ୍ତି

ଏସିଆନ ଗେମ୍ସ ପାଇଁ ଭାରତୀୟ ମହିଳା କ୍ରିକେଟ ଦଳ:

ହରମନପ୍ରୀତ କୌର (ଅଧିନାୟିକା), ସ୍ମୃତି ମନ୍ଧାନା (ଉପ-ଅଧିନାୟିକ), ଶେଫାଳି ବର୍ମା, ଜେମିମା ରୋଡ୍ରିଗ୍ସ, ଦୀପ୍ତି ଶର୍ମା, ରିଚା ଘୋଷ, ଜି. କମଲିନି, ଭାରତୀ ଫୁଲମାଲି, ଶ୍ରୀ ଚରଣୀ, ରେଣୁକା ଠାକୁର, ଅରୁନ୍ଧତୀ ରେଡ୍ଡୀ, କ୍ରାନ୍ତି ଗୌଡ, ଶ୍ରେୟଙ୍କା ପାଟିଲ, ନନ୍ଦିନୀ ଶର୍ମା ଏବଂ ରାଧା ଯାଦବ