ମହିଳା କ୍ରିକେଟରେ ନୂଆ ଇତିହାସ ରଚିଛି ଟିମ୍ ଇଣ୍ଡିଆ । ରବିବାର ଖେଳାଯାଇଥିବା ଫାଇନାଲ ମ୍ୟାଚ୍‌ରେ ଦକ୍ଷିଣ ଆଫ୍ରିକାକୁ ପରାସ୍ତ କରି ପ୍ରଥମ ଥର ପାଇଁ ଦିନିକିଆ ବିଶ୍ବକପ୍‌ ଜିତିଛି । ହରମନପ୍ରୀତ କୌରଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ ଦକ୍ଷିଣ ଆଫ୍ରିକାକୁ ୫୨ ରନରେ ପରାସ୍ତ କରି ବିଶ୍ବକପ୍‌ ଟ୍ରଫି ହାତେଇଛି । ଏହି ମହାନ ବିଜୟ ପରେ ଭାରତୀୟ ଖେଳାଳିମାନେ ଟ୍ରଫି ସହିତ ବିଜୟ ଉତ୍ସବ ପାଳନ କରୁଥିବାର ଅନେକ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । କିନ୍ତୁ ଆପଣ କ'ଣ ଜାଣନ୍ତି କି ଭାରତୀୟ ଦଳଠାରୁ ଏହି ବିଜୟ ଟ୍ରଫି ଫେରାଇ ନିଆଯିବ ? ପ୍ରକୃତରେ, ଏହା ପଛରେ ଏକ ସ୍ୱତନ୍ତ୍ର ICC ନିୟମ ରହିଛି...

ଅଧିକ ପଢ଼ନ୍ତୁ: ଯେଉଁ ନଭେମ୍ବର ଆମକୁ କନ୍ଦେଇଥିଲା, ସେହି ନଭେମ୍ବରରେ ଆସିଲା ବିଶ୍ବକପ୍ ଟ୍ରଫି

ରିପୋର୍ଟ ଅନୁଯାୟୀ, ICC ପ୍ରାୟ ୨୬ ବର୍ଷ ପୂର୍ବେ ଏକ ନିୟମ ପ୍ରଣୟନ କରିଥିଲା । ଯାହା ଅନୁଯାୟୀ ବିଜେତା ଦଳକୁ କେବଳ ଫଟୋସୁଟ୍ ଏବଂ ବିଜୟ ପରେଡ୍ ପାଇଁ ଟ୍ରଫି ଦିଆଯାଇଥାଏ । ଏହା ପରେ ଏହି ଟ୍ରଫିକୁ ଫେରାଇ ନିଆଯାଏ ଏବଂ ଏହାକୁ ICCର ଦୁବାଇ ମୁଖ୍ୟାଳୟରେ ରଖାଯାଇଥାଏ । ବିଜୟୀ ଦଳକୁ ପରେ ଏକ ପ୍ରତିକୃତି ଟ୍ରଫି ଦିଆଯାଏ, ଯାହା ସମ୍ପୂର୍ଣ୍ଣ ମୂଳ ଟ୍ରଫି ପରି । ଟ୍ରଫିକୁ ଚୋରି କିମ୍ବା କ୍ଷତିରୁ ରକ୍ଷା କରିବା ପାଇଁ ଏଭଳି ଏକ ନିୟମ କରାଯାଇଛି ।

Countless memories 🫶
An unforgettable night ✨

2nd November 2025 will forever hold the most special place in our hearts 💙#TeamIndia | #WomenInBlue | #CWC25 | #Champions | @adidas | @apollotyres pic.twitter.com/KT39iDX5Wt

— BCCI Women (@BCCIWomen) November 3, 2025

ମହିଳା ବିଶ୍ୱକପ୍ ୨୦୨୫ ଟ୍ରଫିର ଓଜନ ପ୍ରାୟ ୧୧ କିଲୋଗ୍ରାମ ଏବଂ ଉଚ୍ଚତା ପ୍ରାୟ ୬୦ ସେଣ୍ଟିମିଟର । ଏହା ସୁନା ଏବଂ ରୂପାରେ ତିଆରି । ଟ୍ରଫିର ତିନୋଟି ରୂପା ଷ୍ଟମ୍ପ ଏବଂ ବେଲ୍ ଆକୃତିର ହୋଇଥିବା ବେଳେ ଏହାର ଉପର ଭାଗ ଏକ ସୁନା ଗ୍ଲୋବ୍ ଅଟେ । ଏଥିରେ ସମସ୍ତ ବିଜୟୀ ଦଳର ନାମ ଖୋଦିତ ହୋଇ ରହିଛି । ତେବେ ଏଥର ପ୍ରଥମ ଥର ପାଇଁ ବିଶ୍ବକପ୍ ଟ୍ରଫିରେ ଭାରତର ନାମ ସାମିଲ କରାଯାଇଛି ।
ଏପର୍ଯ୍ୟନ୍ତ ଖେଳାଯାଇଥିବା ୧୩ଟି ମହିଳା ବିଶ୍ୱକପ୍ ଟୁର୍ଣ୍ଣାମେଣ୍ଟରେ ଅଷ୍ଟ୍ରେଲିଆ ସାତ ଥର, ଇଂଲଣ୍ଡ ଚାରି ଥର ଏବଂ ନ୍ୟୁଜିଲାଣ୍ଡ ଏବଂ ଭାରତ ଥରେ ଲେଖାଏଁ ଟାଇଟଲ ଜିତିଛି ।

ଭାରତ ଇତିହାସ ରଚିଛି

ନଭି ମୁମ୍ବାଇର ଡିୱାଇ ପାଟିଲ ଷ୍ଟାଡିୟମରେ ଖେଳାଯାଇଥିବା ଫାଇନାଲ ମ୍ୟାଚରେ ପ୍ରଥମେ ବ୍ୟାଟିଂ କରି ଭାରତ ୨୯୮ ରନ୍ କରିଥିଲା । ଜବାବରେ ଦକ୍ଷିଣ ଆଫ୍ରିକା କେବଳ ୨୪୬ ରନ୍ କରିପାରିଥିଲା । ଭାରତ ପାଇଁ ଶେଫାଳୀ ବର୍ମା ୮୭ ରନର ଏକ ଚମତ୍କାର ଇନିଂସ ଖେଳିଥିଲେ ଏବଂ ଦୁଇଟି ୱିକେଟ୍ ନେଇଥିଲେ। ଯାହାଫଳରେ ସେ ମ୍ୟାନ୍‌ ଅଫ ଦି ମ୍ୟାଚ୍‌ ପୁରସ୍କାର ମିଳିଥିଲା । ଦୀପ୍ତି ଶର୍ମା ମଧ୍ୟ ଚମତ୍କାର ପ୍ରଦର୍ଶନ କରି ୫୮ ରନ୍ କରିଥିଲେ ଏବଂ ପାଞ୍ଚଟି ୱିକେଟ୍ ନେଇଥିଲେ ।