Argus News - IPL ମ୍ୟାଚ୍ ପ୍ରସାରଣ ଦାୟିତ୍ଵରେ ଥିବା BCCI ବ୍ରଡକାଷ୍ଟ ଇଞ୍ଜିନିୟରଙ୍କ ମୃତଦେହ ହୋଟେଲରୁ ମିଳିଲା

ମୁମ୍ବାଇ: ଜାରି ରହିଛି ଫଟାଫଟ୍ କ୍ରିକେଟ୍ IPL । ଆଇପିଏଲ୍-୨୦୨୬ ଆରମ୍ଭ ହୋଇଥିବା ବେଳେ ମୁମ୍ବାଇରୁ ଆସିଛି ଏକ ଦୁଃଖଦ ଖବର । ଆଇପିଏଲ୍ ମ୍ୟାଚ୍ ପାଇଁ ବିସିସିଆଇ ସହ ବ୍ରଡକାଷ୍ଟ ଇଞ୍ଜିନିୟର ଭାବେ କାର୍ଯ୍ୟ କରୁଥିବା ଝଣେ ବ୍ରିଟିଶ ନାଗରିକ ଆଖି ବୁଜିଛନ୍ତି । ମୁମ୍ବାଇର ଟ୍ରାଇଡେଣ୍ଟ ହୋଟଲରୁ ମିଳିଛି ବିଦେଶୀ ନାଗରିକଙ୍କ ମୃତଦେହ । ମୃତକ ଜନ ୱିଲିୟମ୍ ଲାଙ୍ଗଫର୍ଡ ବୋଲି ଜଣାପଡ଼ିଛି ।

ମ୍ୟାଚ୍‌ରୁ ଫେରି ଡୋର୍ ଖୋଲିଲେନି

ସୂଚନା ଅନୁସାରେ, ଜନ ମାର୍ଚ୍ଚ ୨୪ରୁ ମୁମ୍ବାଇର ଟ୍ରାଇଡେଣ୍ଟ ହୋଟେଲରେ ରହୁଥିଲେ ଏବଂ ଆଇପିଏଲ୍ ମ୍ୟାଚ୍ ପ୍ରସାରଣ ସହ ଜଡ଼ିତ କାର୍ଯ୍ୟରେ ଲାଗିଥିଲେ । ମାର୍ଚ୍ଚ ୨୯ରେ ମ୍ୟାଚ୍ ସରିବା ପରେ ହୋଟଲ ରୁମକୁ ଫେରିଥିଲେ ଇଆନ । ତା'ପରଦିନ ମାର୍ଚ୍ଚ ୩୦ରେ ହୋଟେଲ ରିସେପସନ୍‌ରୁ ତାଙ୍କୁ କଲ୍ କରାଯାଇଥିଲା । ହେଲେ ତାଙ୍କ ରୁମ୍‌ରୁ କୌଣସି ଉତ୍ତର ମିଳିନଥିଲା । ଫଳରେ ମାଷ୍ଟର ଚାବିରେ ଡୋର୍ ଖୋଲିଥିଲେ ହୋଟେଲ୍ କର୍ତ୍ତୃପକ୍ଷ ।

ଏଥିସହ ପଢ଼ନ୍ତୁ: ଚାଲିଥିଲା ମ୍ୟାଚ୍; କାହିଁକି ପଡ଼ିଆ ମଝିରେ ଭାବବିହ୍ଵଳ ହେଲେ ସାର୍ ଜାଡେଜା ?

କବାଟ ଖୋଲିବା ବେଳକୁ ଇଆନ ସୋଫାରେ ପଡ଼ିଥିଲେ । ତୁରନ୍ତ ହୋଟେଲରେ ଥିବା ଡକ୍ଟରଙ୍କୁ ଡକା ଯାଇଥିଲା । ଡାକ୍ତର ଇଆନଙ୍କୁ ମୃତ ଘୋଷଣା କରିଛନ୍ତି । ଏନେଇ ହୋଟେଲ ପକ୍ଷରୁ ମରୀନ ଡ୍ରାଇବ୍ ପୋଲିସକୁ ଅବଗତ କରାଯାଇଥିଲା । ପୋଲିସ ମାମଲା ରୁଜୁ କରି ମୃତ୍ୟୁର କାରଣ ଖୋଜୁଛି । ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ସ୍ପଷ୍ଟ ହୋଇ ପାରିବ ମୃତ୍ୟୁର କାରଣ ।

ତେବେ ବିସିସିଆଇ ସହ ଆଇପିଏଲ୍ ବ୍ରଡକାଷ୍ଟ ଇଞ୍ଜିନିୟର ଭାବେ କାମ କରୁଥିବା ଜନଙ୍କ ହଠାତ୍ ଦେହାନ୍ତ ସମସ୍ତଙ୍କୁ ସ୍ତବ୍ଧ କରିଛି । ୭୬ ବର୍ଷୀୟ ଜନଙ୍କ ମୃତ୍ୟୁ ଏବେ ସନ୍ଦେହ ଘେରରେ ଥିବା ବେଳେ ପୋଲିସର ତଦନ୍ତ ଜାରି ରହିଛି ।

ଏଥିସହ ପଢ଼ନ୍ତୁ: ରୋହିତଙ୍କ ବ୍ୟାଟରୁ ଛକା-ଚୌକା ବର୍ଷା; ୧୩ ବର୍ଷ ପରେ ଭାଙ୍ଗିଲା ପ୍ରଥମ ମ୍ୟାଚ୍ ପରାଜୟର ଧାରା

ବିଜୟରୁ ଅଭିଯାନ ଆରମ୍ଭ

ସୂଚନାଯୋଗ୍ୟ, ମାର୍ଚ୍ଚ ୨୯ ତାରିଖରେ ମୁମ୍ବାଇର ୱାଙ୍ଖଡ଼େ ଷ୍ଟାଡିୟମ୍‌ରେ ମୁମ୍ବାଇ ଇଣ୍ଡିଆନ୍ସ ଏବଂ କୋଲକାତା ନାଇଟ୍ ରାଇଡର୍ସ ମଧ୍ୟରେ ମୁକାବିଲା ଖେଳା ଯାଇଥିଲା । ଉକ୍ତ ମ୍ୟାଚ୍‌କୁ ଜିତି ନେଇଥିଲା ମୁମ୍ବାଇ ଇଣ୍ଡିଆନ୍ସ । ଏହାଥିଲା ଚଳିତ ଆଇପିଏଲ୍ ସଂସ୍କରଣରେ ମୁମ୍ବାଇ ଇଣ୍ଡିଆନ୍ସର ପ୍ରଥମ ମ୍ୟାଚ୍ ।

୨୦୧୨ ପରେ ପ୍ରଥମ ଥର ପାଇଁ ସିଜିନର ପ୍ରଥମ ମ୍ୟାଚ୍ ଜିତି ଏକ ଚମତ୍କାର ଢଙ୍ଗରେ ନିଜର ଆଇପିଏଲ ୨୦୨୬ ଅଭିଯାନ ଆରମ୍ଭ କରିଛି ମୁମ୍ବାଇ । ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚରେ, ମୁମ୍ବାଇ ଇଣ୍ଡିଆନ୍ସ ବିପକ୍ଷ ଦଳ କୋଲକାତା ନାଇଟ୍ ରାଇଡର୍ସକୁ ୬ ୱିକେଟରେ ପରାସ୍ତ କରିଛି ।