IPL ୨୦୨୬ ମଝିରୋ ଚେନ୍ନାଇ ସୁପର କିଙ୍ଗ୍ସକୁ ଲାଗିଛି ବଡ଼ ଝଟକା । ଦଳର ଯୁବ ଷ୍ଟାର ବ୍ୟାଟ୍ସମ୍ୟାନ୍ ଆୟୁଷ ମହାତ୍ରେ ଆହତ କାରଣରୁ ପୂରା ସିଜିନ୍‌ରୁ ବାଦ୍‌ ପଡ଼ିଛନ୍ତି । ଏନେଇ ଚେନ୍ନାଇ ସୁପର କିଙ୍ଗ୍ସ ପକ୍ଷରୁ ଆନୁଷ୍ଠାନିକ ଭାବେ ଘୋଷଣା କରାଯାଇଛି । ଚେନ୍ନାଇ ପୂର୍ବରୁ ଚଳିତ ଆଇପିଏଲ ସିଜିନ୍‌ରେ ଏକ କଷ୍ଟକର ସମୟ ଦେଇ ଗତି କରୁଛି, ଛଅଟି ମ୍ୟାଚ୍ ମଧ୍ୟରୁ କେବଳ ଦୁଇଟି ଜିତିଛି ଏବଂ ୪ଟି ମ୍ୟାଚ୍‌ରେ ପରାଜୟ ବରଣ କରିଛି CSK ।

ଚେନ୍ନାଇ ସୁପର କିଙ୍ଗ୍ସ ସୋସିଆଲ ମିଡିଆରେ ଆୟୁଷଙ୍କ ସମ୍ପର୍କରେ ଏକ ବିବୃତ୍ତି ଜାରି କରି ଲେଖିଛନ୍ତି, '୧୮ ଏପ୍ରିଲରେ ସନରାଇଜର୍ସ ହାଇଦ୍ରାବାଦ ବିପକ୍ଷ ମ୍ୟାଚ୍‌ରେ ବ୍ୟାଟିଂ କରୁଥିବା ସମୟରେ ବାମ ହାମଷ୍ଟ୍ରିଙ୍ଗ୍ ଆଘାତ ଯୋଗୁଁ ଆୟୁଷ ମହାତ୍ରେଙ୍କୁ IPL ୨୦୨୬ର ବାକି ମ୍ୟାଚରୁ ବାଦ୍‌ ଦିଆଯାଇଛି'' ।

Official Announcement

Ayush Mhatre has been ruled out of the remainder of IPL 2026 due to a left hamstring injury sustained while batting during the match against Sunrisers Hyderabad on April 18.

Ayush's injury will require a rehabilitation period of 6-12 weeks.

We wish Ayush… pic.twitter.com/7bGrFvqjY9

— Chennai Super Kings (@ChennaiIPL) April 21, 2026

ଚେନ୍ନାଇ ପାଇଁ ସର୍ବାଧିକ ରନ୍

ଆୟୁଷ ମହାତ୍ରେ ଏହି ସିଜିନ୍‌ରେ ଚେନ୍ନାଇ ପାଇଁ ଛଅଟି ଲିଗ୍ ମ୍ୟାଚ୍ ଖେଳିଛନ୍ତି । ସେ ୬ ମ୍ୟାଚ୍‌ରେ ୩୩.୫୫ ହାରାହାରି ଏବଂ ୧୭୭.୮୭ ଷ୍ଟ୍ରାଇକ୍ ରେଟ୍ ସହିତ ୨୦୧ ରନ୍ କରିଛନ୍ତି । ମହାତ୍ରେ ଏପର୍ଯ୍ୟନ୍ତ ଚେନ୍ନାଇ ପାଇଁ ସର୍ବାଧିକ ରନ ସ୍କୋରର । ୱିକେଟକିପର-ବ୍ୟାଟ୍ସମ୍ୟାନ ସଞ୍ଜୁ ସାମସନ ୧୯୨ ରନ ସହିତ ଏହି ତାଲିକାରେ ଦ୍ୱିତୀୟ ସ୍ଥାନରେ ଅଛନ୍ତି ।

ଆୟୁଷ ମହାତ୍ରେଙ୍କ ଆଇପିଏଲ କ୍ୟାରିୟର

ଆୟୁଷ ୨୦୨୫ ଆଇପିଏଲ ସିଜିନରେ ତାଙ୍କର ଆଇପିଏଲ ଡେବ୍ୟୁ କରିଥିଲେ ଏବଂ ଉଭୟ ସିଜିନରେ ଚେନ୍ନାଇ ଦଳର ଅଂଶ ଥିଲେ । ଯୁବ ଓପନର ଏପର୍ଯ୍ୟନ୍ତ ଟୁର୍ଣ୍ଣାମେଣ୍ଟରେ ୧୩ଟି ମ୍ୟାଚ୍ ଖେଳିଛନ୍ତି । ୧୩ଟି ଇନିଂସରେ ବ୍ୟାଟିଂ କରି ସେ ୩୩.୯୨ ହାରରେ ଏବଂ ୧୮୩.୭୫ ଷ୍ଟ୍ରାଇକ୍ ରେଟ୍ ସହିତ ୪୪୧ ରନ କରିଛନ୍ତି ।