IPL ର ୫୮ତମ ମ୍ୟାଚ୍‌ ମୁମ୍ବାଇ ଇଣ୍ଡିଆନ୍ସ ଓ ପଞ୍ଜାବ କିଙ୍ଗ୍ସ ମଧ୍ୟରେ ଖେଳାଯାଉଛି । ତେବେ ଏହି ମ୍ୟାଚ୍‌ରେ ମୁମ୍ବାଇ ଇଣ୍ଡିଆନ୍ସ ପୁଣି ଥରେ ଅଧିନାୟକ ପରିବର୍ତ୍ତନ କରିଛି । ଏହି ହାଇଭୋଲଟେଜ୍ ମ୍ୟାଚ୍‌ରେ ଜସପ୍ରିତ ବୁମରାହ MI ଦଳର ଅଧିନାୟକତ୍ୱ କରୁଛନ୍ତି ଏବଂ ଏହା ଲଗାତାର ତୃତୀୟ ମ୍ୟାଚ୍ ଯେଉଁଥିରେ ହାର୍ଦ୍ଦିକ ପାଣ୍ଡ୍ୟା ଖେଳୁନାହାନ୍ତି । ଏମିତିକି ସୂର୍ଯ୍ୟକୁମାର ଯାଦବ ମଧ୍ୟ ପଞ୍ଜାବ ବିପକ୍ଷ ମ୍ୟାଚ୍‌ ଖେଳୁନାହାନ୍ତି । ଜସପ୍ରିତ ବୁମରାହ ପଞ୍ଜାବ କିଙ୍ଗ୍ସ ବିପକ୍ଷ ମ୍ୟାଚ୍ ପାଇଁ ଟସ୍ ସମୟରେ MI ଦଳର କ୍ୟାପଟେନ୍‌ ଭାବେ ପଡ଼ିଆକୁ ଆସିଥିଲେ । ଟସ୍ ସମୟରେ ବୁମରାହ କହିଥିଲେ ଯେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ହେବା ଏକ ନୂଆ ଚ୍ୟାଲେଞ୍ଜ ।

A kid with a unique action bowled yorkers at will. That same kid, now a legend of the game will lead the Blue & Gold in Dharamshala.

A journey to be proud of, Captain Jasprit! 💙 pic.twitter.com/QCi1X4HhDy

— Mumbai Indians (@mipaltan) May 14, 2026

ମୁଁ କେବେ କଳ୍ପନା କରି ନଥିଲି - ଜସପ୍ରିତ ବୁମରାହ

ମୁମ୍ବାଇ ଇଣ୍ଡିଆନ୍ସର ଅଧିନାୟକ ହେବା ବିଷୟରେ ଜସପ୍ରିତ ବୁମରାହ କହିଥିଲେ, "ଅଧିନାୟକ ହୋଇ ଭଲ ଲାଗୁଛି । ମୁଁ ୧୯ ବର୍ଷ ବୟସରେ ମୁମ୍ବାଇ ଇଣ୍ଡିଆନ୍ସ ଦଳରେ ଯୋଗ ଦେଇଥିଲି । ମୁଁ କେବେ କଳ୍ପନା କରି ନଥିଲି ଯେ MI ଅଧିନାୟକ ହେବା ପୂର୍ବରୁ ମୁଁ ଭାରତୀୟ ଟେଷ୍ଟ ଦଳର ଅଧିନାୟକତ୍ୱ କରିବାର ଅଭିଜ୍ଞତା ପାଇବି ।"
ବୁମରାହ ଆହୁରି କହିଛନ୍ତି, "ଏଠାରେ ରହିବା ଏକ ମଜାଦାର ଅଭିଜ୍ଞତା। ଆପଣଙ୍କୁ ଅନ୍ୟ ସମସ୍ତଙ୍କ ବିଷୟରେ ଚିନ୍ତା କରିବାକୁ ପଡିବ ଏବଂ ପ୍ରତ୍ୟେକ ପ୍ରକାରରେ ଯୋଗଦାନ ଦେବାକୁ ପଡିବ । ଏହା ଏକ ନୂତନ ଚ୍ୟାଲେଞ୍ଜ ଏବଂ ମୁଁ ଏହି ଦାୟିତ୍ୱକୁ ଉପଭୋଗ କରୁଛି ।"

🚨Toss update from Dharamshala 🚨@mipaltan won the toss and elected to bowl first against @PunjabKingsIPL

Jasprit Bumrah leading #MI for the first time

Updates ▶️ https://t.co/idtc2OTLbP#TATAIPL | #KhelBindaas | #PBKSvMI pic.twitter.com/VHm0xIrYoK

— IndianPremierLeague (@IPL) May 14, 2026

ମୁମ୍ବାଇ ଇଣ୍ଡିଆନ୍ସର ୧୯ ବର୍ଷର ଇତିହାସରେ ମୋଟ ୧୦ ଜଣ ଖେଳାଳି ମୁମ୍ବାଇ ଇଣ୍ଡିଆନ୍ସର ଅଧିନାୟକତ୍ୱ କରିଛନ୍ତି। ସଚିନ ତେନ୍ଦୁଲକର, ରୋହିତ ଶର୍ମା, ହରଭଜନ ସିଂହ, ଶନ୍ ପୋଲକ୍, ରିକି ପଣ୍ଟିଂ, ଡୱେନ୍ ବ୍ରାଭୋ, କିରନ୍ ପୋଲାର୍ଡ, ସୂର୍ଯ୍ୟକୁମାର ଯାଦବ, ହାର୍ଦ୍ଦିକ ପାଣ୍ଡ୍ୟା ଏବଂ ବର୍ତ୍ତମାନ ଜସପ୍ରିତ ବୁମରାହ ମୁମ୍ବାଇର ଅଧିନାୟକତ୍ୱ କରୁଥିବା ଦଶମ ଖେଳାଳି ହୋଇଛନ୍ତି ।