ଜାରି ରହିଛି ଫଟାଫଟ୍‌ କ୍ରିକେଟ୍‌ର ମହାକୁମ୍ଭ ଆଇପିଏଲ । ଆଉ ଏହାରି ମଧ୍ୟରେ ବଡ଼ ଖବର ସାମ୍ନାକୁ ଆସିଛି । IPL ୨୦୨୬ ମଧ୍ୟରେ ଇଶାନ କିଶାନଙ୍କ ପ୍ରଶଂସକଙ୍କ ପାଇଁ ଆସିଛି ଏକ ଖରାପ ଖବର । ସନ୍ ରାଇଜର୍ସ ହାଇଦ୍ରାବାଦ ସିଜିନ୍ ମଧ୍ୟଭାଗରେ ଅଧିନାୟକ ପରିବର୍ତ୍ତନ କରିବାକୁ ଯାଉଛି । ପ୍ୟାଟ୍ କମିନ୍ସ IPL ୨୦୨୬ରେ ଦଳକୁ ଫେରିବାକୁ ଯାଉଛନ୍ତି । ଜାତୀୟ ଗଣମାଧ୍ୟମ ଅନୁଯାୟୀ, କମିନ୍ସଙ୍କୁ କ୍ରିକେଟ୍ ଅଷ୍ଟ୍ରେଲିଆ ପକ୍ଷରୁ ସବୁଜ ସଙ୍କେତ ମିଳିଛି । ସେ ଏପ୍ରିଲ୍ ୧୭ ତାରିଖରେ SRH ଦଳରେ ଯୋଗଦେବେ ।

କମିନ୍ସଙ୍କ ଅନୁପସ୍ଥିତିରେ ଇଶାନ କିଶାନ ବର୍ତ୍ତମାନ ଦଳର ଅଧିନାୟକତ୍ୱ କରୁଛନ୍ତି । ରିପୋର୍ଟରେ ଦାବି କରାଯାଇଛି ଯେ ତାଙ୍କ ପିଠି ସମସ୍ୟା ସମ୍ପୂର୍ଣ୍ଣ ସୁସ୍ଥ ହୋଇଯାଇଛି । ସିଡନୀରେ କରାଯାଇଥିବା ସ୍କାନ ପରେ ତାଙ୍କୁ କ୍ଲିନ୍‌ଚିଟ୍‌ ମିଳିଛି ।

କମିନ୍ସ ଦଳରେ ଯୋଗଦେବା ପରେ ଇଶାନ କିଶାନଙ୍କୁ ଅଧିନାୟକ ପଦରୁ ହଟିବାକୁ ପଡିବ । ତେବେ ସେ ପ୍ୟାଟ୍‌ କମିନ୍ସ ପରବର୍ତ୍ତୀ ଦୁଇଟି ମ୍ୟାଚରେ ଖେଳିବେ ନାହିଁ । ସେ ଏପ୍ରିଲ୍ ୨୫ ତାରିଖରେ ରାଜସ୍ଥାନ ରୟାଲ୍ସ ବିପକ୍ଷରେ ମ୍ୟାଚ୍‌ ଖେଳିବେ ।

ଏପର୍ଯ୍ୟନ୍ତ, ସନରାଇଜର୍ସ ହାଇଦ୍ରାବାଦ ଇଶାନ କିଶାନଙ୍କ ଅଧିନାୟକତ୍ୱରେ ପାଞ୍ଚଟି ମ୍ୟାଚ୍ ଖେଳିଛି । ସେଥିମଧ୍ୟରୁ ଦଳ ଦୁଇଟି ଜିତିଛି ଏବଂ ତିନୋଟି ହାରିଛି । ଦଳର ପ୍ରଦର୍ଶନ ଏପର୍ଯ୍ୟନ୍ତ ଖରାପ ରହିଛି ।

ଅଧିନାୟକ ଭାବରେ, ଇଶାନ ହାଇଦ୍ରାବାଦ ପାଇଁ ବହୁତ ରନ କରିଛନ୍ତି। ସେ RCB ବିପକ୍ଷରେ ପ୍ରଥମ ମ୍ୟାଚରେ ୮୦ ରନ କରିଥିଲେ, ଯେତେବେଳେ KKR ବିପକ୍ଷରେ ସେ ୧୪ ରନ କରିଥିଲେ । ସେହିପରି LSG ବିପକ୍ଷରେ ୧ ରନ୍‌, ପଞ୍ଜାବ କିଙ୍ଗସ ବିପକ୍ଷରେ ୨୭ ଏବଂ ରାଜସ୍ଥାନ ରୟାଲ୍ସ ବିପକ୍ଷରେ ୯୧ ରନ କରିଥିଲେ । ସେ ଏପର୍ଯ୍ୟନ୍ତ ଖେଳିଥିବା ପାଞ୍ଚଟି ମ୍ୟାଚରେ ଦୁଇଟି ଅର୍ଦ୍ଧଶତକ ହାସଲ କରିଛନ୍ତି ।