ବୁଧବାର ଆଇପିଏଲ-୨୦୨୬ର ଏଲିମିନେଟର ମ୍ୟାଚ୍‌ ଖେଳାଯାଉଛି । ରାଜସ୍ଥାନ ରୟାଲ୍ସ ଓ ସନ୍‌ ରାଇଜର୍ସ ହାଇଦ୍ରାବାଦ ମଧ୍ୟରେ ଏହି ମ୍ୟାଚ୍‌ ଖେଳାଯାଉଛି । ଏହି ମ୍ୟାଚ୍‌ରେ ପ୍ରଥମେ ବ୍ୟାଟିଂ କରୁଛି ରାଜସ୍ଥାନ । ତେବେ ମ୍ୟାଚ୍‌ର ମାତ୍ର ୩.୫ ଓଭରରେ ଏକ ବଡ଼ ରେକର୍ଡ ନିଜ ନାମରେ କରିଛନ୍ତି ୧୫ ବର୍ଷୀୟ ବୈଭବ ସୂର୍ଯ୍ୟବଂଶୀ । କ୍ରିସ୍‌ ଗେଲ୍‌ଙ୍କ ୧୪ ବର୍ଷ ପୁରୁଣା ରେକର୍ଡ ଭାଙ୍ଗିଛନ୍ତି ୧୫ ବର୍ଷୀୟ ବୈଭବ ସୂର୍ଯ୍ୟବଂଶୀ ।

Cracking 1⃣6⃣-ball FIFTY 🔥

Vaibhav Sooryavanshi not letting us and the bowlers breathe 😅

Updates ▶️ https://t.co/OBIYYIuhbt #TATAIPL | #Eliminator | #TheFinalLeap | #SRHvRR pic.twitter.com/4K69rWM8wZ

— IndianPremierLeague (@IPL) May 27, 2026

୨୦୧୨ ମସିହା ଆଇପିଏଲ ସିଜିନ୍‌ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପକ୍ଷରୁ ଖେଳୁଥିଲେ ୟୁନିଭର୍ସିଆଲ ବସ୍‌ କ୍ରିସ୍‌ ଗେଲ୍‌ । ଏହି ସିଜିନ୍‌ରେ ଗେଲ୍‌ ଆଇପିଏଲ ଇତିହାସରେ ସର୍ବାଧିକ ଛକା ମାରିବାର ରେକର୍ଡ ନିଜ ନାମରେ କରିଥିଲେ । ସେ ୨୦୧୨ ମସିହା ଆଇପିଏଲ ୫୯ ଛକା ମାରିଥିଲେ । ପୂରା ସିଜିନରେ ୧୪ ଇନିଂସରେ ୫୯ ଛକା ସହିତ ୭୩୩ ରନ୍‌ କରିଥିଲେ ଗେଲ୍‌ ।

A 15-year-old just broke Chris Gayle's record 🤯

Vaibhav Sooryavanshi is truly special 🩷

Updates ▶️ https://t.co/OBIYYIuhbt #TATAIPL | #Eliminator | #TheFinalLeap | #SRHvRR pic.twitter.com/3EXl40fEJj

— IndianPremierLeague (@IPL) May 27, 2026

ତେବେ ୧୪ ବର୍ଷ ଧରି କୌଣସି ବ୍ୟାଟ୍ସମ୍ୟାନ୍‌ ଗେଲ୍‌ଙ୍କ ଏହି ରେକର୍ଡ ଭାଙ୍ଗି ପାରିନଥିଲେ । କିନ୍ତୁ ଠିକ୍‌ ୧୪ ବର୍ଷ ପରେ ଜଣେ ୧୫ ବର୍ଷୀୟ କ୍ରିକେଟ୍‌ର ବୈଭବ ସୂର୍ଯ୍ୟବଂଶୀ ଗେଲ୍‌ଙ୍କ ରେକର୍ଡକୁ ଭାଙ୍ଗିବାରେ ସଫଳ ହୋଇଛନ୍ତି । ବୈଭବ IPL-2026ରେ ୬୦ ଛକା ମାରି ଗେଲ୍‌ଙ୍କ ଏହି ବିଶାଳ ରେକର୍ଡକୁ ଭାଙ୍ଗିଛନ୍ତି । ଏପର୍ଯ୍ୟନ୍ତ ଚଳିତ ସିଜିନ୍‌ରେ ସୂର୍ଯ୍ୟବଂଶୀ ୧୫ ଇନିଂସରେ ୬୫ ଛକା ସହ ୬୮୦ ରନ୍‌ କରିଛନ୍ତି ।

ଅଧିକ ପଢ଼ନ୍ତୁ: ବୈଭବ ସୂର୍ଯ୍ୟବଂଶୀଙ୍କ ବିସ୍ଫୋରକ ବ୍ୟାଟିଂ, ୧୦ ବଲ୍‌ରେ ୫୦ ରନ୍‌...ଭାଇରାଲ ହେଲା ଭିଡିଓ

କେବଳ ଏତିକି ନୁହେଁ ସନ୍‌ରାଇଜର୍ସ ହାଇଦ୍ରାବାଦ ବିପକ୍ଷରେ ଖେଳାଯାଉଥିବା ଏଲିମିନେଟର ମ୍ୟାଚ୍‌ରେ ଆଉ ଏକ ବଡ଼ ରେକର୍ଡ ମଧ୍ୟ ନିଜ ନାମରେ କରିଛନ୍ତି ବୈଭବ ସୂର୍ଯ୍ୟବଂଶୀ । ସେ ଏଲିମିନେଟରେ ଦ୍ରୁତତମ ଅର୍ଦ୍ଧଶତକ ହାସଲ କରିଛନ୍ତି । ମାତ୍ର ୧୬ ବଲ୍‌ରେ ସେ ଅର୍ଦ୍ଧଶତକ ହାସଲ କରିଛନ୍ତି । ଏହି ହାଇଭୋଲଟେଜ୍‌ ମ୍ୟାଚ୍‌ରେ ବୈଭବ ୨୯ ବଲ୍‌ରେ ୧୨ ଛକା ଓ ୫ ଚୌକା ସହ ୯୭ ରନ୍ କରିଛନ୍ତି ।