ଆଇପିଏଲରେ ଲକ୍ଷ୍ନୌ ସୁପର ଜାଏଣ୍ଟ୍ସ ସହିତ ଲଗାତାର ଦୁଇଟି ଖରାପ ସିଜିନ୍‌ ପରେ ଏକ ବଡ଼ ନିଷ୍ପତ୍ତି ନେଇଛନ୍ତି ଋଷଭ ପନ୍ତ । ପୁଣି ଥରେ ଦିଲ୍ଲୀ କ୍ୟାପିଟାଲ୍ସକୁ ଫେରିଛନ୍ତି ଷ୍ଟାର ଓ୍ବିକେଟ୍‌ କିପର ବ୍ୟାଟ୍ସମ୍ୟାନ୍ ପନ୍ତ । ଟ୍ରେଡ୍‌ ଡିଲ୍‌ ଜରିଆରେ ଋଷଭ ପନ୍ତ ଦିଲ୍ଲୀ କ୍ୟାପିଟାଲ୍ସକୁ ଫେରିଛନ୍ତି ।

ଦିଲ୍ଲୀ କ୍ୟାପିଟାଲ୍ସ ଏବଂ ଲକ୍ଷ୍ନୌ ସୁପର ଜାଏଣ୍ଟ୍ସ ମଧ୍ୟରେ ଏକ ବଡ଼ ବାଣିଜ୍ୟ ଚୁକ୍ତି ଚୂଡ଼ାନ୍ତ ହୋଇଛି । ଦିଲ୍ଲୀ କ୍ୟାପିଟାଲ୍ସ ପନ୍ତଙ୍କ ସ୍ଥାନରେ କୁଲଦୀପ ଯାଦବଙ୍କୁ ଲକ୍ଷ୍ନୌ ପଠାଇବାକୁ ନିଷ୍ପତ୍ତି ନେଇଛି । ଆଇପିଏଲ ୨୦୨୫ ନିଲାମରେ ଋଷଭ ପନ୍ତ ଟୁର୍ଣ୍ଣାମେଣ୍ଟର ଇତିହାସରେ ସବୁଠାରୁ ମହଙ୍ଗା ଖେଳାଳି ହୋଇଥିଲେ । ପନ୍ତଙ୍କୁ LSG ୨୭ କୋଟିରେ ନିଜ ଦଳରେ ସାମିଲ କରିଥିଲା । କିନ୍ତୁ ଏବେ ଟ୍ରେଡ୍‌ ସମୟରେ ପନ୍ତଙ୍କ ମୂଲ୍ୟ ବହୁତ ହ୍ରାସ ପାଇଛି ।

ଋଷଭ ପନ୍ତଙ୍କ ଏକ ବଡ଼ କ୍ଷତି ହୋଇଛି

ଦୁଇ ସିଜନ ପାଇଁ ଲକ୍ଷ୍ନୌ ସୁପର ଜାଏଣ୍ଟ୍ସର ଅଧିନାୟକତ୍ୱ କରିଥିବା ଋଷଭ ପନ୍ତଙ୍କୁ ଏହି ବାଣିଜ୍ୟ ଚୁକ୍ତି ଯୋଗୁଁ ଏକ ବଡ଼ କ୍ଷତି ସହିବାକୁ ପଡ଼ିଛି । ଲକ୍ଷ୍ନୌ ସହିତ ବାଣିଜ୍ୟ ଚୁକ୍ତିରେ ପନ୍ତ କୋଟି କୋଟି ଟଙ୍କା ହରାଇଛନ୍ତି । ସେ ୧୫ କୋଟି ମୂଲ୍ୟରେ ଦିଲ୍ଲୀ କ୍ୟାପିଟାଲ୍ସକୁ ଫେରିଛନ୍ତି । ଯାହାଫଳରେ ସେ ୧୨ କୋଟି କ୍ଷତି ସହିଛନ୍ତି ।

🚨 Announcement 🚨

Rishabh Pant and Kuldeep Yadav complete high-profile trade between @DelhiCapitals and @LucknowIPL.

Rishabh Pant all set to rejoin #DC at INR 15 Crore whereas Kuldeep Yadav will join #LSG at INR 13.5 Crore.

More Details ▶️ https://t.co/64HeOX143I… pic.twitter.com/tIEvj7fgNo

— IndianPremierLeague (@IPL) June 23, 2026

ଲକ୍ଷ୍ନୌ ସୁପର ଜିଏଣ୍ଟସରେ ଦୁଇଟି ସିଜିନ୍‌ରେ ଋଷଭ ପନ୍ତଙ୍କ ପ୍ରଦର୍ଶନ ଏତେଟା ଭଲ ନଥିଲା । ୨୦୨୫ ସିଜିନରେ ପନ୍ତ ୨୬୯ ରନ୍‌ କରିଥିବା ବେଳେ ଏହି ସିଜିନ୍‌ରେ ମାତ୍ର ୩୧୨ ରନ୍ କରିଥିଲେ । ଅନ୍ୟପକ୍ଷରେ ଦିଲ୍ଲୀ କ୍ୟାପିଟାଲ୍ସରେ ପନ୍ତ ୨୦୧୬ରୁ ୨୦୨୪ ପର୍ଯ୍ୟନ୍ତ ରହିଥିଲେ । DC ପାଇଁ ସେ ୧୧୧ଟି ମ୍ୟାଚ୍ ଖେଳିଥିଲେ । ୨୦୨୧ ରୁ ୨୦୨୪ ପର୍ଯ୍ୟନ୍ତ ୪୩ଟି ମ୍ୟାଚରେ ପନ୍ତ ଦଳର ଅଧିନାୟକତ୍ୱ ଦାୟିତ୍ବ ମଧ୍ୟ ତୁଲାଇଥିଲେ ।

କୁଲଦୀପ ଯାଦବ ଏଲଏସଜିରେ ଯୋଗ ଦେଲେ

ସେପଟେ ଗତ ପାଞ୍ଚଟି ସିଜିନ୍‌ ପାଇଁ ଦିଲ୍ଲୀ କ୍ୟାପିଟାଲ୍ସ ପାଇଁ ଖେଳିଥିବା କୁଲଦୀପ ଯାଦବ ଏବେ ଲକ୍ଷ୍ନୌ ସୁପର ଜାଏଣ୍ଟସର ଏକ ଅଂଶ । ସେ ପନ୍ତଙ୍କ ସହିତ ଏକ ଟ୍ରେଡ୍‌ ଡିଲ୍‌ର ଅଂଶ ଭାବରେ ଲକ୍ଷ୍ନୌ ସୁପର ଜାଏଣ୍ଟସରେ ଯୋଗ ଦେଇଛନ୍ତି । LSG କୁଲଦୀପଙ୍କୁ ୧୩.୫ କୋଟିରେ ସାଇନ୍‌ କରିଛି ।