କେରଳର ଥିରୁଅନନ୍ତପୁରମରେ ଭାରତ-ନ୍ୟୁଜିଲାଣ୍ଡ ମଧ୍ୟରେ ପଞ୍ଚମ ତଥା ଅନ୍ତିମ ଦିନିକିଆ ମ୍ୟାଚ୍‌ ଖେଳାଯାଇଥିଲା । ଏହି ମ୍ୟାଚ୍‌ରେ ଭାରତ ପ୍ରଥମ ବ୍ୟାଟିଂ କରି ନ୍ୟୁଜିଲାଣ୍ଡ ସାମ୍ନାରେ ୨୭୨ ରନ୍‌ର ଟାର୍ଗେଟ୍‌ ରଖିଥିଲା । ଏହି ମ୍ୟାଚ୍‌ରେ ଇଶାନ କିଶାନ ୪୨ ବଲ୍‌ ଶତକ ହାସଲ କରି ଇତିହାସ ରଚିଛନ୍ତି । ସେ ଅନ୍ତର୍ଜାତୀୟ ଟି-୨୦ କ୍ରିକେଟ ଇତିହାସରେ ନ୍ୟୁଜିଲାଣ୍ଡ ବିପକ୍ଷରେ ଶତକ ହାସଲ କରିବାରେ ଦ୍ରୁତତମ ବ୍ୟାଟ୍ସମ୍ୟାନ୍ ହୋଇଛନ୍ତି । ତାଙ୍କର ଧମାକାଦାର ଶତକରେ ସେ ୧୦ଟି ଛକା ଏବଂ ୬ଟି ଚୌକା ମାରିଥିଲେ ।

ଭାରତ ପାଇଁ ପଞ୍ଚମ ଦ୍ରୁତତମ ଟି-୨୦ ଶତକ

ଇଶାନ କିଶନ ୪୨ ବଲ୍‌ରେ ତାଙ୍କର ଶତକ ପୂରଣ କରିଛନ୍ତି, ଯାହା ଆନ୍ତର୍ଜାତୀୟ ଟି-୨୦ କ୍ରିକେଟ ଇତିହାସରେ ଜଣେ ଭାରତୀୟ ବ୍ୟାଟସମ୍ୟାନଙ୍କ ଦ୍ୱାରା ପଞ୍ଚମ ଦ୍ରୁତତମ । ତାଙ୍କ ପରେ ରୋହିତ ଶର୍ମା (୩୫ ବଲ୍‌), ଅଭିଷେକ ଶର୍ମା (୩୭ ବଲ୍‌), ସଞ୍ଜୁ ସାମସନ (୪୦ ବଲ୍‌) ଏବଂ ତିଲକ ବର୍ମା (୪୧ ବଲ୍‌) ଦ୍ରୁତତମ ଟି-୨୦ ଶତକ ହାସଲକାରୀ ଭାରତୀୟଙ୍କ ତାଲିକାରେ ଅଛନ୍ତି ।

୩୫ ବଲ୍‌ - ରୋହିତ ଶର୍ମା
୩୭ ବଲ୍‌ - ଅଭିଷେକ ଶର୍ମା
୪୦ ବଲ୍‌ - ସଞ୍ଜୁ ସାମସନ
୪୧ ବଲ୍‌ - ତିଲକ ବର୍ମା
୪୨ ବଲ୍‌ - ଇଶାନ କିଶନ

ନ୍ୟୁଜିଲାଣ୍ଡ ବିପକ୍ଷରେ ବିଶ୍ୱର ଦ୍ରୁତତମ ଶତକ

ଇଶାନ କିଶନ ନ୍ୟୁଜିଲାଣ୍ଡ ବିପକ୍ଷରେ ଟି-୨୦ ଶତକ ହାସଲ କରିବାରେ ବିଶ୍ୱର ଦ୍ରୁତତମ ବ୍ୟାଟ୍ସମ୍ୟାନ୍ ହୋଇଛନ୍ତି । ପୂର୍ବରୁ, ଏହି ରେକର୍ଡ ପାକିସ୍ତାନର ହାସନ ନୱାଜଙ୍କ ନାମରେ ଥିଲା, ଯିଏ ୨୦୨୫ରେ ନ୍ୟୁଜିଲାଣ୍ଡ ବିପକ୍ଷରେ ୪୪ ବଲ୍‌ରେ ଶତକ ହାସଲ କରିଥିଲେ । ଶ୍ରୀଲଙ୍କାର କୁସଲ ପେରେରା ମଧ୍ୟ କିୱିଙ୍କ ବିରୁଦ୍ଧରେ ୪୪ ବଲ୍‌ରେ ଶତକ ହାସଲ କରିଛନ୍ତି । ଆଉ ଏବେ ଇଶାନ କିଶାନଙ୍କ ବିସ୍ଫୋରକ ଇନିଂସ ଯୋଗୁଁ ଭାରତୀୟ ଦଳ ପ୍ରଥମେ ବ୍ୟାଟିଂ କରି ୨୭୧ ରନର ଏକ ବିଶାଳ ସ୍କୋର କରିଥିଲା । ଏହା ଟି-୨୦ ଆନ୍ତର୍ଜାତୀୟ ମ୍ୟାଚ୍‌ରେ ଟିମ୍ ଇଣ୍ଡିଆର ତୃତୀୟ ସର୍ବାଧିକ ସ୍କୋର ।
ଇଶାନ କିଶାନ ଏହି ଇନିଂସରେ ୧୦ଟି ଛକା ମାରିଛନ୍ତି। ସେ ଟି-୨୦ ଇନିଂସରେ ସର୍ବାଧିକ ଛକା ମାରିଥିବା ଭାରତୀୟଙ୍କ ତାଲିକାରେ ରୋହିତ ଶର୍ମା ଏବଂ ସଞ୍ଜୁ ସାମସନଙ୍କ ସହ ସମକକ୍ଷ ହୋଇଛନ୍ତି । ସେ ମଧ୍ୟ ଟି-୨୦ ଇନିଂସରେ ୧୦ଟି ଛକା ମାରିଛନ୍ତି । ଭାରତ ପାଇଁ ଏକ ଇନିଂସରେ ସର୍ବାଧିକ ଛକା ମାରିବାର ରେକର୍ଡ ଅଭିଷେକ ଶର୍ମାଙ୍କ ନାମରେ ଅଛି, ଯିଏ ୧୩ଟି ଛକା ମାରିଥିଲେ ।