Argus News - ପ୍ରଥମେ ବ୍ୟାଟିଂ କରିବ ସନରାଇଜର୍ସ ହାଇଦ୍ରାବାଦ, ବର୍ଷିବ ଖାଲି ଛକା ଚଉକା

ଇଶାନ କିଷାନଙ୍କ ନେତୃତ୍ୱରେ ପ୍ରଥମେ ମଇଦାନକୁ ଓହ୍ଲାଇବ SRH। ଟସ୍ ଜିତିଲା ବେଙ୍ଗାଲୁରୁ।ଏହି ମ୍ୟାଚ୍ ବେଙ୍ଗାଲୁରୁର ଏମ୍. ଚିନ୍ନାସ୍ୱାମୀ ଷ୍ଟାଡିୟମରେ ଖେଳାଯିବ ଏବଂ ପ୍ରଶଂସକମାନେ ଏକ ରୋମାଞ୍ଚକର ଆରମ୍ଭ ଆଶା କରିପାରିବେ।IPL ୨୦୨୬ ର ପ୍ରଥମ ମ୍ୟାଚ୍ ଶନିବାର,ସନ୍ଧ୍ୟା ୭:୩୦ ରେ ଆରମ୍ଭ ହୋଇଛି । BCCI ସଚିବ ଦେବଜିତ ସାଇକିଆ କହିଛନ୍ତି ଯେ ଚଳିତ ବର୍ଷ କୌଣସି ଉଦଘାଟନୀ ଉତ୍ସବ ହେବ ନାହିଁ। ସେ ସ୍ପଷ୍ଟ କରିଛନ୍ତି ଯେ ଗତ ବର୍ଷ ଜୁନ୍ ଚାରି ତାରିଖରେ ଘଟିଥିବା ଦୁଃଖଦ ଘଟଣା ଦୃଷ୍ଟିରୁ ଏହି ନିଷ୍ପତ୍ତି ନିଆଯାଇଛି। ମ୍ୟାଚ୍ ଷ୍ଟାର ସ୍ପୋର୍ଟସ୍ ନେଟୱାର୍କରେ ସିଧା ପ୍ରସାରଣ କରାଯିବ। ପ୍ରଶଂସକମାନେ Jio Hotstar ଆପ୍ ଏବଂ ୱେବସାଇଟ୍ ମାଧ୍ୟମରେ ମୋବାଇଲ୍ ଏବଂ ଅନଲାଇନ୍ ପ୍ଲାଟଫର୍ମରେ ଲାଇଭ୍ ଷ୍ଟ୍ରିମିଂ ଦେଖିପାରିବେ।

ଟସ୍ ଜିତିଲା ବେଙ୍ଗାଲୁରୁ, ହାଇଦ୍ରାବାଦ କରିବ ପ୍ରଥମେ ବ୍ୟାଟିଂ। ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୬ ପାଇଁ ଅପେକ୍ଷାର ଅନ୍ତ ଘଟିଛି। ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ୍ ୨୮ ମାର୍ଚ୍ଚରେ ଅର୍ଥାତ୍‌ ଆଜିଠାରୁ ଖେଳା ଯାଉଛି। ଯେଉଁଥିରେ ଡିଫେଣ୍ଡିଂ ଚାମ୍ପିଅନ୍ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ମୁକାବିଲା ହେବ। ଏହି ସିଜିନରେ RCB ନିଜର ଟାଇଟଲ ରକ୍ଷା କରିବାକୁ ଲକ୍ଷ୍ୟ ରଖିବ। ବିରାଟ କୋହଲିଙ୍କ ସହ ଷ୍ଟାର ବ୍ୟାଟସମ୍ୟାନ୍ ରଜତ ପାଟିଦାରଙ୍କ ନେତୃତ୍ୱରେ ଦଳର ବ୍ୟାଟିଂ ଲାଇନ-ଅପ୍ ଦୃଢ଼ ଦେଖାଯାଉଛି। ଘରୋଇ ମାଟିରେ ଖେଳିବା ଦଳକୁ ମଧ୍ୟ ଲାଭ ଦେବ, ଯେଉଁଠାରେ ସେମାନଙ୍କୁ ପ୍ରବଳ ପ୍ରଶଂସକ ସମର୍ଥନ ମିଳିବ ବୋଲି ଆଶା କରାଯାଉଛି।

ଏଥିସହ ପଢ଼ନ୍ତୁ: 'ଗଦି କ୍ୟାଚ୍' ହାତଛଡ଼ା କରି ଟ୍ରୋଲ୍ ହେଉଛନ୍ତି ବାବର ଆଜମ

ସନରାଇଜର୍ସ ହାଇଦ୍ରାବାଦ ଏହି ସିଜନରେ କିଛି ପରିବର୍ତ୍ତନ ସହିତ ଏକ ନୂତନ ଦଳକୁ ମଇଦାନକୁ ଓହ୍ଲାଇବ। ନିୟମିତ ଅଧିନାୟକ ପ୍ୟାଟ୍ କମିନ୍ସ ଉପଲବ୍ଧ ନଥିବାରୁ ଇଶାନ କିଶାନ ଏହି ସିଜନରେ ଦଳର ଅଧିନାୟକ ହେବେ। ଗତ ସିଜନ ଦଳ ପାଇଁ ବିଶେଷ ଅନୁକୂଳ ନଥିଲା, ତେଣୁ ହାଇଦ୍ରାବାଦ ଏଥର ଭଲ ପ୍ରଦର୍ଶନ କରିବ ବୋଲି ଆଶା କରାଯାଉଛି। ସନରାଇଜର୍ସ ହାଇଦ୍ରାବାଦର ନିୟମିତ ଅଧିନାୟକ ପ୍ୟାଟ୍ କମିନ୍ସ ଆଘାତ କାରଣରୁ ପ୍ରଥମ କିଛି ମ୍ୟାଚ୍ ଖେଳିପାରିବେ ନାହିଁ। ଫଳସ୍ୱରୂପ, ଇଶାନ କିଶାନଙ୍କୁ ହାଇଦ୍ରାବାଦ ଦଳର ଦାୟିତ୍ୱ ଦିଆଯାଇଛି। ରଜତ ପାଟିଦାର ଆରସିବିର ଅଧିନାୟକ। BCCI IPL ୨୦୨୬ ପାଇଁ ଉଦଘାଟନୀ ଉତ୍ସବ ଆୟୋଜନ ନକରିବାକୁ ନିଷ୍ପତ୍ତି ନେଇଛି।

ଫୁଲ୍ ଫର୍ମରେ ଆରସିବି: 

ବେଙ୍ଗାଲୁରୁ ଦଳର ସବୁଠାରୁ ବଡ଼ ଶକ୍ତି ହେଉଛି ସେମାନଙ୍କର ବ୍ୟାଟିଂ ଲାଇନ୍-ଅପ୍। ବିରାଟ କୋହଲିଙ୍କ ଅନୁଭବ ଏବଂ ଯୁବ ଖେଳାଳିଙ୍କ ଆକ୍ରମଣାତ୍ମକ ଶୈଳୀ ଦଳକୁ ଏକ ଦୃଢ଼ ସ୍ଥିତିରେ ରଖିଛି । ଚିନ୍ନାସ୍ୱାମୀ ଷ୍ଟାଡିୟମ୍ ହେଉ କିମ୍ବା ଅନ୍ୟ କୌଣସି ମଇଦାନ, ଆରିସିବିର ବ୍ୟାଟରମାନେ ବଡ଼ ସ୍କୋର କରିବାର କ୍ଷମତା ରଖନ୍ତି । ତେବେ ଡେଥ୍ ଓଭରରେ ବୋଲିଂ ଏବେ ମଧ୍ୟ ଆରସିବି ପାଇଁ ଏକ ଚିନ୍ତାର ବିଷୟ ହୋଇପାରେ। ଯଦି ବୋଲରମାନେ ରନ୍ ରୋକିବାରେ ସଫଳ ହୁଅନ୍ତି, ତେବେ ଆରସିବିକୁ ହରାଇବା କଷ୍ଟକର ହେବ।

ସେପଟେ, ସନରାଇଜର୍ସ ହାଇଦ୍ରାବାଦ ସବୁବେଳେ ନିଜର ଶାଣିତ ବୋଲିଂ ଏବଂ ବିସ୍ଫୋରକ ଓପନିଂ ପାଇଁ ଜଣାଶୁଣା । ଗତ ସିଜନ ଭଳି ଏଥର ମଧ୍ୟ ଦଳ ପାଖରେ ଟ୍ରାଭିସ୍ ହେଡ୍ ଏବଂ ଅଭିଷେକ ଶର୍ମାଙ୍କ ଭଳି ଖେଳାଳି ଅଛନ୍ତି, ଯେଉଁମାନେ ପାୱାରପ୍ଲେ’ରେ ମ୍ୟାଚ୍ର ଗତିପଥ ବଦଳାଇ ଦେଇପାରନ୍ତି। ହାଇଦ୍ରାବାଦର ମଧ୍ୟକ୍ରମ ବ୍ୟାଟିଂ ଏବଂ ଅଲରାଉଣ୍ଡରଙ୍କ ଉପସ୍ଥିତି ଦଳକୁ ସନ୍ତୁଳିତ କରୁଛି । ସେମାନଙ୍କ ପାଖରେ ଥିବା ବିଶ୍ୱସ୍ତରୀୟ ପେସ୍ ବୋଲରମାନେ ଆରସିବିର ବ୍ୟାଟରଙ୍କ ପାଇଁ କାଳ ସାଜିପାରନ୍ତି।

ଅଧିକ ପଢ଼ନ୍ତୁ ଖେଳ ଖବର: