ଏସିଆ କପ୍-୨୦୨୫ର ଶେଷ ମ୍ୟାଚରେ ଓମାନକୁ ଭେଟିବ ଭାରତ । ସେପ୍ଟେମ୍ବର ୧୯ରେ ଆବୁଧାବିରେ ଏହି ମ୍ୟାଚ୍ ଖେଳାଯିବ । ତେବେ ଗ୍ରୁପ୍ ଷ୍ଟେଜର ଏହି ଶେଷ ମ୍ୟାଚରେ ଟିମ୍ ଇଣ୍ଡିଆ ଜଶପ୍ରୀତ ବୁମ୍ରାଙ୍କୁ ବିଶ୍ରାମ ଦେଇପାରେ । ସୁପର ୪ ପର୍ଯ୍ୟାୟ ପୂର୍ବରୁ ଦଳ ଏହାର ଷ୍ଟ୍ରାଇକ୍ ବୋଲରଙ୍କୁ ସତେଜ ରଖିବା ପାଇଁ ଏହି ନିଷ୍ପତ୍ତି ନେଇପାରେ ।

୯ ସେପ୍ଟେମ୍ବରରେ ଭାରତ, ୟୁଏଇକୁ ୯ ୱିକେଟରେ ପରାସ୍ତ କରି ନିଜର ଅଭିଯାନ ଆରମ୍ଭ କରିଥିଲା । ଏହା ପରେ ପାକିସ୍ତାନକୁ ସାତ ୱିକେଟରେ ପରାସ୍ତ କରି ଗ୍ରୁପ୍‌ରେ ଶୀର୍ଷ ସ୍ଥାନ ହାସଲ କରିଥିଲା । ଯାହାଫଳରେ ୧୯ ସେପ୍ଟେମ୍ବରରେ ଓମାନ ବିପକ୍ଷ ମ୍ୟାଚ୍‌ ଏବେ କେବଳ ଏକ ଔପଚାରିକତା ।

ନ୍ୟୁଜ୍ ଏଜେନ୍ସି ପିଟିଆଇର ଏକ ରିପୋର୍ଟ ଅନୁଯାୟୀ, ବୁମରାହଙ୍କୁ ବିଶ୍ରାମ ଦେବା ଏକ ବାସ୍ତବବାଦୀ ନିଷ୍ପତ୍ତି କାରଣ ଯଦି ଭାରତ ଫାଇନାଲରେ ପହଞ୍ଚିଯାଏ, ତେବେ ସେମାନଙ୍କୁ ସାତ ଦିନରେ ଚାରୋଟି ମ୍ୟାଚ୍ ଖେଳିବାକୁ ପଡ଼ିପାରେ। ତେଣୁ, ବୁମ୍ରାଙ୍କ କାର୍ଯ୍ୟଭାର ପରିଚାଳନା ପ୍ରାଥମିକତା।

୩୦ ବର୍ଷୀୟ ଦ୍ରୁତ ବୋଲର ଯଶପ୍ରୀତ ବୁମ୍ରା ଏବେ ଦମଦାର ଫର୍ମରେ ଅଛନ୍ତି । ସେ ପାକିସ୍ତାନ ବିପକ୍ଷରେ ୨୮ ରନ୍ ଦେଇ ୨ ୱିକେଟ୍ ନେଇଥିଲେ । ସେ ଭୁବନେଶ୍ୱର କୁମାରଙ୍କୁ ପଛରେ ପକାଇ ଟି-୨୦ରେ ଭାରତର ଚତୁର୍ଥ ସର୍ବାଧିକ ୱିକେଟ୍ ଟେକର ହୋଇଛନ୍ତି । ଏପର୍ଯ୍ୟନ୍ତ, ବୁମ୍ରା ୭୨ ମ୍ୟାଚ୍‌ରେ ୯୨ ୱିକେଟ୍ ନେଇଛନ୍ତି ।

ଓମାନ ବିପକ୍ଷ ମ୍ୟାଚରେ ବୁମ୍ରାଙ୍କ ସ୍ଥାନରେ ଅର୍ଶଦୀପ ସିଂହ କିମ୍ବା ହର୍ଷିତ ରାଣାଙ୍କୁ ସୁଯୋଗ ମିଳିପାରେ । ଏହି ମ୍ୟାଚ୍ ଅର୍ଶଦୀପଙ୍କ ପାଇଁ ବହୁତ ଗୁରୁତ୍ୱପୂର୍ଣ୍ଣ ହେବ କାରଣ ତାଙ୍କୁ ଟି-୨୦ରେ ୧୦୦ ୱିକେଟ୍ ପୂରଣ କରିବା ପାଇଁ ଆଉ ଗୋଟିଏ ୱିକେଟ୍ ଆବଶ୍ୟକ ।

ଓମାନ ବିପକ୍ଷ ମ୍ୟାଚ୍ ଭାରତର ବ୍ୟାଟ୍ସମ୍ୟାନଙ୍କୁ କ୍ରିଜ୍‌ରେ ଅଧିକ ସମୟ ବିତାଇବାର ସୁଯୋଗ ଦେବ । ୟୁଏଇ ଏବଂ ପାକିସ୍ତାନ ଉପରେ ସହଜ ବିଜୟ ଯୋଗୁଁ ଅନେକ ଶୀର୍ଷ ଏବଂ ମଧ୍ୟକ୍ରମ ବ୍ୟାଟ୍ସମ୍ୟାନ୍ ଯଥେଷ୍ଟ ଅଭ୍ୟାସ ପାଇ ନଥିଲେ । କୁଲଦୀପ ଯାଦବ ପାକିସ୍ତାନ ବିପକ୍ଷରେ ୧୮ ରନ ଦେଇ ୩ ୱିକେଟ୍ ନେଇଥିଲେ ଏବଂ ୪୨ ମ୍ୟାଚ୍‌ରେ ମୋଟ ୭୬ ୱିକେଟ୍ ସହିତ ଭାରତର ଟି-୨୦ ବୋଲର ତାଲିକାରେ ଷଷ୍ଠ ସ୍ଥାନରେ ପହଞ୍ଚିଥିଲେ । ତାଙ୍କ ପ୍ରଦର୍ଶନ ସୁପର-୪ ପର୍ଯ୍ୟାୟରେ ଭାରତକୁ ଏକ ଦୃଢ଼ ବିକଳ୍ପ ଦେବ ।

Argus News | argus news | Odisha Latest News, Breaking News, Trending News, Live TV