John Abraham / ବଲିଉଡ୍‌ରୁ ସିଧା କ୍ରିକେଟ୍; ଜନ୍ ଆବ୍ରାହମ ହେଲେ ଏହି ଟିମ୍‌ର ମାଲିକ

ମୁମ୍ବାଇ: କ୍ରିକେଟ୍ ପ୍ରେମରେ ବଲିଉଡ୍ ତାରକା । ଶାହରୁଖ ଖାନଙ୍କ କୋଲକାତା ନାଇଟ ରାଇଡର୍ସ, ପ୍ରୀତି ଜିଣ୍ଟାଙ୍କ ପଞ୍ଜାବ କିଙ୍ଗ୍ସ ପରେ ପ୍ରସିଦ୍ଧ ବଲିଉଡ୍ ଅଭିନେତା ଜନ୍ ଆବ୍ରାହମ କ୍ରିକେଟ୍ ପଛରେ ପାଗଳ ହୋଇଛନ୍ତି । ଜନ୍ ଆବ୍ରାହମ କିଣିଛନ୍ତି ଟି-ଟ୍ଵେଣ୍ଟି ଟିମ୍ ।

ବଲିଉଡ୍‌ର ଲୋକପ୍ରିୟ ଅଭିନେତା ଜନ୍ ଆବ୍ରାହମ ଏବେ କ୍ରିକେଟ୍ ଦୁନିଆରେ ପାଦ ଥାପିଛନ୍ତି । ୟୁରୋପିୟନ୍ T20 ପ୍ରିମିୟର୍ ଲିଗ୍ (ETPL)ର ଫ୍ରାଞ୍ଚାଇଜ୍ ରଟରଡ୍ୟାମ୍ ଡକର୍ସର ସହ ମାଲିକ ବନିଛନ୍ତି ଜନ୍ ଆବ୍ରାହମ ।

ଏଥିସହ ପଢ଼ନ୍ତୁ: ନେଟରେ ବୈଭବଙ୍କ ବଡ଼ ବଡ଼ ସଟ ଦେଖି ଛାନିଆ ହେଲା ବିସିସିଆଇ…ବୈଭବ ସତରେ ବିସ୍ମୟ 

ୟୁରୋପିୟନ ଟି-ଟ୍ଵେଣ୍ଟି ପ୍ରିମିୟର୍ ଲିଗ୍‌ର ପ୍ରଥମ ସଂସ୍କରଣରେ ଭାଗ ନେଉଥିବା ୬ ଫ୍ରାଞ୍ଚାଇଜ୍ ମଧ୍ୟରୁ ରଟରଡ୍ୟାମ୍ ଡକର୍ସ ହେଉଛି ଗୋଟିଏ ଟିମ୍ । ୨୦୨୬ ଅଗଷ୍ଟ ୨୬ରୁ ସେପ୍ଟେମ୍ବର ୨୦ ପର୍ଯ୍ୟନ୍ତ ଖେଳାଯିବ ୟୁରୋପିୟନ ଟି-ଟ୍ଵେଣ୍ଟି ପ୍ରିମିୟର୍ ଲିଗ୍‌ର ପ୍ରଥମ ସଂସ୍କରଣ ।

ରଟରଡ୍ୟାମ୍ ଡକର୍ସର ମାଲିକାନା ପୂର୍ବରୁ ବରିଷ୍ଠ କ୍ରିକେଟର ଜୋଣ୍ଟି ରୋଡସ୍, ଫାଫ ଜୁ ପ୍ଲେସିସ୍, ହେନରିକ କ୍ଲାସେନ ଓ ମଧୁକର ଶ୍ରୀଙ୍କ ପାଖରେ ଥିଲା । ଏବେ ଏହି ଷ୍ଟାର୍ ଟିମ୍‌ରେ ଜନ୍ ଆବ୍ରାହମ ସାମିଲ୍ ହୋଇଛନ୍ତି ।

ETPLରେ ୬ଟି ସହରର ଦଳ ଭାଗ ନେବେ । ଜୋ ଗ୍ଲାସଗୋ, ଏମଷ୍ଟର୍ଡମ, ଏଡିନବର୍ଗ, ଡବଲିନ୍, ବେଲଫାଷ୍ଟ ଓ ରଟରଡ୍ୟାମ୍‌କୁ ପ୍ରତିନିଧିତ୍ଵ କରିବେ । ଏହି ଲିଗ୍ ୟୁରୋପରେ କ୍ରିକେଟର ନୂଆ ଓ ରୋମାଞ୍ଚକ ଅଧ୍ୟାୟ ଆରମ୍ଭ କରିବ ।

View this post on Instagram

ୟୁରୋପିୟନ୍ T20 ପ୍ରିମିୟର୍ ଲିଗ୍ (ETPL)ରେ ମୋଟ ୩୨ଟି ମ୍ୟାଚ୍ ଖେଳାଯିବ । ଯେଉଁଠି ୟୁରୋପର ଉଦୀୟମାନ ଖେଳାଳିଙ୍କୁ ସୁଯୋଗ ମିଳିବ । ଅନ୍ତର୍ଜାତୀୟ କ୍ରିକେଟର ବଡ଼ ଖେଳାଳିଙ୍କ ସହ ଖେଳିବାର ମଉକା ପାଇବେ ୟୁରୋପର ଖେଳାଳି । ଏଥିସହ ଆୟାରଲ୍ୟାଣ୍ଡ, ସ୍କଟଲ୍ୟାଣ୍ଡ ଓ ନେଦରଲ୍ୟାଣ୍ଡ ଆଦି ଦେଶରେ କ୍ରିକେଟ୍‌କୁ ପ୍ରୋତ୍ସାହନ ମିଳିବ ସହ ଖେଳର ଦ୍ରୁତ ବିକାଶ ହୋଇ ପାରିବ ।

ଏଥିସହ ପଢ଼ନ୍ତୁ: ବୈଭବଙ୍କୁ ନେଇ ଆୟରଲ୍ୟାଣ୍ଡ ଅଧିନାୟକଙ୍କ ବଡ଼ ବୟାନ….୧୫ ବର୍ଷୀୟ ଷ୍ଟାରଙ୍କ ଡେବ୍ୟୁକୁ ନେଇ କହିଦେଲେ ଏମିତି 

ରଟରଡମ୍ ଡକର୍ସ ଟିମ୍‌ ସହ ଯୋଡ଼ି ହେବା ପରେ ଜନ୍ ଆବ୍ରାହମ୍ କହିଛନ୍ତି, "କ୍ରିକେଟ୍ ଲୋକଙ୍କୁ ପ୍ରେରଣା ଦିଏ, ଏକଜୁଟ୍ କରେ ଓ ନୂଆ ସୁଯୋଗ ପାଇଁ ଶକ୍ତି ଦିଏ । ଆଉ ଏହି କଥା ମୋତେ ୟୁରୋପିୟନ ଟି-ଟ୍ଵେଣ୍ଟି ପ୍ରିମିୟର୍ ଲିଗ୍‌ ପାଇଁ ଅଧିକ ଉତ୍ସାହିତ କରିଛି ।"

କ୍ରିକେଟର ବିକାଶ ପାଇଁ ୟୁରୋପ ଏକ ରୋମାଞ୍ଚକର ବଜାର ମଧ୍ୟରୁ ଗୋଟିଏ । ରଟରଡ୍ୟାମ୍ ଡକର୍ସ ପାଖରେ ଏଥିପାଇଁ ଦୂରଦୃଷ୍ଟି, ନେତୃତ୍ଵ ଓ ମହତ୍ଵକାଂକ୍ଷା ରହିଛି । ଏହି ଯାତ୍ରାର ଅଂଶ ହୋଇ ବହୁତ ଖୁସି ଲାଗୁଛି ବୋଲି ଲେଖିଛନ୍ତି ଜନ୍ ଆବ୍ରାହମ୍ ।