ଭାରତର ପ୍ରସିଦ୍ଧ ବ୍ୟାଡମିଣ୍ଟନ ଖେଳାଳି ଜ୍ଵାଲା ଗୁଟ୍ଟା ପୁଣି ଥରେ ଚର୍ଚ୍ଚାକୁ ଆଶିଛନ୍ତି । କିନ୍ତୁ ଏଥର ସେ ଖେଳ ମୈଦାନରେ ନୁହେଁ, ବରଂ ଏକ ପ୍ରଶଂସନୀୟ କାମ କରିଛନ୍ତି । ଜ୍ଵାଲା ମାତୃତ୍ଵ ଲାଭ କରିବା ପରେ ଲଗାତାର ଭାବେ ମାଆ କ୍ଷୀର ଦାନ କରୁଛନ୍ତି । ମାତୃତ୍ଵ ଲାଭର କେବଳ ପ୍ରଥମ ବର୍ଷରେ ସେ ୬୦ ଲିଟର ବ୍ରେଷ୍ଟ ମିଲ୍କ ଡୋନେଟ୍ କରିଥିବାବେଳେ ନିଜେ ଏହା ପଛର କାହାଣୀ ନିଜ ସୋସିଆଲ ମିଡିଆରେ ସେୟାର କରିଛନ୍ତି ।

• ଶିଶୁଙ୍କ ପାଇଁ କୌଣସି ବରଦାନଠାରୁ କମ୍ ନୁହେଁ

ଜ୍ୱାଲା ଗୁଟ୍ଟା ତାଙ୍କ ପୋଷ୍ଟରେ ସେୟାର କରିଛନ୍ତି ଯେ ସେ ଚେନ୍ନାଇ ଏବଂ ହାଇଦ୍ରାବାଦର ସରକାରୀ ହସ୍ପିଟାଲଗୁଡ଼ିକୁ ୬୦ ଲିଟର ମାଆ କ୍ଷୀର ପଠାଇଛନ୍ତି । ଏବେ, ଆପଣ ଭାବୁଥିବେ ଯେ ଏତେ କ୍ଷୀରରେ କେତେ ପିଲାଙ୍କୁ ସାହାଯ୍ୟ କରାଯାଇପାରିବ ? ଜ୍ୱାଲା ଲେଖିଛନ୍ତି, "ମାତ୍ର ୧୦୦ ମିଲିଲିଟର ଡୋନର କ୍ଷୀର ଜଣେ ୧ କିଲୋଗ୍ରାମ ଶିଶୁର ଅନେକ ଦିନର ଖାଦ୍ୟ ହୋଇଥାଏ । ମୋର ଏହି ଛୋଟ ପ୍ରୟାସ NICUରେ ଭର୍ତ୍ତି ହୋଇଥିବା ଡଜନ ଡଜନ ପିଲାଙ୍କୁ ସାହାଯ୍ୟ କରିପାରିବ ।"

ସେ ଆହୁରି ବ୍ୟାଖ୍ୟା କରିଛନ୍ତି ଯେ ମାଆ କ୍ଷୀର ଦାନ କରିବା ସମ୍ପୂର୍ଣ୍ଣ ସୁରକ୍ଷିତ । ହସ୍ପିଟାଲଗୁଡ଼ିକରେ ଏହାର ସମ୍ପୂର୍ଣ୍ଣ ଯାଞ୍ଚ ପରେ କରାଯାଏ ଏବଂ ଆଜିକାଲି ଏହା ବହୁତ ଆବଶ୍ୟକ । ଏଠାରେ କହିରଖୁଛୁ କି, NICU (ନବଜାତୀୟ ଇଣ୍ଟେନ୍ସିଭ୍ କେୟାର ୟୁନିଟ୍) ହେଉଛି ହସ୍ପିଟାଲର ସେହି ୱାର୍ଡ ଯେଉଁଠାରେ ଆଗୁଆ ଜନ୍ମ, ବହୁତ କମ୍ ଓଜନର ଜନ୍ମ କିମ୍ବା ଗୁରୁତର ଅସୁସ୍ଥ ନବଜାତ ଶିଶୁମାନଙ୍କୁ ରଖାଯାଇଥାଏ ।

I donated around 60 litres of breast milk to the government hospital in Hyderabad and Chennai during my first year of post partum!!

Why does it matter? Just 100ml of donor milk can feed a tiny 1kg baby for several days. This donation could potentially support dozens of infants… pic.twitter.com/JzEXQZDrXa

— Gutta Jwala 💙 (@Guttajwala) May 14, 2026

• କେଉଁ ଶିଶୁଙ୍କୁ ଆବଶ୍ୟକ ଡୋନର ବ୍ରେଷ୍ଟ ମିଲ୍କ ?

ଅନେକ ସମୟରେ ଡେଲିଭରି ପରେ ମାଆର ଅସୁସ୍ଥତା କାରଣ କିମ୍ବା କୁପୋଷଣ ବା ସମୟ ପୂର୍ବରୁ ଡେଲିଭରି ହେବା ପରେ ମାଆ କ୍ଷୀର ତୁରନ୍ତ ବାହାରିନଥାଏ । ଏପରି ଜରୁରୀ ସ୍ଥିତିରେ ଉକ୍ତ ଶିଶୁକୁ ଅନ୍ୟ ମାଆଙ୍କ ଠାରୁ ଦାନ କରାଯାଇଥିବା ମାଆ କ୍ଷୀର ସଞ୍ଜୀବନୀ ପରି କାମ କରେ । ଡାକ୍ତରମାନେ ଏହି ଡୋନର ବ୍ରେଷ୍ଟ ମିଲ୍କକୁ ଉକ୍ତ ଶିଶୁଙ୍କୁ ଦେଇଥାନ୍ତି । ଏହାଦ୍ଵାରା ଏପରି ନବଜାତଙ୍କୁ ପ୍ରାରମ୍ବିକ ସମୟରେ ପୋଷଣ ଓ ରୋଗଠାରୁ ଲଢିବାରେ ସାହାଯ୍ୟ କରେ । ଜ୍ଵାଲା ଗୁଟ୍ଟା କହିଛନ୍ତି ଯେ ଡୋନର ମିଲ୍କ ଏକ ନେକ୍ରୋଟାଇଜିଂ ଏଣ୍ଟେରୋକୋଲାଇଟିସ୍ ପରି ରୋଗର ସମ୍ଭାବନାକୁ ବି କମ କରିଥାଏ ।

ପଢନ୍ତୁ ଏହି ଖବର: ଆଶ୍ଚର୍ଯ୍ୟ ! ୫ଦିନ ଧରି କଷ୍ଟ ସହିଲେ, ଜନ୍ମ କଲେ ୪ ଶିଶୁ

ଭାରତରେ ହ୍ୟୁମାନ୍ ମିଲ୍କ ବ୍ୟାଙ୍କ ଆସୋସିଏସନ ଅଫ ଇଣ୍ଡିଆ ନାମକ ଏକ ସରକାରୀ ନେଟୱର୍କ ଅଛି । ଏହି ସଂସ୍ଥା ସୁସ୍ଥ ଓ ସ୍ତନ୍ୟପାନ କରାଉଥିବା ମାଆଙ୍କର କ୍ଷୀରକୁ ସଂଗ୍ରହ କରେ । ଏହାର ପ୍ରଥମେ ଯାଞ୍ଚ କରାଯାଏ ଓ ସୁରକ୍ଷିତ ହେବା ପରେ ଯାଇ ଷ୍ଟୋର୍ କରି ରଖାଯାଏ । ଜରୁରୀକାଳୀନ ସ୍ଥିତିରେ ନବଜାତଙ୍କୁ ଅନ୍ୟ ମାଆମାନଙ୍କର କ୍ଷୀରକୁ ଦିଆଯାଇଥାଏ ।