କେଲଭିନ୍ କିପ୍ଟମଙ୍କ ସହ ତାଙ୍କ ପ୍ରଶିକ୍ଷକ ଗର୍ଭାଇସ୍ ହାକିଜିମାନା ମଧ୍ୟ ଦୁର୍ଘଟଣାରେ ପ୍ରାଣ ହରାଇଛନ୍ତି
ଅର୍ଗସ ବ୍ୟୁରୋ : ସଡ଼କ ଦୁର୍ଘଟଣାରେ ବିଶ୍ବ ରେକର୍ଡଧାରୀ ମାରାଥନ୍ ଧାବକ କେନିଆର କେଲଭିନ୍ କିପ୍ଟମଙ୍କ ଦେହାନ୍ତ ଘଟିଛି । ତାଙ୍କ ପ୍ରଶିକ୍ଷକ ଗର୍ଭାଇସ୍ ହାକିଜିମାନା ମଧ୍ୟ ଏହି ଦୁର୍ଘଟଣାରେ ପ୍ରାଣ ହରାଇଛନ୍ତି । ରିଫ୍ଟ ଭ୍ୟାଲି ଅଞ୍ଚଳ ଅତିକ୍ରମ କରୁଥିବାବେଳେ ଏହି ଦୁର୍ଘଟଣା ଘଟିଥିଲା । ଏହି କାର୍ରେ ଥିବା ଜଣେ ମହିଳା ସାରୋନ୍ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି ।
ଅଧିକ ପଢନ୍ତୁ ଖେଳ ଖବର
ଗତବର୍ଷ ଅକ୍ଟୋବରରେ ଚିକାଗୋ ମାରାଥନରେ ୨୪ ବର୍ଷୀୟ କେଲଭିନ୍ ପ୍ରଥମ ପୁରୁଷ ଭାବେ ୨ ଘଣ୍ଟା ୧ ମିନିଟ୍ରୁ କମ୍ ସମୟ ନେଇ ବିଶ୍ବ ରେକର୍ଡ (୨ ଘଣ୍ଟା ୩୫ ସେକେଣ୍ଡ୍) ଭଙ୍ଗ କରିଥିଲେ । ବିଶ୍ବ ମାରାଥନ୍ ଇତିହାସରେ କେଲଭିନ୍ ୭ ଜଣ ଦ୍ରୁତତମ ଧାବକଙ୍କ ମଧ୍ୟରେ ସାମିଲ ଥିଲେ । ରୋଟରଡାମ୍ ମାରାଥନ୍ ଓ ପ୍ୟାରିସ୍ ଅଲିମ୍ପିକ୍ସରେ ସେ ୨ ଘଣ୍ଟାରୁ କମ୍ ସମୟ ନେଇ ପୁଣି ଥରେ ରେକର୍ଡ କରିବା ସମ୍ଭାବନା ଥିଲା । କେଲଭିନ୍ଙ୍କ ବିୟୋଗରେ କେନିୟାର ପୂର୍ବତନ ପ୍ରଧାନମନ୍ତ୍ରୀ ରାଇଲା ଓଡ଼ିଙ୍ଗା ଓ ବିଶ୍ବ ଆଥଲେଟିକ୍ସ ସଭାପତି ସେବାଷ୍ଟିଏନ୍ କୋଏ ଗଭୀର ଶୋକପ୍ରକାଶ ସହ ପରିବାର ବର୍ଗ ପାଇଁ ସମବେଦନା ଜଣାଇଛନ୍ତି ।
