Argus News - ଦୁଇ ବର୍ଷ ପରେ ରାହୁଲଙ୍କ ଶତକ, ନ୍ୟୁଜିଲାଣ୍ଡକୁ ୨୮୫ ରନ୍‌ର ଟାର୍ଗେଟ୍

ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍‌ର ଦ୍ବିତୀୟ ମ୍ୟାଚ୍‌ ରାଜକୋଟରେ ଖେଳାଯାଉଛି । ଦ୍ବିତୀୟ ମ୍ୟାଚ୍‌ରେ ଦମଦାର ଶତକ ହାସଲ କରିଛନ୍ତି କେଏଲ ରାହୁଲ । ଦୁଇ ବର୍ଷ ପରେ ଦିନିକିଆ ଫର୍ମାଟରେ ଶତକ ହାସଲ କରିଛନ୍ତି ରାହୁଲ । ସେ ୯୨ ବଲ୍‌ରେ ୧୧୨ ରନ୍‌ର ଏକ ଦମଦାର ଇନିଂସ ଖେଳିଛନ୍ତି । ରାହଲଙ୍କ ଏହି ଧୁଆଁଧାର ଶତକ ବଳରେ ଭାରତ ନିର୍ଦ୍ଧାରିତ ୫୦ ଓଭରରେ ୭ ଓ୍ବିକେଟ୍ ହରାଇ ୨୮୪ ରନ୍‌ କରିଛି ।

Calm and Composed Centurion 💯

When the going gets tough, the tough gets going 😎

Scorecard ▶️ https://t.co/x1fEenI0xl#TeamIndia | #INDvNZ | @IDFCFIRSTBank | @klrahul pic.twitter.com/vBEcwq73fb

— BCCI (@BCCI) January 14, 2026

ରାଜକୋଟରେ ଖେଳାଯାଇଥିବା ଦ୍ବିତୀୟ ଦିନିକିଆରେ ଟସ୍‌ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା ନ୍ୟୁଜିଲାଣ୍ଡ । ପ୍ରଥମେ ବ୍ୟାଟିଂ କରୁଥିବା ଭାରତ ଆରମ୍ଭରୁ ଭଲ ଖେଳିଥିଲା । ପାଓ୍ବାର ପ୍ଲେ'ରେ ଦୁଇ ଓପନର ଭଲ ଆରମ୍ଭ କରିଥିଲେ । କିନ୍ତୁ ରୋହିତ ଆଉଟ୍‌ ହେବା ପରେ ଗୋଟିଏ ପରେ ଗୋଟିଏ ଓ୍ବିକେଟ୍‌ ପଡ଼ିଥିଲା । ଦଳର ସ୍କୋର୧୧୮ ରନ୍‌ ଥିବା ବେଳେ ଭାରତ ୪ ଓ୍ବିକେଟ୍‌ ହରାଇଥିଲା । ଆଉ ଏହା ପରେ ପାଳି ସମ୍ଭାଳିଥିଲେ କେଏଲ ରାହୁଲ ଓ ରବୀନ୍ଦ୍ର ଜାଡେଜା । ଉଭୟ ପଞ୍ଚମ ଓ୍ବିକେଟ୍‌ ପାଇଁ ୭୩ ରନ୍‌ର ଏକ ଗୁରୁତ୍ବପୂର୍ଣ୍ଣ ପାର୍ଟନରସିପ୍‌ କରିଥିଲେ । ଜାଡେଜା ଆଉଟ୍‌ ହେବା ପରେ ନୀତୀଶ ରେଡ୍ଡି ପଡ଼ିଆକୁ ଆସିଥିଲେ । କିନ୍ତୁ ସେ ବି କିଛି ଆକର୍ଷଣୀୟ ଇନିଂସ ଖେଳିବାରେ ବିଫଳ ହୋଇଥିଲେ ।

Innings Break!

A magnificent knock of 112* by @klrahul propels #TeamIndia to a total of 284/7.

Scorecard - https://t.co/wQyViXYO1y #TeamIndia #INDvNZ #2ndODI @IDFCfirstbank pic.twitter.com/3HtQrzTU39

— BCCI (@BCCI) January 14, 2026

କିନ୍ତୁ ଅନ୍ୟପଟେ ରାହୁଲ ଦମଦାର ପ୍ରଦର୍ଶନ ଜାରି ରଖିଥିଲେ । ରାହୁଲଙ୍କ ଅପରାଜିତ ୧୧୨ ରନ୍‌ ଫଳରେ ଭାରତ ନିର୍ଦ୍ଧାରିତ ୫୦ ଓଭରରେ ୭ ଓ୍ବିକେଟ୍‌ ହରାଇ ୨୮୪ ରନ୍‌ କରିଥିଲା । ଭାରତ ପକ୍ଷରୁ କେଏଲ ରାହୁଲ ସର୍ବାଧିକ ୧୧୨ ରନ୍‌ କରିଥିବା ବେଳେ ଅଧିନାୟକ ଶୁବମନ ଗିଲ୍‌ ୫୬ ରନ୍ କରିଥିଲେ । ସେହିପରି ନ୍ୟୁଜିଲାଣ୍ଡ ପକ୍ଷରୁ ଖ୍ରୀଷ୍ଟିଆନ୍‌ କ୍ଲାର୍କ ସର୍ବାଧିକ ୩ଟି ଓ୍ବିକେଟ ଅକ୍ତିଆର କରିଥିଲେ ।