Argus News - ମେସିଙ୍କ ଗୋଡ଼କୁ ବାନ୍ଧି ଦେଇଛି ଇନସ୍ୟୁରାନ୍ସ କମ୍ପାନୀ, ଜାଣନ୍ତୁ ପୁରା କାରଣ...

ଅନ୍ତର୍ଜାତୀୟ ଫୁଟବଲର ଲିଓନେଲ ମେସି । ଲିଓନେଲ ମେସି ତାଙ୍କର ତିନି ଦିନିଆ "GOT India Tour 2025" ପାଇଁ ଭାରତରେ ଅଛନ୍ତି । ଯାହା ଚାରୋଟି ସହରରେ ଅନୁଷ୍ଠିତ ହେବ ଏବଂ କୋଲକାତାରୁ ଆରମ୍ଭ ହୋଇଛି । ସାରା ଦୁନିଆରେ ମେସିଙ୍କର କୋଟି କୋଟି ଫ୍ୟାନ୍ ଅଛନ୍ତି । ନିଜ ଦେଶ ଆର୍ଜେଣ୍ଟିନାକୁ ବିଶ୍ୱ ଚାମ୍ପିଅନ କରିଛନ୍ତି ମେସି । ଭାରତରେ ବି ତାଙ୍କର କ୍ରେଜ୍ ବହୁତ । ତିନି ଦିନିଆ ଭାରତ ଗସ୍ତରେ ସେ ଅନେକ କାର୍ଯ୍ୟକ୍ରମରେ ଯୋଗ ଦେଇଛନ୍ତି । କିନ୍ତୁ ବର୍ତ୍ତମାନ ଆଉ ଏକ ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଭାରତରେ ଫୁଟବଲ ମ୍ୟାଚ ଖେଳିପାରିବେନି ମେସି। କୌଣସି ପ୍ରଦର୍ଶନୀ ମ୍ୟାଚରେ ମେସି ଆହତ ହେଲେ ତାହାର ଖର୍ଚ୍ଚ ବୀମା କମ୍ପାନୀ ବହନ କରିବ ନାହିଁ । 

ଫଳରେ ଲକ୍ଷ ଲକ୍ଷ କୋଟି ଟଙ୍କାର ଅର୍ଥ କ୍ଷତି ହେବ । ତେଣୁ ନିଜ ଦେଶ ଏବଂ କ୍ଲବ୍ ବ୍ୟତୀତ ଅନ୍ୟ କାହା ପାଇଁ ଲିଓନେଲ ଖେଳିପାରିବେ ନାହିଁ । ମିଡିଆ ରିପୋର୍ଟ ଅନୁସାରେ, ମେସି ନିଜ ଦେଶ କିମ୍ବା କ୍ଲବ୍ ଛଡା ଅନ୍ୟ କାହା ପାଇଁ ମୁକାବିଲା ଖେଳିବେ ନାହିଁ । ଯାହା ପଛର ବଡ କାରଣ ହେଉଛି ଇନସ୍ୟୁରାନ୍ସ ବା ବୀମା । କୁହାଯାଏ କି, ମେସି ହେଉଛନ୍ତି ବିଶ୍ୱର ଅନ୍ୟତମ ଦାମୀ ପୁଟବଲର । ତାଙ୍କର ଇନସ୍ୟୁରାନ୍ସ ଖର୍ଚ୍ଚ ବି ଅଧିକ । ମେସିଙ୍କ ବାମ ଗୋଡର ବୀମା ରାଶି ହେଉଛି ୯୦୦ମିଲିୟନ ଡଲାର । ବୀମା କାରଣରୁ ମେସିଙ୍କର କିଛି ଆଘାତ ହେଲେ ତାହା ବୀମା ପ୍ରଦାନ କରିଥିବା କମ୍ପାନୀ ବହନ କରିଥାଏ ।

ଏଥିସହ ପଢ଼ନ୍ତୁ: ଟି୨୦ ବିଶ୍ୱକପ୍ ଟିକେଟ୍ ପ୍ରୋମୋରେ ନାହିଁ ପାକ୍ କ୍ୟାପ୍ଟେନଙ୍କ ଫଟୋ, ପିସିବି କହିଲା...

ନିଜ ହାତରୁ ତାଙ୍କୁ କୌଣସି ଖର୍ଚ୍ଚ କରିବାକୁ ପଡିନଥାଏ । ବୀମାର ନିୟମ ଅନୁସାରେ ସେ ମନଇଚ୍ଛା ମ୍ୟାଚ୍ ଖେଳିପାରିବେ ନାହିଁ । ସେ କେବଳ ନିଜ ଦେଶ ଏବଂ କ୍ଲବ୍ ପାଇଁ ଖେଳିବା ମ୍ୟାଚରେ ଆହତ ହେଲେ ସମସ୍ତ ଖର୍ଚ୍ଚ ବୀମା କମ୍ପାନୀ ବହନ କରିବ । ଏବେ ସେ ଆର୍ଜେଣ୍ଟିନା ଏବଂ ସକର୍ ଲିଗ୍ ଇଣ୍ଟର ମିଆମି ପାଇଁ ଖେଳୁଛନ୍ତି । ତେବେ କିମ୍ବଦନ୍ତୀ ବାସ୍କେଟ୍ ବଲ୍ ଖେଳାଳି ମାଇକେଲ୍ ଜୋର୍ଡାନଙ୍କ କଥା ଭିନ୍ନ ଥିଲା । ବୀମା ପଲିସି ପ୍ରଦର୍ଶନୀ ମ୍ୟାଚ୍‌କୁ କଭର୍ କରେ ନାହିଁ ଏବଂ ଯଦି ଫୁଟବଲ୍‌ ଖେଳାଳିମାନେ ଏପରି ମ୍ୟାଚ୍‌ରେ ଆହତ ହୁଅନ୍ତି, ତେବେ ସେମାନେ ଲକ୍ଷ ଲକ୍ଷ ଡଲାର ମୂଲ୍ୟର କ୍ଷତିପୂରଣ ହରାଇବାର ଆଶଙ୍କା ରହିଛି।

କୋଲକାତାରେ ମେସିଙ୍କ ଗୋଟିଏ ଝଲକ ପାଇବାକୁ ଫ୍ୟାନ୍ସ ପୁରା ପାଗଳ ହୋଇଯାଇଥିଲେ । ତାଙ୍କୁ ଠିକସେ ନଦେଖିପାରିବାରୁ ପାଟିତୁଣ୍ଡ କରିବା ସହ ଷ୍ଟାଡିୟମରେ ତୁମୂଳକାଣ୍ଡ ଭିଆଇଥିଲେ । କିନ୍ତୁ ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ ଷ୍ଟାଡିୟମରେ ପରିସ୍ଥିତି ଭିନ୍ନ ଥିଲା । କଡା ସୁରକ୍ଷା ବଳୟରେ ମେସି ପ୍ରବେଶ କରିଥିଲେ । ତାଙ୍କୁ ଦେଖି ଫ୍ୟାନ୍ସ ଖୁସିରେ ନାରା ଦେଇଥିଲେ । ସବୁଠାରୁ ଖାସ୍ ଥିଲା ଲିଓନେଲଙ୍କ ଭାଷଣ । ସେ କହିଥିଲେ ଯେ, ସମସ୍ତଙ୍କୁ ଧନ୍ୟବାଦ । ଏତେ ଅଧିକ ସଂଖ୍ୟାରେ ଦେଖିବାକୁ ଆସିଥିବାରୁ ଖୁସି ଲାଗୁଛି । ଏତେ ଭଲ ପାଇବା ଦେଇଥିବାରୁ ଫ୍ୟାନଙ୍କ ପ୍ରତି ସେ କୃତଜ୍ଞତା ଜ୍ଞାପନ କରିଥିଲେ ।

ଅଧିକ ପଢ଼ନ୍ତୁ ଖେଳ ଖବର: