ଫିଫା ବିଶ୍ବକପ୍‌ ୨୦୨୬ରେ ପ୍ରତିଦିନ ରୋମାଞ୍ଚକର ମ୍ୟାଚ୍‌ ଦେଖିବାକୁ ମିଳୁଛି । ଗ୍ରୁପ୍‌ ପର୍ଯ୍ୟାୟରେ ସମସ୍ତ ଦଳ ମଧ୍ୟରେ ତୀବ୍ର ପ୍ରତିଯୋଗିତା ଦେଖିବାକୁ ମିଳୁଛି । ବିଶ୍ୱର ସମସ୍ତେ ଲିଓନେଲ୍ ମେସି ଏବଂ କ୍ରିଷ୍ଟିଆନୋ ରୋନାଲ୍ଡୋଙ୍କ ମଧ୍ୟରେ ବିଶ୍ୱକପ୍ ମୁକାବିଲାକୁ ଉତ୍ସାହର ସହିତ ଅପେକ୍ଷା କରିଛନ୍ତି । ପର୍ତ୍ତୁଗାଲ୍ ଉଜବେକିସ୍ତାନକୁ ପରାସ୍ତ କରି ଗ୍ରୁପ୍ ଶୀର୍ଷରେ ପହଞ୍ଚିଛି । ସେହିପରି ମେସିଙ୍କ ଶକ୍ତିଶାଳୀ ପ୍ରଦର୍ଶନ ପାଇଁ ଆର୍ଜେଣ୍ଟିନା ଗ୍ରୁପ୍ ପର୍ଯ୍ୟାୟ ପଏଣ୍ଟ ଟେବୁଲର ଶୀର୍ଷରେ ମଧ୍ୟ ଶେଷ କରିବ । ଫଳସ୍ୱରୂପ, ଫିଫା ବିଶ୍ୱକପ୍‌ରେ ଉଭୟଙ୍କ ମଧ୍ୟରେ ଏକ ଐତିହାସିକ ମ୍ୟାଚ୍ ହେବାର ସମ୍ଭାବନା ବୃଦ୍ଧି ପାଇଛି । ଆସନ୍ତୁ ଜାଣିବା ଫିଫା ବିଶ୍ବକପ୍‌ରେ କିପରି ମୁହାଁମୁହିଁ ହେବେ ମେସି ଓ ରୋନାଲ୍ଡ ।

ଲିଓନେଲ୍ ମେସି ଏବଂ କ୍ରିଷ୍ଟିଆନୋ ରୋନାଲ୍ଡୋ ଉଭୟ ଫୁଟବଲର ମହାନ ଖେଳାଳିଙ୍କ ମଧ୍ୟରେ ଅନ୍ୟତମ । ସେମାନଙ୍କର ଲୋକପ୍ରିୟତା ବିଶ୍ୱବ୍ୟାପୀ ରହିଛି । ସେମାନଙ୍କ ଖେଳ ଦେଖିବାକୁ ଲୋକମାନେ ପାଗଳ ଭଳି ଅପେକ୍ଷା କରିଥାନ୍ତି । ଫିଫା ବିଶ୍ୱକପ୍ ଇତିହାସରେ ପୂର୍ବରୁ କେବେ ଏହି ଦୁଇ ଖେଳାଳି ପରସ୍ପର ମୁହାଁମୁହିଁ ହୋଇନାହାନ୍ତି । କିନ୍ତୁ ଏଥର ଏହା ହୋଇପାରେ ।

ଏହି ଐତିହାସିକ ମ୍ୟାଚ୍‌ ପାଇଁ ପର୍ତ୍ତୁଗାଲ୍ ଏବଂ ଆର୍ଜେଣ୍ଟିନା ଦଳକୁ ଗ୍ରୁପ୍ ପର୍ଯ୍ୟାୟର ଶୀର୍ଷରେ ଶେଷ କରିବାକୁ ପଡିବ । ଆର୍ଜେଣ୍ଟିନା ପୂର୍ବରୁ ନିଜ ଗ୍ରୁପରେ ଶୀର୍ଷ ସ୍ଥାନ ସୁରକ୍ଷିତ କରିସାରିଛି । ଯଦି ପର୍ତ୍ତୁଗାଲ୍ ତା'ର ଶେଷ ଗ୍ରୁପ୍ ପର୍ଯ୍ୟାୟ ମ୍ୟାଚ୍‌ରେ କଲମ୍ବିଆକୁ ପରାସ୍ତ କରେ, ତେବେ ସେମାନେ ମଧ୍ୟ ଶୀର୍ଷ ସ୍ଥାନରେ ପହଞ୍ଚିବେ ।

ରାଉଣ୍ଡ ଅଫ୍ ୩୨ରେ କ୍ରିଷ୍ଟିଆନୋ ରୋନାଲ୍ଡୋଙ୍କ ପର୍ତ୍ତୁଗାଲ୍ କ୍ରୋଏସିଆ କିମ୍ବା ଘାନା ସହିତ ମୁକାବିଲା କରିବ । ଯେତେବେଳେ ଆର୍ଜେଣ୍ଟିନାକୁ ଉରୁଗୁଏକୁ ପରାସ୍ତ କରିବାକୁ ପଡ଼ିବ । ଏହି ମ୍ୟାଚ୍‌ରେ ବିଜୟ ଉଭୟ ଦଳର କ୍ୱାର୍ଟର ଫାଇନାଲ ସ୍ଥାନ ସୁନିଶ୍ଚିତ କରିବ । ଆଉ ପ୍ରଶଂସକମାନେ ମେସି ଓ ରୋନାଲ୍ଡଙ୍କ ମଧ୍ୟରେ ଏକ ଐତିହାସିକ ମହାମୁକାବିଲା ଦେଖିପାରିବେ । ଯଦି ଏମିତି ହୁଏ ତେବେ ଏହି ମ୍ୟାଚ୍‌ ଫୁଟବଲ୍ ଇତିହାସର ସବୁଠାରୁ ଚର୍ଚ୍ଚିତ ଏବଂ ବିଶ୍ୱକପ୍ ଇତିହାସର ସବୁଠାରୁ ବଡ଼ ମ୍ୟାଚ୍ ହେବାକୁ ଯାଉଛି ।