IPL ୨୦୨୬ ମୁମ୍ବାଇ ଇଣ୍ଡିଆନ୍ସ ପାଇଁ ଏକ ଖରାପ ସିଜିନ୍ ଥିଲା । ମୁମ୍ବାଇ ୧୪ଟି ମ୍ୟାଚ୍ ଖେଳି ମାତ୍ର ଚାରିଟିରେ ଜିତିଥିଲେ। ହାର୍ଦ୍ଦିକ ପାଣ୍ଡ୍ୟା ତାଙ୍କ ଦଳର ପ୍ରଦର୍ଶନ ଏବଂ ବରିଷ୍ଠ ଖେଳାଳିଙ୍କ ପୂର୍ଣ୍ଣ ଅବଦାନ ଅଭାବରୁ ନିରାଶ ହୋଇଥିଲେ । ଏହି କାରଣରୁ ସେ ଏବେ ଦଳ ଛାଡିବାକୁ ନିଷ୍ପତ୍ତି ନେଇଛନ୍ତି। ମୁମ୍ବାଇ ଇଣ୍ଡିଆନ୍ସ ମ୍ୟାନେଜମେଣ୍ଟ ମଧ୍ୟ ଦଳର ପ୍ରଦର୍ଶନରେ ନିରାଶ ହୋଇଛି ଏବଂ ବଡ଼ ପରିବର୍ତ୍ତନ ପାଇଁ ପ୍ରସ୍ତୁତି ଆରମ୍ଭ କରିଛି ।

ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ଜଣେ ବରିଷ୍ଠ ମୁମ୍ବାଇ ଇଣ୍ଡିଆନ୍ସ ଖେଳାଳି ତିଲକ ବର୍ମାଙ୍କୁ IPL 2027 ସିଜିନରୁ ଅଧିନାୟକ ପଦ ନେବା ପାଇଁ ଏକ ଦୃଢ଼ ଦାବିଦାର ଭାବରେ ନାମିତ କରିଛନ୍ତି । ସୂଚନା ଅନୁଯାୟୀ, "ସିଜିନ୍ ସମୟରେ ଜଣେ ବରିଷ୍ଠ ଖେଳାଳି ପରାମର୍ଶ ଦେଇଥିଲେ ଯେ ଯୁବ ଭାରତୀୟ ବ୍ୟାଟ୍ସମ୍ୟାନ୍ ତିଲକ ବର୍ମାଙ୍କୁ ଆଗାମୀ ବର୍ଷ ଅଧିନାୟକତ୍ୱ ପାଇଁ ଏକ ଦୃଢ଼ ଦାବିଦାର ଭାବରେ ବିବେଚନା କରାଯାଉଛି।"

ଜସପ୍ରିତ ବୁମରାହ ଏବଂ ସୂର୍ଯ୍ୟକୁମାର ଯାଦବ ଉଭୟ ଆଇପିଏଲ୍ ୨୦୨୬ ସମୟରେ ହାର୍ଦ୍ଦିକ ପାଣ୍ଡ୍ୟାଙ୍କ ଅନୁପସ୍ଥିତିରେ ଅଧିନାୟକତ୍ୱ କରିଥିଲେ। ତେଣୁ, ଏହି ଦୁଇଜଣଙ୍କ ମଧ୍ୟରୁ ଜଣଙ୍କୁ ଅଧିନାୟକତ୍ୱ ଦିଆଯିବାର ସମ୍ଭାବନା ଅଧିକ । କିନ୍ତୁ କିଛି ରିପୋର୍ଟରେ କୁହାଯାଉଛି ଯେ ଜଣେ ବରିଷ୍ଠ ଖେଳାଳି ତିଲକ ବର୍ମାଙ୍କୁ ସମର୍ଥନ କରୁଛନ୍ତି । ଏବେ, ମୁମ୍ବାଇ ଇଣ୍ଡିଆନ୍ସ ମ୍ୟାନେଜମେଣ୍ଟ କାହା ଉପରେ ବିଶ୍ୱାସ କରୁଛି ତାହା ଦେଖିବା ବାକି ରହିଲା ।