ଅର୍ଗସ ବ୍ୟୁରୋ : ଏବେ କ୍ରିକେଟ୍‌ ଫିଭର । ବିଶ୍ଵକପ୍‌ ମ୍ୟାଚର ସିଜନ ହୋଇଥିବାରୁ କ୍ରୀଡାପ୍ରେମୀଙ୍କୁ ଆଉ ରାତିରେ ନିଦ ହେଉନି । କ୍ରିକେଟ ଦେଖିବାକୁ ସମସ୍ତେ ପାଗଳ । ସହଜେ ଏବେ ବିଶ୍ଵକପ୍‌ ଚାଲିଛି ତେଣୁ ଯିଏ ନାହିଁ ସିଏ ମ୍ୟାଚ୍‌ ଦେଖିବାରେ ବ୍ୟସ୍ତ ଅଛନ୍ତି । ଆଉ ଏହାରି ଭିତରେ ବିଶ୍ୱକପ୍‌ ୨୦୨୩ରେ ଫାଇନାଲରେ ପ୍ରବେଶ କରିଛି ଟିମ୍‌ ଇଣ୍ଡିଆ। ସେମିଫାଇନାଲରେ ନ୍ୟୁଜଲାଣ୍ଡକୁ ୭୦ ରନ୍‌ରେ ପରାସ୍ତ କରି ଭାରତ ଫାଇନାଲ ଟିକେଟ୍‌ ହାସଲ କରିଛି । ଆସନ୍ତା ରବିବାର ଭାରତ- ଅଷ୍ଟ୍ରେଲିଆ ମଧ୍ୟରେ କଡା ମୁକାବିଲା ହେବାକୁ ଯାଉଛି । ତେଣୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅହମ୍ମଦାବାଦରେ ହେବାକୁ ଥିବା ଆଇସିସି ବିଶ୍ୱକପ ଫାଇନାଲରେ ଯୋଗ ଦେବେ ବୋଲି ଜଣାପଡିଛି ।

ସେପଟେ ଭାରତ ନ୍ୟୁଜିଲାଣ୍ଡକୁ ହରାଇବା ପରେ ମୋଦୀ ପ୍ରଶଂସା କରିଥିଲେ ପୂରା ଟିମ୍‌କୁ । ଆଉ ସେ ଜଣେ ବଡ କ୍ରିକେଟ୍ ପ୍ରଶଂସକ ବୋଲି ଜଣାପଡ଼ିଛି । କାରଣ ବିରାଟ କୋହଲି ଏବଂ ମହମ୍ମଦ ଶାମି ଯେମିତି ଧୂଳି ଚଟାଇଛନ୍ତି ପ୍ରତିପକ୍ଷ ଖେଳାଳିଙ୍କୁ ତାହାକୁ ନେଇ ପ୍ରଧାନମନ୍ତ୍ରୀଙ୍କଠୁ ଆରମ୍ଭ କରି ସୋସିଆଲ ମିଡିଆରେ ଢେର ସାରା ପ୍ରଶଂସା ମଧ୍ୟ କରିଛନ୍ତି ସାଧାରଣ ଜନତା ।

ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଦ୍ୱିତୀୟ ସେମିଫାଇନାଲ କୋଲକାତାରେ ଖେଳାଯାଇଥିଲା ଆଉ ଏଥିରେ ସାଉଥ ଆଫ୍ରିକାକୁ ଧୂଳି ଚଟାଇ ବିଜୟୀ ହୋଇଥିଲା କଙ୍ଗାରୁ ଟିମ୍‌ । ତେଣୁ ଆଗାମୀ ଦିନ ଭାରତ ଓ ଅଷ୍ଟ୍ରେଲିଆ ମଧ୍ୟରେ ହେବ ହାଇଭୋଲଟେଜ୍‌ ମ୍ୟାଚ୍‌ । ଗୁରୁତ୍ଵପୂର୍ଣ୍ଣ କଥା ହେଲା ମ୍ୟାଚ୍‌ରେ ଗୋଟିଏ ଥର ହେଲେ ବି ଭାରତ ହାରିନି । ତେଣୁ ଏଥର ବିଶ୍ଵକପ ଭାରତ ହିଁ ନେବ ବୋଲି ସମସ୍ତେ ଜାଣିଛନ୍ତି। ହେଲେ ବି ରବିବାରକୁ ସମସ୍ତଙ୍କର ଅପେକ୍ଷା ରହିଛି । ସେପଟେ ମୋଦି ଯାଉଥିବାରୁ ଦର୍ଶକଙ୍କ ମଧ୍ୟରେ ବି ଏକ୍ସସାଇଟମେଣ୍ଟ ଭରି ରହିଛି ।

ଅଧିକ ପଢନ୍ତୁ କ୍ରୀଡା ଖବର...

Argus News | argus news | Odisha Latest News, Breaking News, Trending News, Live TV