Argus News - ବାପାଙ୍କ ତ୍ୟାଗର କାହାଣୀ ଶୁଣାଇଲେ ମୁକୁଲ, ମୁଁ ଧୋନିଙ୍କ ପରି ହେବାକୁ ଚାହେଁ

ଆରମ୍ଭ ହୋଇସାରିଛି ଫଟାଫଟ୍‌ କ୍ରିକେଟର ମହାକୁମ୍ଭ ଆଇପିଏଲ । ଗୁରୁବାର କୋଲକାତାର ଇଡେନ୍‌ ଗାର୍ଡେନରେ ମୁହାଁମୁହିଁ ହୋଇଥିଲେ ଲକ୍ଷ୍ନୌ ସୁପର ଜାଏଣ୍ଟସ୍‌ ଓ କୋଲକାତା ନାଇଟ୍‌ ରାଇଡର୍ସ । ଏହି ମ୍ୟାଚ୍‌ରେ LSG ର ମୁକୁଲ ଚୌଧୁରୀ ଏକ ସ୍ମରଣୀୟ ଇନିଂସ ଖେଳି ଲକ୍ଷ୍ନୌକୁ ଏକ ଐତିହାସିକ ବିଜୟ ଭେଟି ଦେଇଥିଲେ ।
ଆଉ ଏହି ମ୍ୟାଚ୍‌ ପରେ ନିଜ ସଂଘର୍ଷକୁ ନେଇ ବଡ଼ ଖୁଲାସା ମଧ୍ୟ କରିଥିଲେ ମୁକୁଲ । ସେ କହିଥିଲେ, ତାଙ୍କ ପିତା ତାଙ୍କୁ ଜଣେ କ୍ରିକେଟର କରିବା ପାଇଁ କିପରି ତାଙ୍କ କ୍ୟାରିୟରକୁ ବଳିଦାନ ଦେଇଥିଲେ । ମୁକୁଲ କହିଥିଲେ ଯେ ତାଙ୍କ ପିତା ରାଜସ୍ଥାନ ପ୍ରଶାସନିକ ସେବା (RAS) ପରୀକ୍ଷା ପାଇଁ ପ୍ରସ୍ତୁତି କରୁଥିଲେ । କିନ୍ତୁ ଏହି ସମୟରେ ସେ ଅନୁଭବ କରିଥିଲେ ଯେ ନିଜ କ୍ୟାରିୟର୍‌ ଗଢ଼ିବେ କିମ୍ବା ପୁଅଙ୍କୁ କ୍ରିକେଟର କରିବାରେ ସମୟ ଦେବେ—ଏହି ଦୁଇଟି ମଧ୍ୟରୁ ଗୋଟିଏକୁ ବାଛିବାକୁ ପଡ଼ିବ । ଶେଷରେ ସେ ନିଜ ପଢ଼ା ଛାଡ଼ି ପୁଅର ସ୍ୱପ୍ନ ପୂରଣ ପାଇଁ ଆଗକୁ ଆସିଥିଲେ ।

ମୁକୁଲ ଚୌଧୁରୀ ଟିମ୍‌ ଇଣ୍ଡିଆର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନିଙ୍କୁ ନିଜର ଆଦର୍ଶ ବୋଲି ମାନନ୍ତି । ଆଉ ଭବିଷ୍ୟତରେ ଧୋନିଙ୍କ ପରି ଫିନିସର ହେବାକୁ ଚାହାନ୍ତି ବୋଲି କହିଥିଲେ ।

Now you know where that helicopter shot came from! 🚁🏏

The finishing skills, the shot selection & being Mu-cool under pressure… all inspired by MS Dhoni!

Watch the highlights of his incredible innings: https://t.co/H8bWsTS8TO#MukulChoudhary #LucknowSupergiants #LSG #Kolkata pic.twitter.com/jbKSu43AU3

— Star Sports (@StarSportsIndia) April 9, 2026

ଜିଓହଟଷ୍ଟାରରେ ଆଲୋଚନା କରି ମୁକୁଲ ଚୌଧୁରୀ କହିଥିଲେ, "ମୁଁ ସର୍ବଦା ଏମଏସ ଧୋନିଙ୍କୁ ଆଦର୍ଶ ବୋଲି ମାନିଛି । କାରଣ ମୁଁ ମଧ୍ୟ ଜଣେ ଫିନିସର । ମୁଁ ସର୍ବଦା ତାଙ୍କଠାରୁ ପ୍ରେରଣା ପାଏ । ତାଙ୍କର ପ୍ରତୀକାତ୍ମକ ହେଲିକପ୍ଟର ସଟ୍ ମୋର ପ୍ରିୟ । ସମସ୍ତେ ମନେ ରଖିଛନ୍ତି ଯେ ସେ ୨୦୧୧ ବିଶ୍ୱକପରେ ଭାରତର ଅଧିନାୟକତ୍ୱ କରିଥିଲେ। ମୁଁ ତାଙ୍କ ପରି ହେବାକୁ, ମ୍ୟାଚ୍ ଶେଷ କରିବାକୁ ଏବଂ ତାଙ୍କ ପରି ଦଳକୁ ବିଜୟୀ କରିବାକୁ ସବୁବେଳେ ଚାହେଁ''।

ମୁକୁଲ ଆହୁରି କହିଥିଲେ, ତାଙ୍କ ପିତା ବିବାହ ପୂର୍ବରୁ ନିଷ୍ପତ୍ତି ନେଇଥିଲେ ଯେ ଯଦି ତାଙ୍କର ପୁଅ ହୁଏ ତେବେ ସେ ତାଙ୍କୁ ଜଣେ କ୍ରିକେଟର କରିବେ । ସେ କହିଥିଲେ, "ସର୍ବୋଚ୍ଚ ସ୍ତରରେ କ୍ରିକେଟ ଖେଳିବା ମୋ ବାପାଙ୍କ ସ୍ୱପ୍ନ ଥିଲା। ଆମେ ଏକ ଅତ୍ୟନ୍ତ ଗରିବ ପରିବାରରୁ ଆସିଛୁ ଏବଂ ସେ ଚାହୁଁଥିଲେ ଯେ ପରିବାରର ଜଣେ ସଦସ୍ୟ କ୍ରିକେଟ ଖେଳିବେ । ଆଜିକାଲି କ୍ରିକେଟରେ ବହୁତ ଟଙ୍କା ଏବଂ ପ୍ରସିଦ୍ଧି ଅଛି । କ୍ରିକେଟ ତାଙ୍କର ପ୍ରିୟ ଖେଳ, କିନ୍ତୁ ଆମ ପରିବାରର ଆର୍ଥିକ ପରିସ୍ଥିତି ଏପରି ନଥିଲା ଯେ ସେ ବୃତ୍ତିଗତ ଭାବରେ କ୍ରିକେଟ ଖେଳିପାରିବେ । ବିବାହ ପୂର୍ବରୁ ମଧ୍ୟ ସେ ନିଷ୍ପତ୍ତି ନେଇଥିଲେ ଯେ ଯେତେବେଳେ ତାଙ୍କର ପୁଅ ହେବ, ସେ ନିଶ୍ଚିତ ଭାବରେ ତାଙ୍କୁ କ୍ରିକେଟ ଖେଳିବାକୁ ବାଧ୍ୟ କରିବେ । ମୁଁ ଯେତେବେଳେ ଛୋଟ ଥିଲି, ଆମ ପରିବାରର ଆର୍ଥିକ ପରିସ୍ଥିତି ଏତେ ଭଲ ନଥିଲା ଏବଂ ତାଙ୍କ ପାଇଁ ମୋତେ କ୍ରିକେଟ ଏକାଡେମୀରେ ନାମ ଲେଖାଇବା ସମ୍ଭବ ନଥିଲା । ସେତେବେଳେ ସେ ଏକ କଲେଜରେ ପାଠ ପଢ଼ାଉଥିଲେ ଏବଂ RAS ପରୀକ୍ଷା ପାଇଁ ମଧ୍ୟ ପ୍ରସ୍ତୁତି କରୁଥିଲେ ।"
ସେ ଆହୁରି କହିଥିଲେ, "ମୋ ବାପା ଅନୁଭବ କରିଥିଲେ ଯେ ସେ RAS ପରୀକ୍ଷା ପାଇଁ ପ୍ରସ୍ତୁତି କରିପାରିବେ କିମ୍ବା ମୋତେ ବୃତ୍ତିଗତ ଭାବରେ କ୍ରିକେଟ ଖେଳାଇ ପାରିବେ । ତେଣୁ, ସେ ତାଙ୍କର ପ୍ରସ୍ତୁତି ଛାଡିଥିଲେ । ମୁଁ ଯେତେବେଳେ ୧୨ ବର୍ଷ ବୟସର ଥିଲି, ସେ ପ୍ରଥମ ଥର ପାଇଁ ମୋତେ ସିକର ସହରର SBS କ୍ରିକେଟ ଏକାଡେମୀରେ ନାମ ଲେଖାଇଥିଲେ ।"

A journey that’s bound to inspire a generation! ✨#MukulChoudhary’s cricketing rise, his family’s sacrifices, and how the game changed everything around him. ❤️

[Lucknow Super Giants, Kolkata Knight Riders, LSG, KKR] pic.twitter.com/V3pXq8ilCC

— Star Sports (@StarSportsIndia) April 9, 2026

ମୁକୁଲ ଚୌଧୁରୀଙ୍କ ଜନ୍ମ ୮ ଅଗଷ୍ଟ ୨୦୦୪ରେ ଝୁନଝୁନୁରେ ହୋଇଥିଲା । ମୁକୁଲ ଜଣେ ୱିକେଟକିପର ବ୍ୟାଟ୍ସମ୍ୟାନ । ମୁକୁଲ ରାଜସ୍ଥାନ ପାଇଁ ଘରୋଇ କ୍ରିକେଟ୍‌ ଖେଳନ୍ତି । ସେ ଏପର୍ଯ୍ୟନ୍ତ ଚାରୋଟି ପ୍ରଥମ ଶ୍ରେଣୀ ମ୍ୟାଚରେ ୧୦୩ ରନ୍ କରିଛନ୍ତି ।