୨୦୨୬ ଟି-୨୦ ବିଶ୍ବକପ୍‌ ଫାଇନାଲରେ ନ୍ୟୁଜିଲାଣ୍ଡ । ପ୍ରଥମ ସେମିଫାଇନାଲରେ ଦକ୍ଷିଣ ଆଫ୍ରିକାକୁ ପରାସ୍ତ କରି ପ୍ରଥମ ଦଳ ଭାବେ ଫାଇନାଲରେ ନିଜ ସ୍ଥାନ ପକ୍କା କରିଛି ନ୍ୟୁଜିଲାଣ୍ଡ । ଓପନର୍‌ ଫିନ୍‌ ଆଲେନ୍‌ଙ୍କ ଧୁଆଁଧାର ଶତକ ବଳରେ ନ୍ୟୁଜିଲାଣ୍ଡ ଫାଇନାଲରେ ପ୍ରବେଶ କରିଛି ।

ବୁଧବାର ଦିନ ICC ପୁରୁଷ ଟି-୨୦ ବିଶ୍ୱକପ୍ ୨୦୨୬ର ପ୍ରଥମ ସେମିଫାଇନାଲ କୋଲକାତାର ଇଡେନ୍‌ ଗାର୍ଡେନରେ ଖେଳାଯାଇଥିଲା । ନ୍ୟୁଜିଲାଣ୍ଡ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ଦକ୍ଷିଣ ଆଫ୍ରିକା ନ୍ୟୁଜିଲାଣ୍ଡ ପାଇଁ ୧୭୦ ରନର ଲକ୍ଷ୍ୟ ରଖିଥିଲା । ଜବାବରେ ନ୍ୟୁଜିଲାଣ୍ଡ ୧୩ତମ ଓଭରରେ ଏହି ଟାର୍ଗେଟ୍‌କୁ ମାତ୍ର ଗୋଟିଏ ଓ୍ବିକେଟ୍‌ ହରାଇ ହାସଲ କରିଥିଲା । ଏହି ସେମିଫାଇନାଲ ମ୍ୟାଚ୍‌ରେ ଫିନ୍ ଆଲେନ୍ ଏକ ଧମାକାଦାର ଅପରାଜିତ ଶତକ ହାସଲ କରିଥିଲେ । ଟିମ୍‌ ସେଫର୍ଟ ମଧ୍ୟ ଏକ ଅର୍ଦ୍ଧଶତ ସ୍କୋର କରିଥିଲେ । ଏହା ସହ ଦକ୍ଷିଣ ଆଫ୍ରିକା ପୁଣି ଥରେ ICC ଟାଇଟଲର ନକଆଉଟ୍ ପର୍ଯ୍ୟାୟରୁ ବାଦ୍‌ ପଡ଼ିଛି ।

𝙊𝙣𝙚 𝙨𝙩𝙚𝙥 𝙘𝙡𝙤𝙨𝙚𝙧 𝙩𝙤 𝙝𝙞𝙨𝙩𝙤𝙧𝙮 🇳🇿

New Zealand are through to the #T20WorldCup 2026 Final 🤩 pic.twitter.com/mu40jg4k3C

— ICC (@ICC) March 4, 2026

୧୭୦ ରନର ଜବାବରେ ନ୍ୟୁଜିଲାଣ୍ଡ ଏକ ଦୃଢ଼ ଆରମ୍ଭ କରିଥିଲା । ଟିମ୍ ସେଫର୍ଟ ଏବଂ ଫିନ୍ ଆଲେନ୍ ଏକ ଦୃଢ଼ ଆରମ୍ଭ କରିଥିଲେ । ପ୍ରଥମ ୱିକେଟ ପାଇଁ ୧୧୭ ରନ୍‌ ଯୋଡିଥିଲେ । ପ୍ରଥମ ୱିକେଟ୍ ଦଶମ ଓଭରରେ ପଡ଼ିଥିଲା । କିନ୍ତୁ ସେତେବେଳକୁ ନ୍ୟୁଜିଲାଣ୍ଡ ମ୍ୟାଚ୍‌କୁ ନିଜ ନିୟନ୍ତ୍ରଣକୁ ଆଣିସାରିଥିଲା । ଆଉ ଏହାପରେ ରାଚିନ୍‌ ରବିନ୍ଦ୍ର ଓ ଫିନ୍‌ ଆଲେନ୍‌ ଦଳକୁ ବିଜୟ ଭେଟି ଦେଇଥିଲେ । ଫିନ୍ ଆଲେନ୍ ୩୩ ବଲ୍‌ରେ ଅପରାଜିତ ଶତକ ହାସଲ କରିଥିଲେ । ଯେଉଁଥିରେ ୧୦ ଚୌକା ଏବଂ ୮ ଛକା ଥିଲା ।

ପ୍ରଥମେ ବ୍ୟାଟିଂ କରୁଥିବା ଦକ୍ଷିଣ ଆଫ୍ରିକାର ଆରମ୍ଭ ଖରାପ ଥିଲା । ଦ୍ୱିତୀୟ ଓଭରରେ ଡି କକ୍‌ଙ୍କ ୱିକେଟ୍ ପଡ଼ିଥିଲା । ଏହା ପରେ ରିକଲଟନ୍‌ ଜିରୋରେ ଆଉଟ୍ ହୋଇ ପ୍ୟାଭିଲିୟନ୍‌ ଫେରିଥିଲା । ଏହା ପରେ ଦକ୍ଷିଣ ଆଫ୍ରିକାର ବ୍ୟାଟ୍ସମ୍ୟାନମାନେ ୱିକେଟ୍ ହରାଇ ଚାଲିଥିଲେ । ତଥାପି ଶେଷ ଓଭରରେ ମାର୍କୋ ଜାନସେନଙ୍କ ଅର୍ଦ୍ଧଶତକ ଦକ୍ଷିଣ ଆଫ୍ରିକାକୁ ନ୍ୟୁଜିଲାଣ୍ଡ ପାଇଁ ୧୬୯ ରନ୍ ସ୍କୋର କରିବାରେ ସାହାଯ୍ୟ କରିଥିଲା । ମ୍ୟାଟ୍ ହେନରୀ, ରାଚିନ୍ ରବିନ୍ଦ୍ର ଏବଂ କୋଲ୍ ପ୍ରତ୍ୟେକେ ନ୍ୟୁଜିଲାଣ୍ଡ ପାଇଁ ଦୁଇଟି ଲେଖାଏଁ ୱିକେଟ୍ ନେଇଥିଲେ ।