ବୁଧବାର ଫିଫା ବିଶ୍ବକପ୍‌ରେ ବ୍ରାଜିଲ୍‌ ଓ ସ୍କଟଲାଣ୍ଡ ମଧ୍ୟରେ ମ୍ୟାଚ୍ ଖେଳାଯାଇଥିଲା । ଏହି ମ୍ୟାଚ୍‌ରେ ବ୍ରାଜିଲ୍‌ ୩-୦ ଗୋଲରେ ବିଜୟଲାଭ କରି ଗ୍ରୁପ୍‌-Cରେ ଶୀର୍ଷ ସ୍ଥାନ ହାସଲ କରି ନକଆଉଟ୍‌ ପର୍ଯ୍ୟାୟକୁ ଯାଇଥିଲା । ତେବେ ସବୁଠୁ ବଡ଼ କଥା ହେଉଛି, ୯୮୧ ଦିନର ଅପେକ୍ଷା ପରେ ଜାତୀୟ ଦଳକୁ ଫେରିଛନ୍ତି ବ୍ରାଜିଲର କିମ୍ବଦନ୍ତୀ ଫୁଟବଲର ନେମାର । ୨୦୨୬ ଫିଫା ବିଶ୍ବକପ୍‌ରେ ସ୍କଟଲାଣ୍ଡ ବିପକ୍ଷ ମ୍ୟାଚ୍‌ର ଦ୍ବିତୀୟାର୍ଦ୍ଧରେ ନେମାରଙ୍କୁ ସୁଯୋଗ ମିଳିଥିଲା । ଆଉ ମ୍ୟାଚ୍‌ ପରେ ଭାବୁକ ହୋଇ କାନ୍ଦି ପକାଇଥିଲେ ।

୩୪ ବର୍ଷୀୟ ନେମାର ଶେଷ ଥର ପାଇଁ ବ୍ରାଜିଲ୍ ପାଇଁ ୧୭ ଅକ୍ଟୋବର ୨୦୨୩ରେ ଉରୁଗୁଏ ବିପକ୍ଷ ବିଶ୍ୱକପ୍ ଯୋଗ୍ୟତା ପର୍ଯ୍ୟାୟ ମ୍ୟାଚ୍‌ରେ ଖେଳିଥିଲେ । ଅର୍ଜନରେ ଖେଳିଥିଲେ। ସେହି ମ୍ୟାଚ୍‌ରେ ତାଙ୍କ ବାମ ଆଣ୍ଠୁର ACL ଏବଂ ମେନିସ୍କସ୍‌ ଛିଡ଼ି ଯାଇଥିଲା । ଏହି ଆଘାତ ତାଙ୍କ କ୍ୟାରିୟରର ସବୁଠାରୁ ବଡ଼ ଚ୍ୟାଲେଞ୍ଜ ମଧ୍ୟରୁ ଗୋଟିଏ ଥିଲା ।

ଏହା ପରେ, ନେମାର ଦୀର୍ଘ ସମୟ ପର୍ଯ୍ୟନ୍ତ ପଡ଼ିଆରୁ ବାହାରେ ରହିଥିଲେ ଏବଂ ଫିଟନେସ୍ ସମସ୍ୟା ସହିତ ସଂଘର୍ଷ କରିଚାଲିଥିଲେ । ଅନେକ ଥର ତାଙ୍କର ଫେରିବା ଆଶା ସୃଷ୍ଟି ହୋଇଥିଲା, କିନ୍ତୁ ଫିଟନେସ୍ ସମସ୍ୟା ତାଙ୍କ ପଥରେ ବାଧା ହୋଇ ରହିଥିଲା ।

For the first time since 2023, @neymarjr is back on the field for Brazil.#FIFAWorldCup pic.twitter.com/HXU0ww5Q5R

— FIFA World Cup (@FIFAWorldCup) June 24, 2026

ତେବେ ବ୍ରାଜିଲ୍ ପ୍ରଶିକ୍ଷକ କାର୍ଲୋ ଆନସେଲୋଟି ସ୍କଟଲାଣ୍ଡ ବିପକ୍ଷ ମ୍ୟାଚ୍‌ର ୭୬ତମ ମିନିଟ୍‌ରେ ମାଥ୍ୟୁସ୍ କୁନ୍‌ହାଙ୍କ ସ୍ଥାନରେ ନେମାରଙ୍କୁ ସୁଯୋଗ ଦେଇଥିଲେ । ନେମାର ଆସିବା ମାତ୍ରେ, ଷ୍ଟାଡିୟମରେ ଥିବା ହଜାର ହଜାର ପ୍ରଶଂସକ ତାଙ୍କୁ ଠିଆ ହୋଇ ପ୍ରଶଂସା କରିଥିଲେ ।

ଏହି ମ୍ୟାଚ୍ ସହିତ, ନେମାର ଚତୁର୍ଥ ଫିଫା ବିଶ୍ୱକପରେ ବ୍ରାଜିଲର ପ୍ରତିନିଧିତ୍ୱ କରୁଥିବା ଖେଳାଳିଙ୍କ ତାଲିକାରେ ସାମିଲ ହୋଇଛନ୍ତି । ଯଦିଓ ସେ ଅଧିକ ଖେଳ ସମୟ ପାଇ ନଥିଲେ ଏବଂ କୌଣସି ଗୋଲ କିମ୍ବା ଆସିଷ୍ଟ ମଧ୍ୟ କରିନଥିଲେ କିନ୍ତୁ ତାଙ୍କର ଏକାକୀ ଉପସ୍ଥିତି ବ୍ରାଜିଲ ପ୍ରଶଂସକଙ୍କ ପାଇଁ ଏକ ବଡ଼ ବିଜୟ ଥିଲା । ତେବେ ଏହି ମ୍ୟାଚ୍‌ ପରେ ନେମାର ଭାବୁକ ହୋଇଯାଇଥିଲେ ଏବଂ ତାଙ୍କ ଆଖିରୁ ଲୁହ ଝରି ଆସିଥିଲା ।

ସେପଟେ ସ୍କଟଲ୍ୟାଣ୍ଡ ବିପକ୍ଷରେ ୩-୦ ବିଜୟ ସହିତ ବ୍ରାଜିଲ ଗ୍ରୁପ୍ C ରେ ଶୀର୍ଷରେ ପହଞ୍ଚି ରାଉଣ୍ଡ ଅଫ୍ ୩୨ରେ ପ୍ରବେଶ କରିଛି । ସେମାନେ ଏବେ ନକଆଉଟ୍ ରାଉଣ୍ଡରେ ଗ୍ରୁପ୍ F ର ଦ୍ୱିତୀୟ ସ୍ଥାନ ଅଧିକାର କରିଥିବା ଦଳ ସହିତ ମୁକାବିଲା କରିବେ ।