Cricket / ଦୃଷ୍ଟିବାଧିତ ମହିଳା ବିଶ୍ଵକପ୍‌ ବିଜୟୀ ଟିମ୍‌ର ପ୍ରତ୍ୟେକ ଓଡ଼ିଆ ଖେଳାଳିଙ୍କୁ ରାଜ୍ୟ ସରକାର ଦେବେ ୧୧ ଲକ୍ଷ

ଭୁବନେଶ୍ଵର: ବିଶ୍ୱ ବିଜେତାଙ୍କୁ ଘରୋଇ ମାଟିରେ ସ୍ୱାଗତ ସମ୍ବର୍ଦ୍ଧନା । ଟି-ଟ୍ଵେଣ୍ଟି ବିଶ୍ୱକପ୍ ବିଜେତା ଦୃଷ୍ଟିବାଧିତ ମହିଳା କ୍ରିକେଟ ଦଳରେ ଥିବା ଚାରି ମହିଳା କ୍ରିକେଟରଙ୍କୁ ବିମାନ ବନ୍ଦରରେ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି । ସବୁଠି ହେଉଛି ସେମାନଙ୍କ ପ୍ରଂଶସା । ରାଜ୍ୟର ମୁଖ୍ୟମନ୍ତ୍ରୀଙ୍କ ଠାରୁ କ୍ରୀଡ଼ାମନ୍ତ୍ରୀଙ୍କ ସହ ବିଭିନ୍ନ ଅନୁଷ୍ଠାନ ପକ୍ଷରୁ ସେମାନଙ୍କୁ ସମ୍ବର୍ଦ୍ଧିତ କରାଯାଇଛି ।

ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଶୁଭେଚ୍ଛା ଜଣାଇବା ସହ ପ୍ରତ୍ୟେକ ଓଡ଼ିଆ ଖେଳାଳିଙ୍କ ପାଇଁ ୧୧ ଲକ୍ଷ ଲେଖାଏଁ ପୁରସ୍କାର ରାଶି ଘୋଷଣା କରିଛନ୍ତି । ସପ୍ତାହକ ତଳେ ଶ୍ରୀଲଙ୍କାରେ ଖେଳାଯାଇଥିଲା ପ୍ରଥମ ଦୃଷ୍ଟିବାଧିତ ମହିଳା ଟି-ଟ୍ଵେଣ୍ଟି ବିଶ୍ୱକପ୍ । ଯେଉଁଥିରେ ଭାରତ ଚାମ୍ପିଅନ୍ ହୋଇଥିବା ବେଳେ ଘର ବାହୁଡ଼ିଛନ୍ତି ୪ ଓଡ଼ିଆ କ୍ରିକେଟର୍ ।

ଏଥିସହ ପଢ଼ନ୍ତୁ: ପ୍ରଥମ ଦୃଷ୍ଟିବାଧିତ ମହିଳା ବିଶ୍ଵକପ୍‌ ଜିତିଲା ଭାରତ; ୭ ୱିକେଟ୍‌ରେ ନେପାଳକୁ ହରାଇଲା

ଓଡ଼ିଶା ଫେରିବା ପରେ ଭୁବନେଶ୍ଵର ବିମାନବନ୍ଦରେ ସେମାନଙ୍କୁ ସ୍ଵାଗତ ପାଇଁ ଦେଖିବାକୁ ମିଳିଥିଲା ଭିଡ଼ । ଏକାଠି ହୋଇଥିଲେ କ୍ରୀଡ଼ା ପ୍ରେମୀ ଓ ପ୍ରଶଂସକ । ୪ ଓଡ଼ିଆ ଖେଳାଳି ଫୁଲ ସୋରେନ, ବାସନ୍ତୀ ହାଁସଦା, ଜମୁନା ରାଣୀ ଟୁଡୁ ଓ ପାର୍ବତୀ ମାରାଣ୍ଡି ଭୁବନେଶ୍ଵର ବିମାନବନ୍ଦରରୁ ବାହାରିବା ବେଳେ ସ୍ଵାଗତ ସମ୍ବର୍ଦ୍ଧନାରେ ଅଭିଭୂତ ହୋଇଛନ୍ତି ।

ବିଶ୍ଵବିଜେତାଙ୍କୁ ବିଭିନ୍ନ ମହଲରୁ ଛୁଟିବାରେ ଲାଗିଛି ଶୁଭେଚ୍ଛାର ସୁଅ । ମୁଖ୍ୟମନ୍ତ୍ରୀଙ୍କ ଠାରୁ ଆରମ୍ଭ କରି କ୍ରୀଡ଼ାମନ୍ତ୍ରୀ, ରାଜ୍ୟ ଦୃଷ୍ଟିବାଧିତ କ୍ରିକେଟ ସଂଘର ସଦସ୍ୟ ଏବଂ ବିଭିନ୍ନ ଅନୁଷ୍ଠାନ ପକ୍ଷରୁ ତାଙ୍କୁ ଦିଆଯାଇଛି ସମ୍ବର୍ଦ୍ଧନା । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ୪ କ୍ରୀଡ଼ାବିତଙ୍କୁ ଭେଟି ଶୁଭେଚ୍ଛା ଜଣାଇବା ସହ ଚାରି ଜଣଙ୍କ ପାଇଁ ଘୋଷଣା କରିଛନ୍ତି ୧୧ ଲକ୍ଷ ଲେଖାଏଁ ଟଙ୍କାର ପୁରସ୍କାର ରାଶି ।

ଏଥିସହ ପଢ଼ନ୍ତୁ: ଟେଷ୍ଟ କ୍ରିକେଟକୁ ପୁଣି ଫେରିବେ କି ବିରାଟ କୋହଲି ? ବିସିସିଆଇ ସଚିବ ଦେଲେ ବଡ଼ ବୟାନ

ସେହିପରି କ୍ରୀଡ଼ାମନ୍ତ୍ରୀ ମଧ୍ୟ ସେମାନଙ୍କର ଯେଉଁ ପଡ଼ିଆ ପାଇଁ ଦାବି ଥିଲା ସେ ଦିଗରେ ସରକାର ପଦକ୍ଷେପ ଗ୍ରହଣ କରିବେ ବୋଲି ଦେଇଛନ୍ତି ପ୍ରତିଶ୍ରୁତି ଦେଇଛନ୍ତି ସରକାର । ପୂର୍ବରୁ ଏହି ବିଶ୍ଵବିଜୟୀ ଦଳକୁ ଭେଟି ଶୁଭେଚ୍ଛା ଜଣାଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଓଡ଼ିଆ ଝିଅ ତଥା ଫାଇନାଲରେ ମ୍ୟାନ୍ ଅଫ ଦି ମ୍ୟାଚ୍ ଫୁଲ ସୋରେନଙ୍କୁ କରିଥିଲେ ପ୍ରଶଂସା ।