ଫେବୃଆରୀ ୭ରୁ ଆରମ୍ଭ ହେବାକୁ ଯାଉଛି ଟି-୨୦ ବିଶ୍ବକପ୍‌ । ଭାରତ-ଶ୍ରୀଲଙ୍କା ମିଳିତ ଭାବେ ଆଇସିସିର ଏହି ବଡ଼ ଟୁର୍ଣ୍ଣାମେଣ୍ଟ ଆୟୋଜିତ କରିବେ । ତେବେ ଆଗାମୀ ଟି-୨୦ ବିଶ୍ବକପ୍ ପାଇଁ ଦଳ ଘୋଷଣା କରିଛି ପାକିସ୍ତାନ । ସଲମାନ ଅଲ୍ଲୀ ଆଗାଙ୍କ ନେତୃତ୍ବରେ ପଡ଼ିଆକୁ ଓହ୍ଲାଇବ ପାକିସ୍ତାନ ।

ଅଧିନାୟକ ସଲମାନ ଅଲି ଆଗା, ଫହୀମ ଆଶରଫ୍, ଖୱାଜା ନାଫାୟ, ମହମ୍ମଦ ସଲମାନ ମିର୍ଜା, ସାହିବଜାଦା ଫରହାନ ଏବଂ ଉସମାନ ତାରିକ ପ୍ରଥମ ଥର ପାଇଁ ଆଇସିସି ମେଗା ଇଭେଣ୍ଟ ପାଇଁ ମନୋନୀତ ହୋଇଛନ୍ତି । ସେହିପରି ବାବର ଆଜମ, ଶାହିନ ଶାହ ଆଫ୍ରିଦି, ଶାଦାବ ଖାନ, ନସିମ ​​ଶାହ ଏବଂ ଫକର ଜମାନଙ୍କ ଭଳି ଅଭିଜ୍ଞ ଖେଳାଳି ପୂର୍ବରୁ ଟି-୨୦ ବିଶ୍ୱକପରେ ଖେଳିଛନ୍ତି । ଦ୍ରୁତ ବୋଲର ହାରିସ ରୌଫ ଏବଂ ପୂର୍ବତନ ଅଧିନାୟକ ମହମ୍ମଦ ରିଜୱାନଙ୍କୁ ଦଳରେ ସାମିଲ କରାଯାଇ ନାହିଁ ।

୨୦୨୬ ଟି-୨୦ ବିଶ୍ୱକପରେ ମୋଟ ୨୦ ଟି ଦଳ ଅଂଶଗ୍ରହଣ କରିବେ । ପ୍ରତ୍ୟେକ ଦଳ ଚାରୋଟି ଗ୍ରୁପ୍ ମ୍ୟାଚ୍ ଖେଳିବ, ତା’ପରେ ସୁପର ୮ ଏବଂ ନକଆଉଟ୍ ପର୍ଯ୍ୟାୟ ଖେଳିବ । ଏହି ଟୁର୍ଣ୍ଣାମେଣ୍ଟ ଫେବୃଆରୀ ୭ ରୁ ମାର୍ଚ୍ଚ ୮ ପର୍ଯ୍ୟନ୍ତ ଚାଲିବ। ବିଶ୍ୱକପ୍ ପୂର୍ବରୁ, ପାକିସ୍ତାନୀ ଦଳ ଅଷ୍ଟ୍ରେଲିଆ ବିପକ୍ଷରେ ତିନି ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଖେଳିବ, ଯାହାର ମ୍ୟାଚ୍ ଜାନୁଆରୀ ୨୯, ୩୧ ଏବଂ ଫେବୃଆରୀ ୧ ରେ ଲାହୋରରେ ଅନୁଷ୍ଠିତ ହେବ ।

ଟି-୨୦ ବିଶ୍ୱକପ୍ ପାଇଁ ପାକିସ୍ତାନ ଦଳ: ସଲମାନ ଅଲି ଆଗା (ଅଧିନାୟକ), ଅବରାର ଅହମ୍ମଦ, ବାବର ଆଜମ, ଫହୀମ ଆଶରଫ୍, ଫକର ଜମାନ, ଖ୍ବାଜା ନାଫାୟ (ୱିକେଟକିପର), ମହମ୍ମଦ ନୱାଜ, ମହମ୍ମଦ ସଲମାନ ମିର୍ଜା, ନସିମ ​​ଶାହ, ସାହିବଜାଦା ଫରହାନ (ୱିକେଟକିପର), ସୈମ ଆୟୁବ, ଶାହିନ ଶାହ ଆଫ୍ରିଦି, ଶାଦାବ ଖାନ, ଉସମାନ ଖାନ (ୱିକେଟକିପର) ଏବଂ ଉସମାନ ତାରିକ।

ସେପଟେ ଟି-୨୦ ବିଶ୍ବକପକୁ ଆଉ କମ୍‌ ଦିନ ବାକି ଥିଲେ ମଧ୍ୟ ଏବେ ବି ବିବାଦ ଥମିବାର ନାଁ ନେଉନି । ବାଂଲାଦେଶ ବିଶ୍ବକପ୍‌ରୁ ବିଦା ହେବା ପରେ ପାକିସ୍ତାନ ମଧ୍ୟ ଓହରିଯିବାକୁ ଆଇସିସିକୁ ଧମକ ଦେଇଥିଲା । ଏକ ସାମ୍ବାଦିକ ସମ୍ମିଳନୀରେ ସାମ୍ବାଦିକ ସମ୍ମିଳନୀରେ ପାକିସ୍ତାନ କ୍ରିକେଟ୍‌ ବୋର୍ଡ ଅଧ୍ୟକ୍ଷ ମୋହସିନ୍‌ ନକ୍‌ଭୀ କହିଛନ୍ତି, "ଆମ ପ୍ରଧାନମନ୍ତ୍ରୀ ଏବେ ବିଦେଶରେ ଅଛନ୍ତି, ସେ ଫେରିଲେ ଆମେ ତାଙ୍କ ପରାମର୍ଶ ନେବୁ । ସରକାର ଯାହା କହିବେ, ମାନିବୁ ।"

ସେ ଆହୁରି କହିଥିଲେ, "ଯଦି ପାକିସ୍ତାନ କହିବ ବିଶ୍ଵକପ୍ ଖେଳିବ ନାହିଁ । ତାହେଲେ ଆଇସିସିକୁ ୨୨ତମ ଦଳକୁ ସାମିଲ କରିବା ଲାଗି ବିଚାର କରିବାକୁ ପଡ଼ିବ ।" ତେବେ ଚୂଡ଼ାନ୍ତ ନିଷ୍ପତ୍ତି ପାକିସ୍ତାନ ସରକାରଙ୍କ ହାତରେ ବୋଲି ନକ୍‌ଭୀ କହିଥିଲେ ।

ସେ ଆହୁରି କହିଥିଲେ, ପ୍ରତିଟି ପରିସ୍ଥିତିରୁ ବାହାରିବା ଲାଗି ପାକିସ୍ତାନ ପାଖରେ ଅନେକ ବିକଳ୍ପ ଖୋଲା ରହିଛି । ଆମ ପାଖରେ ପ୍ଲାନ୍ ଏ, ପ୍ଲାନ୍ ବି, ପ୍ଲାନ୍ ସି ଓ ପ୍ଲାନ୍ ଡି ରହିଛି । ତେଣୁ ଚିନ୍ତା କରିବାର କୌଣସି କାରଣ ନାହିଁ ବୋଲି କହିଛନ୍ତି ନକ୍‌ଭୀ ।