ଅର୍ଗସ ବ୍ୟୁରୋ : ରାଜକୋଟ ଟେଷ୍ଟର ଦ୍ବିତୀୟ ଦିନରେ ଇଂଲଣ୍ଡ ନିଜର ଦମ ଦେଖାଇଛି । ଭାରତ ତା’ର ପ୍ରଥମ ଇନିଂସରେ ୪୪୫ ରନ କରିଥିବା ବେଳେ ଇଂଲଣ୍ଡ ଗୋଟିଏ ସେସନ୍ସରେ ୨୦୭ ରନ କରି ସ୍ଥିତି ସୁଦୃଢ କରିଛି । ଇଂଲିଶ ଟିମର ଓପନର ବେନ ଡକେଟ ମାତ୍ର ୮୮ ବଲରେ ଶତକ ହାସଲ କରିଛନ୍ତି । ଦ୍ୱିତୀୟ ଦିନର ଖେଳ ଶେଷ ସୁଦ୍ଧା ଇଂଲଣ୍ଡ ୨ ୱିକେଟ ହରାଇ ୨୦୭ ରନ କରିଛି । ଏବେ ଦଳ ଭାରତର ପ୍ରଥମ ଇନିଂସ ସ୍କୋର ଠାରୁ ମାତ୍ର ୨୩୮ ରନ ପଛରେ ରହିଛି ।

ଷ୍ଟମ୍ପ ଅପସାରଣ ବେଳକୁ ବେନ ଡକେଟ ୧୧୮ ବଲରେ ୧୩୩ ଓ ଜୋ ରୁଟ ୧୩ ବଲରେ ୯ ରନ କରି ଅପରାଜିତ ରହିଛନ୍ତି । ବ୍ୟାଟରଙ୍କୁ ସୁହାଉଥିବା ରାଜକୋଟ ପିଚ୍‌ରେ ଇଂଲଣ୍ଡ ଏବେ ବଡ଼ ସ୍କୋର କରିବା ଲକ୍ଷ୍ୟରେ ରହିଛି । ସେପଟେ ପ୍ରଥମ ଦିନରେ ୫ ୱିକେଟ ହରାଇ ୩୨୬ ରନ କରିଥିବା ଭାରତ ଆଜି ରବି ଅଶ୍ୱିନଙ୍କ ୩୭ ଓ ଧ୍ରୁବ ଜୁରେଲ୪୬ ରନ ବଳରେ ୪୪୫ ରନ କରିବାକୁ ସକ୍ଷମ ହୋଇଥିଲା ।

ଏବେ ଦଳ ଭାରତର ପ୍ରଥମ ଇନିଂସ ସ୍କୋର ଠାରୁ ମାତ୍ର ୨୩୮ ରନ ପଛରେ ରହିଛି । ଷ୍ଟମ୍ପ ଅପସାରଣ ବେଳକୁ ବେନ ଡକେଟ ୧୧୮ ବଲରେ ୧୩୩ ଓ ଜୋ ରୁଟ ୧୩ ବଲରେ ୯ ରନ କରି ଅପରାଜିତ ରହିଛନ୍ତି। ବ୍ୟାଟରଙ୍କୁ ସୁହାଉଥିବା ରାଜକୋଟ ପିଚ୍‌ରେ ଇଂଲଣ୍ଡ ଏବେ ବଡ଼ ସ୍କୋର କରିବା ଲକ୍ଷ୍ୟରେ ରହିଛି । ପ୍ରଥମ ଦିନରେ ୫ ୱିକେଟ ହରାଇ ୩୨୬ ରନ କରିଥିବା ଭାରତ ଆଜି ପ୍ରାରମ୍ଭିକ ଝଟକାର ସମ୍ମୁଖୀନ ହୋଇଥିଲା । ନାଇଟ ୱାଚମ୍ୟାନ କୁଲଦୀପ ଯାଦବ ୪ ଓ ଗତକାଲି ୧୧୦ ରନ କରିଥିବା ରବୀନ୍ଦ୍ର ଜାଡେଜା ଏଥିରେ ଆଉ ୨ ରନ ଯୋଡ଼ି ପ୍ୟାଭିଲିୟନ ଫେରିଥିଲେ ।

ଅଧିକ ପଢନ୍ତୁ ଖେଳ ଖବର

ତେବେ ରବି ଅଶ୍ୱିନ(୩୭) ଓ ଧ୍ରୁବ ଜୁରେଲ(୪୬) ସ୍ଥିତି ସମ୍ଭାଳି ୭୭ ରନର ଭାଗିଦାରୀ କରିଥିଲେ । ସେହିପରି ଶେଷ ୱିକେଟ ପାଇଁ ଯଶପ୍ରୀତ ବୁମ୍ରା ଦ୍ରୁତ ୨୬ ରନର ଇନିଂସ ଖେଳିବାରୁ ଭାରତ ୪୪୫ ରନ କରିବାକୁ ସକ୍ଷମ ହୋଇଥିଲା । ଚା’ ପାନ ବିରତୀର ଠିକ ପୂର୍ବରୁ ଭାରତ ଅଲଆଉଟ ହୋଇଯିବାରୁ ଇଂଲଣ୍ଡ ଟିମ ତା’ର ପ୍ରଥମ ଇନିଂସ ଆରମ୍ଭ କରିଥିଲା । ଆରମ୍ଭରୁ ହିଁ ଜ୍ୟାକ କ୍ରାଉଲୀ ଓ ଡକେଟ ଆକ୍ରମଣାତ୍ମକ ବ୍ୟାଟିଂ କରିଥିଲେ । ଦଳର ମୁଖ୍ୟକୋଚ ବ୍ରେଣ୍ଡନ ମ୍ୟାକକୁଲମଙ୍କ ନିକ ନେମ ଅନୁସାରେ ବାଜବଲ କ୍ରିକେଟ ଖେଳୁଥିବା ଇଂଲଣ୍ଡ ଭାରତୀୟ ବୋଲରଙ୍କୁ ସେଟଲ ହେବାକୁ ଦେଇ ନଥିଲା । ଦୁଇ ବ୍ୟାଟର ଦମଦାର ବ୍ୟାଟିଂ କରି ଦଳୀୟ ସ୍କୋରକୁ ୮୯ରେ ପହଞ୍ଚାଇ ଦେଇଥିଲେ । ଡକେଟ ମଧ୍ୟ ନିଜର ଅର୍ଦ୍ଧଶତକ ହାସଲ କରିଥିଲେ । ଏତିକି ବେଳେ ବୋଲିଂ କରିବାକୁ ଆସିଥିଲେ ଅଭିଜ୍ଞ ରବି ଅଶ୍ୱିନ । ସେ ୧୫ ରନ କରିଥିବା କ୍ରାଉଲୀଙ୍କୁ ଆଉଟ କରି ଭାରତକୁ ପ୍ରଥମ ସଫଳତା ଦେଇଥିଲେ ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV