ଟିମ୍ ଇଣ୍ଡିଆର ଷ୍ଟାର ସ୍ପିନର ରବିଚନ୍ଦ୍ରନ ଅଶ୍ବିନୀ । ଗତ ବର୍ଷ ଶେଷରେ, ଅଷ୍ଟ୍ରେଲିଆ ଗସ୍ତ ସମୟରେ ସେ ହଠାତ୍ ଟେଷ୍ଟ କ୍ରିକେଟରୁ ଅବସର ଘୋଷଣା କରିଥିଲେ । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା । ଆଉ ଏବେ ଅଶ୍ୱିନୀ ତାଙ୍କ ଅବସର ପଛର କାରଣ କହିଛନ୍ତି ।

ଟେଷ୍ଟ କ୍ରିକେଟରେ ୧୦୬ଟି ମ୍ୟାଚରେ ୫୩୭ ଓ୍ବିକେଟ ନେଇଥିବା ଅଶ୍ୱିନୀଙ୍କ ଅବସର ନିଷ୍ପତ୍ତିରେ କେବଳ କୋଟି କୋଟି ପ୍ରଶଂସକ ନୁହଁନ୍ତି ବରଂ ତାଙ୍କ ସମଗ୍ର ପରିବାର ଆଶ୍ଚର୍ଯ୍ୟ ହୋଇଯାଇଥିଲେ। ଅଶ୍ୱିନୀ ଅଷ୍ଟ୍ରେଲିଆ ଗସ୍ତର ମଧ୍ୟଭାଗରେ ଭାରତ ଫେରିବା ପରେ କିଛି ଦୃଶ୍ୟ ସାମ୍ନାକୁ ଆସିଥିଲା ​​ଯାହା ଦେଖି ଲାଗୁଥିଲା ଯେ ଅଶ୍ବିନୀ ଏବଂ ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀରଙ୍କ ମଧ୍ୟରେ ସବୁକିଛି ଠିକ୍ ନଥିଲା ।

ଅଶ୍ୱିନ ତାଙ୍କ ୟୁଟ୍ୟୁବ୍ ଚ୍ୟାନେଲରେ କହିଛନ୍ତି, "ମୁଁ ସ୍ୱୀକାର କରୁଛି ଯେ ମୁଁ ବହୁତ ବୟସ୍କ ହୋଇଗଲିଣି, କିନ୍ତୁ ବାରମ୍ବାର ଟୁର୍‌କୁ ଯିବା ଏବଂ ଅଧିକାଂଶ ସମୟ ବାହାରେ ବସିବା ମୋତେ ବହୁତ ହଇରାଣ କରିବା ଆରମ୍ଭ କରିଥିଲା।"

ସେହିପରି ସେ ଆହୁରି କହିଛନ୍ତି, 'ଏହା ନୁହେଁ ଯେ ମୁଁ ଦଳରେ ଯୋଗଦାନ ଦେବାକୁ ଚାହୁଁ ନଥିଲି, କିନ୍ତୁ ମୁଁ ଘରେ ପିଲାମାନଙ୍କ ସହିତ ଅଧିକ ସମୟ ବିତାଇବାକୁ ଚାହୁଁଥିଲି। ମୁଁ ଅନୁଭବ କଲି ଯେ ପିଲାମାନେ ବଡ଼ ହେଉଛନ୍ତି ଏବଂ ମୁଁ ପ୍ରକୃତରେ ଏଠାରେ ବସି କ'ଣ କରୁଛି ? ମୁଁ ଅନୁଭବ କଲି ଯେ ମୁଁ ମୋର ନିଷ୍ପତ୍ତିରେ ଠିକ୍ ଥିଲି। ମୁଁ ସବୁବେଳେ ନିଷ୍ପତ୍ତି ନେଇଥିଲି ଯେ ମୁଁ ୩୪-୩୫ ବର୍ଷ ବୟସରେ ଅବସର ନେବି।'

ଅଶ୍ୱିନୀ ନଭେମ୍ବର ୨୦୧୧ରେ ଟେଷ୍ଟ ଡେବ୍ୟୁ କରିଥିଲେ । ସେ ଭାରତରେ ଖେଳାଯାଇଥିବା ୬୫ଟି ଟେଷ୍ଟରେ ୩୮୩ଟି ଏବଂ ବିଦେଶରେ ୪୦ଟି ଟେଷ୍ଟରେ ୧୫୦ଟି ୱିକେଟ ନେଇଥିଲେ। ୨୦୧୪ ରୁ ୨୦୧୯ ମଧ୍ୟରେ ଟେଷ୍ଟ କ୍ରିକେଟରେ ଭାରତର ପ୍ରାଧାନ୍ୟରେ ଅଶ୍ୱିନଙ୍କର ଏକ ବଡ଼ ଭୂମିକା ଥିଲା ।