IPL ଡିଫେଣ୍ଡିଂ ଚାମ୍ପିଅନ୍‌ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଚଳିତ ସିଜିନ୍‌ରେ ଦମଦାର ପ୍ରଦର୍ଶନ ଜାରି ରଖିଛି । ଏଥର ମଧ୍ୟ ଟାଇଟଲ୍‌ ପାଇଁ RCB କୁ ଦୃଢ଼ ଦାବିଦାର ବୋଲି ବିବେଚନା କରାଯାଉଛି । ଲିଗ୍‌ ପର୍ଯ୍ୟାୟରେ ଆରସିବିର ସମସ୍ତ ମ୍ୟାଚ୍‌ ଶେଷ ହୋଇଛି । ଦଳ ୧୪ ମ୍ୟାଚ୍‌ରୁ ୯ଟି ବିଜୟ ସହିତ ପଏଣ୍ଟ ଟେବୁଲର ପ୍ରଥମ ସ୍ଥାନରେ ରହିଛି । ଏବେ ଆରସିବି ପ୍ଲେଅଫ୍‌ରେ କ୍ୱାଲିଫାୟର୍ ୧ ଖେଳିବ । ତେବେ ଏହି ବଡ଼ ମ୍ୟାଚ୍‌ ପୂର୍ବରୁ ବାଙ୍ଗାଲୋରକୁ ଏକ ବଡ଼ ଝଟକା ଲାଗିଛି । ଆହତ କାରଣରୁ ଇଂଲଣ୍ଡ ଫେରିଛନ୍ତି RCB ର ବିସ୍ଫୋରକ ବ୍ୟାଟ୍ସମ୍ୟାନ୍‌ ଜ୍ୟାକବ୍‌ ବେଥେଲ୍‌ ।

ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ପଞ୍ଜାବ କିଙ୍ଗ୍ସ ମଧ୍ୟରେ ମ୍ୟାଚ୍ ସମୟରେ ଜ୍ୟାକବ୍ ବେଥେଲଙ୍କ ବାମ ଆଙ୍ଗୁଠିରେ ଆଘାତ ଲାଗିଥିଲା । ଡାକ୍ତରୀ ପରୀକ୍ଷା ପରେ, ଜ୍ୟାକବ୍ ଇଂଲଣ୍ଡର ଆଗାମୀ ଟେଷ୍ଟ ସିରିଜ୍ ପୂର୍ବରୁ ଅଧିକ ଯାଞ୍ଚ ପାଇଁ ଇଂଲଣ୍ଡ ଫେରିବେ । RCB ଜ୍ୟାକବ୍ ବେଥେଲଙ୍କର ଶୀଘ୍ର ଆରୋଗ୍ୟ କାମନା କରିଛି ।

ଅଧିକ ପଢ଼ନ୍ତୁ: ୧୫ ବର୍ଷ ପରେ RCB ଟେବୁଲ ଟପର … ଇତିହାସରେ କେତେ ଥର ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ନମ୍ବର ୧ ରେ ରହିଛି?

ଜ୍ୟାକବ୍ ବେଥେଲ୍ ୨୦୨୬ ଆଇପିଏଲରେ ମୋଟ ସାତଟି ମ୍ୟାଚ୍ ଖେଳିଥିଲେ

ସୂଚନା ଅନୁସାରେ, ଫିଲ୍‌ ସଲ୍ଟ ଆହତ ହୋଇ ଇଂଲଣ୍ଡ ଫେରିଯିବା ପରେ ତାଙ୍କ ସ୍ଥାନରେ ପ୍ଲେଇଂ ଇଲେଭେନ୍‌କୁ ଆସିଥିଲେ ଜ୍ୟାକବ୍‌ ବେଥେଲ୍‌ । IPL ୨୦୨୬ରେ ୭ଟି ମ୍ୟାଚ୍‌ ଖେଳିଥିଲେ ବେଥେଲ । ସାତଟି ମ୍ୟାଚ୍‌ରେ ବେଥେଲ୍ ୧୪୦.୫୨ ଷ୍ଟ୍ରାଇକ୍ ରେଟରେ ୧୬୩ ରନ୍ କରିଥିଲେ । ଆଘାତ ଯୋଗୁଁ ବେଥେଲ୍ RCB ର ଶେଷ ଲିଗ୍ ମ୍ୟାଚ୍ ମଧ୍ୟ ଖେଳିପାରିନଥିଲେ ।

🚨 𝙊𝙛𝙛𝙞𝙘𝙞𝙖𝙡 𝘼𝙣𝙣𝙤𝙪𝙣𝙘𝙚𝙢𝙚𝙣𝙩: Jacob Bethell sustained an injury to his left ring finger during our game against PBKS. He will return to England to be assessed ahead of their Test series. ❤️‍🩹

𝙶𝚎𝚝 𝚠𝚎𝚕𝚕 𝚜𝚘𝚘𝚗, 𝙹𝙱! 🫂 𝚆𝚎’𝚕𝚕 𝚖𝚒𝚜𝚜 𝚑𝚊𝚟𝚒𝚗𝚐 𝚢𝚘𝚞… pic.twitter.com/x6ipurfteA

— Royal Challengers Bengaluru (@RCBTweets) May 23, 2026

IPL 2026 ପ୍ଲେଅଫ୍ ମ୍ୟାଚ୍ ୨୬ ମେ’ରେ ଆରମ୍ଭ ହେବ । ପ୍ରଥମ କ୍ୱାଲିଫାୟର ଧର୍ମଶାଳାରେ ଖେଳାଯିବ। ଏଲିମିନେଟର ମେ’ ୨୭ରେ ନ୍ୟୁ ଚଣ୍ଡିଗଡ଼ରେ ଖେଳାଯିବ । ସେହିପରି ଦ୍ୱିତୀୟ କ୍ୱାଲିଫାୟର ମେ’ ୨୯ ରେ ନ୍ୟୁ ଚଣ୍ଡିଗଡ଼ରେ ଖେଳାଯିବ । ଫାଇନାଲ ମ୍ୟାଚ୍ ୩୧ ମେ’ରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଅନୁଷ୍ଠିତ ହେବ ।