ମହିଳା ପ୍ରିମିୟର ଲିଗ୍‌ ୨୦୨୬ରେ ପ୍ରଥମ ବିଜୟ ହାସଲ କରିଛି ୟୁପି ଓ୍ବାରିୟର୍ସ । ପରାଜୟର ହ୍ୟାଟ୍ରିକ୍ ପରେ ହରଲିନ୍ ଦେଓଲ୍ ଶେଷରେ ୟୁପି ଓ୍ବାରିୟର୍ସର ଭାଗ୍ୟ ବଦଳାଇ ଦେଇଛନ୍ତି । ମ୍ୟାଚ୍‌ର ୨୪ ଘଣ୍ଟା ପୂର୍ବରୁ ତାଙ୍କୁ ରାଟାୟାର୍ଡ ଆଉଟ୍‌ କରି ଦିଆଯାଇଥିଲା । ଯାହା ଅନେକ ପ୍ରଶଂସକଙ୍କୁ ଦୁଃଖ ଦେଇଥିଲା । ଆଉ ଏହାର ୨୪ ଘଣ୍ଟା ପରେ ସେ ହିଁ ୟୁପିକୁ ପ୍ରଥମ ବିଜୟ ଭେଟି ଦେଇଥିଲେ । ହରଲିନ୍ ୩୯ ବଲ୍‌ରେ ଅପରାଜିତ ୬୪ ରନ୍ କରିଥିଲେ ଏବଂ ମୁମ୍ବାଇ ଇଣ୍ଡିଆନ୍ସକୁ ୭ ୱିକେଟରେ ପରାସ୍ତ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ ।

ହରଲିନ୍ ଦେଓଲ୍‌ଙ୍କୁ କରିଥିଲେ ରିଟାୟାର୍ଡ ଆଉଟ୍‌

ୟୁପି ୱାରିୟର୍ସ ଜାନୁଆରୀ ୧୪ରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ଏକ ମ୍ୟାଚ୍ ଖେଳିଥିଲେ । ପ୍ରଥମେ ବ୍ୟାଟିଂ କରି ହରଲିନ୍ ଦେଓଲ୍ ୱାରିୟର୍ସ ପାଇଁ ଚମତ୍କାର ବ୍ୟାଟିଂ କରିଥିଲେ । ସେ ୩୬ ବଲରେ ୪୭ ରନ୍ କରିଥିଲେ । କ୍ୟାପ୍ଟେନ୍ ମେଗ୍ ଲାନିଙ୍ଗ୍ ତାଙ୍କୁ ରିଟାୟାର୍ଡ ​​ଆଉଟ୍ କରି କ୍ଲୋଏ ଟ୍ରାଇଅନଙ୍କୁ ବଡ଼ ସଟ୍ ମାରିବାକୁ ସୁଯୋଗ ଦେଇଥିଲେ । କିନ୍ତୁ ୟୁପିର ଯୋଜନା ଓଲଟା ପଡ଼ିଗଲା ଏବଂ ସେମାନେ ୨୦ ଓଭରରେ ୮ ୱିକେଟ ହରାଇ କେବଳ ୧୫୪ ରନ୍ କରିପାରିଲେ । ଆଉ ଏହି ଲକ୍ଷ୍ୟକୁ ଦିଲ୍ଲୀ ୩ ଓ୍ବିକେଟ ହରାଇ ହାସଲ କରି ନେଇଥିଲା । ଭଲ ଖେଳିବା ସତ୍ତ୍ବେ ହରଲିନ୍‌ଙ୍କୁ ରିଟାୟାର୍ଡ ଆଉଟ୍‌ କରିବାକୁ ନେଇ ଅତ୍ୟନ୍ତ ନିରାଶ ଥିଲେ ।

.@imharleenDeol makes a statement with a brilliant half-century.

Will she lead @UPWarriorz towards their first win of TATA WPL 2026? #TATAWPL #MIvUPW 👉 LIVE NOW ➡️ https://t.co/LwcnG8HoeA pic.twitter.com/sM6qRLlM0h

— Star Sports (@StarSportsIndia) January 15, 2026

ୟୁପି ୱାରିୟର୍ସର WPL ୨୦୨୬ରେ ନିରାଶାଜନକ ଥିଲା । ପ୍ରଥମ ତିନୋଟି ମ୍ୟାଚ୍‌ରେ ପରାଜୟର ସ୍ବାଦ ଚାଖିଥିଲା । ତେବେ ଜାନୁଆରୀ ୧୫ ତାରିଖରେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ୧୬୨ ରନର ଲକ୍ଷ୍ୟ ପିଛା କରି ଅଧିନାୟିକା ମେଗ୍ ଲାନିଙ୍ଗ୍ ୨୫ ରନ ଏବଂ କିରଣ ନାଭଗାଇର ୧୦ ରନ କରି ଆଉଟ ହୋଇଥିଲେ । ତା'ପରେ ହରଲିନ୍ ଦେଓଲ ଏକ ଚମତ୍କାର ଇନିଂସ ଖେଳିଥିଲେ । ସେ ୩୯ ବଲରୁ ଅପରାଜିତ ୬୪ ରନ କରିଥିଲେ । ହରଲିନ୍‌ଙ୍କ ଏହି ଦମଦାର ଇନିଂସ ଫଳରେ ୟୁପି ୭ ଓ୍ବିକେଟରେ ବିଜୟୀ ହୋଇଥିଲା । ଯାହା WPL ୨୦୨୬ରେ ସେମାନଙ୍କର ପ୍ରଥମ ବିଜୟ ଥିଲା ।