ରବିବାର ଆଇପିଏଲର ୩୮ ତମ ମ୍ୟାଚ୍‌ରେ ମୁହାଁମୁହିଁ ହୋଇଥିଲେ କୋଲକାତା ନାଇଟ୍‌ ରାଇଡର୍ସ ଓ ଲକ୍ଷ୍ନୌ ସୁପର ଜାଏଣ୍ଟସ୍‌ । ଏହି ମ୍ୟାଚ୍‌ରେ ରିଙ୍କୁ ସିଂହ ଏକ ଚମତ୍କାର ଇନିଂସ ଖେଳି ଏମ୍‌ଏସ୍‌ ଧୋନିଙ୍କ ୧୫ ବର୍ଷର ପୁରୁଣା ରେକର୍ଡ ଭାଙ୍ଗିଛନ୍ତି । ରିଙ୍କୁ ୫୧ ବଲ୍‌ରେ ୮୩ ରନ୍ କରି ଅପରାଜିତ ରହିଥିଲେ, ୭ଟି ଚୌକା ଏବଂ ୫ଟି ଛକା ମାରିଥିଲେ । ସେ ସୁନୀଲ ନାରିନଙ୍କ ସହିତ ୬୨ ରନ୍‌ର ପାର୍ଟନରସିପ୍‌ କରି କେକେଆରକୁ ଏକ ଲଙୁଆ ସ୍କୋରରେ ପହଞ୍ଚାଇଥିଲେ । ରିଙ୍କୁଙ୍କ ୮୩ ରନ୍ ଆଇପିଏଲ୍ ମ୍ୟାଚ୍‌ରେ ୬ ନମ୍ବରରେ ବ୍ୟାଟିଂ କରୁଥିବା ଖେଳାଳିଙ୍କ ସର୍ବାଧିକ ସ୍କୋର ହୋଇଛି । ରିଙ୍କୁଙ୍କ ଏହି ଇନିଂସ ଧୋନିଙ୍କ ରେକର୍ଡ ଭାଙ୍ଗିଛି । ୨୦୧୧ ଆଇପିଏଲ୍‌ରେ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ଚେନ୍ନାଇ ସୁପର କିଙ୍ଗସ୍‌ ପକ୍ଷରୁ ଖେଳୁଥିବା ସମୟରେ ଏମ୍ଏସ୍ ଧୋନିଙ୍କ ୪୦ ବଲ୍‌ରେ ଅପରାଜିତ ୭୦ ରନ୍‌ କରିଥିଲେ ।

First to do it all in a single game 👊💜 pic.twitter.com/8iqShb8kuN

— KolkataKnightRiders (@KKRiders) April 27, 2026

ଲକ୍ଷ୍ନୌରେ ଖେଳାଯାଇଥିବା ଏହି ମ୍ୟାଚ୍‌ରେ ପ୍ରଥମେ ବ୍ୟାଟିଂ କରି କୋଲକାତା ନାଇଟ୍‌ ରାଇଡର୍ସ ନିର୍ଦ୍ଧାରିତ ୨୦ ଓଭରରେ ୧୫୫ ରନ୍‌ କରିଥିଲା । କେକେଆର ପକ୍ଷରୁ ରିଙ୍କୁ ସିଂହ ୫୧ ବଲ୍‌ରେ ୮୩ ରନ୍‌ କରିଥିଲେ । ସେହିପରି ଲକ୍ଷ୍ନୌ ପକ୍ଷରୁ ମୋହସିନ୍‌ ଖାନ୍‌ ୫ ଓ୍ବିକେଟ୍‌ ନେଇଥିଲେ ।

ଅଧିକ ପଢ଼ନ୍ତୁ: ଆଇପିଏଲରେ ହଙ୍ଗାମା…ପଡ଼ିଆରେ ରଘୁବଂଶୀ ସବୁ ସୀମା ପାର କଲେ...ତୁରନ୍ତ ଜରିମାନା ସହ OUT ନିର୍ଦ୍ଦେଶ

୧୫୬ ରନ୍‌ର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ଲକ୍ଷ୍ନୌ ୮ ଓ୍ବିକେଟ୍‌ ବିନିମୟରେ ୧୫୫ ରନ୍‌ ହିଁ କରିପାରିଥିଲା । ଯାହାଫଳରେ ମ୍ୟାଚ୍‌ଟି ଡ୍ର' ହୋଇଥିଲା । ଏହା ପରେ ସୁପର ଓଭର ଖେଳାଯାଇଥିଲା । ସୁପର ଓଭରରେ ଲକ୍ଷ୍ନୌ ପକ୍ଷରୁ ନିକୋଲାସ୍‌ ପୁରନ ଓ ଏଡେନ୍‌ ମାର୍କରାମ୍‌ ଓପନିଂ କରିଥିଲେ । KKR ପକ୍ଷରୁ ସୁନୀଲ ନାରିନ୍‌ ବୋଲିଂ କରିଥିଲେ । ପ୍ରଥମ ବଲ୍‌ରେ ପୁରନ୍‌ ଆଉଟ୍‌ ହୋଇଥିଲେ । ଏହା ପରେ ପନ୍ତ ବ୍ୟାଟିଂ ପାଇଁ ଆସିଥିଲେ । କିନ୍ତୁ ସୁପର ଓଭରରେ ତୃତୀୟ ବଲ୍‌ରେ ମାର୍କରମ ଆଉଟ ହୋଇଥିଲେ । ଯାହାଫଳରେ କୋଲକାତାକୁ ୨ ରନ୍‌ର ଟାର୍ଗେଟ୍‌ ମିଳିଥିଲା । ଆଉ କେକେଆର ପକ୍ଷରୁ ରିଙ୍କୁ ପ୍ରଥମ ବଲ୍‌ରେ ଏକ ୪ ମାରି ବିଜୟ ହାସଲ କରିଥିଲା ।