Indian Cricket News / ରିଷଭ ପନ୍ତ ଅଧିନାୟକ, ଗିଲଙ୍କୁ ମିଳିଲାନି ସ୍ଥାନ: ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚ୍‌ ପାଇଁ ଭାରତୀୟ ଦଳ ଘୋଷଣା

ଭାରତ ଏ ଅକ୍ଟୋବର ୩୦ରୁ ଦକ୍ଷିଣ ଆଫ୍ରିକା ବିପକ୍ଷରେ ଦୁଇଟି ଚାରିଦିନିଆ ମ୍ୟାଚ ଖେଳିବ। ପ୍ରଥମ ମ୍ୟାଚ ଅକ୍ଟୋବର ୩୦ରୁ ନଭେମ୍ବର ୨ ପର୍ଯ୍ୟନ୍ତ ଏବଂ ଦ୍ୱିତୀୟ ମ୍ୟାଚ ୬ ନଭେମ୍ବରରୁ ନଭେମ୍ବର ୯ ପର୍ଯ୍ୟନ୍ତ ଖେଳାଯିବ। କେଏଲ ରାହୁଲ ଏବଂ ମହମ୍ମଦ ସିରାଜ ଦ୍ୱିତୀୟ ମ୍ୟାଚ ପାଇଁ ଦଳରେ ଯୋଗଦେବେ। ଯୁବ ଆୟୁଷ ମହାତ୍ରେଙ୍କୁ ମଧ୍ୟ ଦଳରେ ସାମିଲ କରାଯାଇଛି।

ଏହାସହ ପଢ଼ନ୍ତୁ: ଯଦି ବିଶ୍ଵକପ୍ ଜିତିବାର ଅଛି ତେବେ ଗମ୍ଭୀର-ଅଗରକରଙ୍କୁ ହଟାନ୍ତୁ: ଏଭଳି କାହିଁକି କହିଲେ ସିଦ୍ଧୁ ପାଜୀ?

ପ୍ରଶଂସକଙ୍କ ପାଇଁ ଖୁସି ଖବର ଯେ ରିଷଭ ପନ୍ତ ତାଙ୍କ ଆଘାତରୁ ସମ୍ପୂର୍ଣ୍ଣ ସୁସ୍ଥ ହୋଇସାରିଛନ୍ତି। ସେ ଇଣ୍ଡିଆ ଏ ସହିତ ପଡ଼ିଆକୁ ଫେରିବେ। ପନ୍ତ ଇଂଲଣ୍ଡରେ ଆହତ ହୋଇଥିଲେ। ସେ ପରବର୍ତ୍ତୀ ସମୟରେ ୨୦୨୫ ଏସିଆ କପ ଖେଳିପାରି ନ ଥିଲେ, ଏହା ପରେ, ରିଷଭ ପନ୍ତ ୱେଷ୍ଟଇଣ୍ଡିଜ ବିପକ୍ଷରେ ଦୁଇ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ମଧ୍ୟ ଖେଳିପାରି ନ ଥିଲେ। ସେ ଟିମ ଇଣ୍ଡିଆର ଅଷ୍ଟ୍ରେଲିଆ ଗସ୍ତର ମଧ୍ୟ ଅଂଶ ନୁହଁନ୍ତି।

ପ୍ରଥମ ଚାରି ଦିନିଆ ମ୍ୟାଚ ପାଇଁ ଭାରତ ଏ ଦଳ: ରିଷଭ ପନ୍ତ (ଅଧିନାୟକ ଏବଂ ଉଇକେଟକିପର), ଆୟୁଷ ମାତ୍ରେ, ଏନ ଜଗଦୀସନ (ଉଇକେଟକିପର), ସାଇ ସୁଦର୍ଶନ (ଉପ-ଅଧିନାୟକ), ଦେବଦତ୍ତ ପଡିକ୍କଲ, ରଜତ ପାଟିଦାର, ହର୍ଷ ଦୁବେ, ତନୁଶ କୋଟିଆନ, ମାନବ ସୁଥାର, ଅଂଶୁଲ କାମ୍ବୋଜ, ୟଶ ଠାକୁର, ଆୟୁଷ ବାଡୋନି ଏବଂ ସାରାଂଶ ଜୈନ। 

ଆହୁରି ପଢ଼ନ୍ତୁ : ପର୍ଥରେ ୮ ରନ୍‌ କରି ବଡ଼ ରେକର୍ଡ ନିଜ ନାଁରେ କଲେ ରୋହିତ, ସଚିନ୍‌ଙ୍କୁ ପକାଇଲେ ପଛରେ

ଦ୍ୱିତୀୟ ଚାରି ଦିନିଆ ମ୍ୟାଚ ପାଇଁ ଭାରତ ଏକ ଦଳ: ରିଷଭ ପନ୍ତ (ଅଧିନାୟକ ତଥା ଉଇକେଟ କିପର), କେ.ଏଲ ରାହୁଲ, ଧ୍ରୁବ ଜୁରେଲ (ଉଇକେଟ କିପର), ସାଇ ସୁଦର୍ଶନ (ଭାଇସ କ୍ୟାପ୍ଟେନ୍), ଦେବଦତ୍ତ ପଡ଼ିକ୍କଲ, ରୁତୁରାଜ ଗାଇକ୍ୱାଡ, ହର୍ଷ ଦୁବେ, ତନୁଷ କୋଟିଆନ, ମାନଭ ସୁତାର, ଖଲିଲ ଅହମ୍ମଦ, ଗୁର୍‌ନୁର ବ୍ରାର୍, ଅଭିମନ୍ୟୁ ଏଶ୍ୱରନ୍, ପ୍ରସିଦ୍ଧ କ୍ରିଷ୍ଣା, ମହମ୍ମଦ ସିରାଜ, ଆକାଶ ଦୀପ।