ଗତ ମଙ୍ଗଳବାର ଇଣ୍ଡିଆନ୍‌ ପ୍ରିମିୟର ଲିଗ୍‌ର ୪୦ତମ ମ୍ୟାଚ୍‌ରେ ମୁହାଁମୁହିଁ ହୋଇଥିଲେ ରାଜସ୍ଥାନ ରୟାଲ୍ସ ଓ ପଞ୍ଜାବ କିଙ୍ଗ୍ସ । ଏହି ମ୍ୟାଚ୍‌ରେ ଏକ ବଡ଼ ବିଜୟଲାଭ କରିଥିଲା ରାଜସ୍ଥାନ । ଏହି ବିଜୟ ସତ୍ତ୍ବେ RR ଅଧିନାୟକ ରିୟାନ ପରାଗ ଏକ ବଡ଼ ବିବାଦରେ ଫସିଛନ୍ତି । ପଞ୍ଜାବ କିଙ୍ଗସ୍ ବିପକ୍ଷ ମ୍ୟାଚ୍ ସମୟରେ ପରାଗ ଡ୍ରେସିଂ ରୁମ୍‌ରେ ଭାପ୍ (ଇ-ସିଗାରେଟ୍‌ ପିଉଥିବା) କରୁଥିବା କ୍ୟାମେରାରେ ଧରାପଡ଼ିଥିଲା, ଯାହା ସୋସିଆଲ ମିଡିଆରେ ବେଶ୍‌ ଭାଇରାଲ ହେଉଛି ।

୨୮ ଏପ୍ରିଲରେ ମୁଲାନପୁରର ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମରେ ଖେଳାଯାଇଥିବା ମ୍ୟାଚ୍ ସମୟରେ ଏହି ଘଟଣା ଘଟିଥିଲା। ଆରଆର ଇନିଂସର ୧୬ତମ ଓଭର ସମୟରେ କ୍ୟାମେରା ଡ୍ରେସିଂ ରୁମ୍ ଆଡ଼କୁ ପ୍ୟାନ୍ ହୋଇଥିଲା, ଯେଉଁଠାରେ ପରାଗଙ୍କୁ ଭାପିଂ(Vaping) କରୁଥିବାର ଦେଖାଯାଇଥିଲା । ତାଙ୍କ ପାଖରେ ଠିଆ ହୋଇଥିବା ଯଶସ୍ୱୀ ଜୟସ୍ୱାଲ ପଡ଼ିଆ ଆଡ଼କୁ ଇଙ୍ଗିତ କରୁଥିଲେ ।

Riyan parag was caught vaping in dressing room ,how it's allowed inside dressing room bcci whats happening pic.twitter.com/BsYHuunBuj

— cherry_gems (@Introvert2core) April 28, 2026

ଇଲେକ୍ଟ୍ରୋନିକ୍ ସିଗାରେଟ୍ ନିଷେଧ ଆଇନ ୨୦୧୯ ଅନୁଯାୟୀ ଭାରତରେ ଇ-ସିଗାରେଟ୍ ଏବଂ ଭାପ୍ ଉପକରଣ ସମ୍ପୂର୍ଣ୍ଣ ନିଷିଦ୍ଧ । ଏହା ସହିତ ଷ୍ଟାଡିୟମ ଏବଂ ଡ୍ରେସିଂ ରୁମ୍‌ରେ ଧୂମପାନ କଡ଼ାକଡ଼ି ନିଷିଦ୍ଧ । କିନ୍ତୁ ରିୟାନ ପରାଗ କିପରି ଡ୍ରେସିଂ ରୁମ୍‌ରେ ଏଭଳି କଲେ ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।

ଅଧିକ ପଢ଼ନ୍ତୁ: PBKS ମାଲିକାଣୀ ପ୍ରୀତି ଜିଣ୍ଟା ରାଗିଗଲେ….କହିଲେ…"ମହିଳାମାନେ କାହାର ସମ୍ପତ୍ତି ନୁହନ୍ତି”

ଜାତୀୟ ଗଣମାଧ୍ୟମର ସୂଚନା ଅନୁସାରେ, ବିସିସିଆଇ ଏହି ମାମଲାକୁ ହାଲୁକା ଭାବରେ ନେବ ନାହିଁ ଏବଂ ପରାଗଙ୍କୁ ଜରିମାନା କିମ୍ବା ଅନ୍ୟ କଠୋର କାର୍ଯ୍ୟାନୁଷ୍ଠାନର ସମ୍ମୁଖୀନ ହେବାକୁ ପଡ଼ିପାରେ । ପୂର୍ବରୁ, ରାଜସ୍ଥାନ ରୟାଲ୍ସ ମ୍ୟାନେଜର ରୋମି ଭିଣ୍ଡରଙ୍କୁ PMOA (ଖେଳାଳି ଏବଂ ମ୍ୟାଚ୍ ଅଧିକାରୀ କ୍ଷେତ୍ର) ପ୍ରୋଟୋକଲ ଉଲ୍ଲଂଘନ କରିବା ପାଇଁ ଦଣ୍ଡିତ କରାଯାଇଛି ।

ଯଦି ମ୍ୟାଚ୍‌ ବିଷୟରେ କହିବା ତାହାଲେ ପଞ୍ଜାବ କିଙ୍ଗ୍ସ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୨୨୨ ରନ୍‌ର ବିଶାଳ ସ୍କୋର କରିଥିଲା । ଜବାବରେ ରାଜସ୍ଥାନ ୬ ଓ୍ବିକେଟ୍‌ ହରାଇ ୨୨୩ ରନର ଏକ ବିଶାଳ ଲକ୍ଷ୍ୟ ହାସଲ କରିଥିଲା, ଯାହା ପଞ୍ଜାବ କିଙ୍ଗସର ବିଜୟ ଧାରା ସମାପ୍ତ କରିଥିଲା । ଯଶସ୍ୱୀ ଜୟସ୍ବାଲ ଏବଂ ଡୋନୋଭାନ ଫେରେରା ଅର୍ଦ୍ଧଶତକ ହାସଲ କରିଥିଲେ ।