IPLର ନୂଆ ସିଜିନ୍‌ ଆରମ୍ଭ ହେବାକୁ ଏବେ ବହୁତ ସମୟ ବାକି ରହିଛି । କିନ୍ତୁ ଏବେଠୁ ପ୍ରସ୍ତୁତି ଆରମ୍ଭ ହୋଇସାରିଲାଣି । ଆସନ୍ତା ଡିସେମ୍ବର ମାସରେ ଅନୁଷ୍ଠିତ ହୋଇପାରେ ମିନି ଅକ୍ସନ । ଏଥିପାଇଁ ନଭେମ୍ବର ୧୫ ସୁଦ୍ଧା ସମସ୍ତ ଫ୍ରାଞ୍ଚାଇଜ୍ ସେମାନଙ୍କ ରିଟେନସନ୍ ଲିଷ୍ଟ ଦେବେ ବୋଲି ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି ।

ତେବେ IPLର ପରବର୍ତ୍ତୀ ସିଜିନରେ ଏକ ବଡ଼ ପରିବର୍ତ୍ତନ ଦେଖିବାକୁ ମିଳିପାରେ । ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (RCB)ର ଷ୍ଟାର କ୍ରିକେଟର ବିରାଟ କୋହଲି ଏପର୍ଯ୍ୟନ୍ତ ଫ୍ରାଞ୍ଚାଇଜ୍ ସହିତ ଏକ ବାଣିଜ୍ୟିକ ଚୁକ୍ତି ସ୍ୱାକ୍ଷର କରିନାହାଁନ୍ତି । ଚର୍ଚ୍ଚା ହେଉଛି କି କୋହଲି ଏବଂ ଆରସିବି ଫ୍ରାଞ୍ଚାଇଜ୍‌ ମଧ୍ୟରେ ସବୁକିଛି ଠିକ୍ ନାହିଁ । IPL ଆରମ୍ଭ ହେବା ଦିନଠାରୁ କୋହଲି RCB ସହିତ ଅଛନ୍ତି । IPL ମିନି-ନିଲାମ ପୂର୍ବରୁ କୋହଲିଙ୍କ ନୂତନ ଚୁକ୍ତି ସ୍ୱାକ୍ଷର ନକରିବା କୋହଲିଙ୍କ ଫ୍ରାଞ୍ଚାଇଜ୍ ଛାଡ଼ିବା କିମ୍ବା ଆଇପିଏଲରୁ ଅବସର ନେବା ଚର୍ଚ୍ଚାକୁ ଆହୁରି ଖୋରାକ ଯୋଗାଇଛି ।

ତେବେ ବିଗତ କିଛି ଦିନ ଲାଗିରହିଥିବା ଏହି ଚର୍ଚ୍ଚାକୁ ଖାରଜ କରିଛନ୍ତି ପୂର୍ବତନ ଭାରତୀୟ କ୍ରିକେଟର ମହମ୍ମଦ କୈଫ୍ । ସେ କହିଛନ୍ତି ଯେ RCB ସହିତ ଏକ ବାଣିଜ୍ୟିକ ଚୁକ୍ତି ସ୍ୱାକ୍ଷର କରିବାରେ କୋହଲିଙ୍କ ବିଫଳତା ଏକ ସଙ୍କେତ ହୋଇପାରେ ଯେ ଦଳର ମାଲିକାନା ଖୁବ୍ ଶୀଘ୍ର ପରିବର୍ତ୍ତନ ହୋଇପାରେ । ତାଙ୍କ ୟୁଟ୍ୟୁବ୍ କୈଫ୍ କହିଛନ୍ତି ଯେ କୋହଲି ଆଇପିଏଲରେ କେବେ ବି ଦଳ ପରିବର୍ତ୍ତନ କରିବେ ନାହିଁ ।