ଟିମ୍ ଇଣ୍ଡିଆର ଷ୍ଟାର କ୍ରିକେଟର ରୋହିତ ଶର୍ମାଙ୍କୁ କ୍ରିକେଟରେ ତାଙ୍କର "ଅତୁଳନୀୟ ଅବଦାନ" ଏବଂ "ଉଦାହରଣୀୟ ନେତୃତ୍ୱ" ପାଇଁ ଆଜିଙ୍କ୍ୟ ଡିୱାଇ ପାଟିଲ ବିଶ୍ୱବିଦ୍ୟାଳୟ (ADYPU) ଦ୍ୱାରା ମାନପତ୍ର ଡକ୍ଟରେଟ୍ (ଡି.ଲିଟ୍) ପ୍ରଦାନ କରାଯିବ। ଏହି ସମାବର୍ତ୍ତନ ସମାରୋହ ଶନିବାର, ଜାନୁଆରୀ 24, 2026 ରେ ଅନୁଷ୍ଠିତ ହେବ।

Rohit Sharma said : "Playing in Australia is the most difficult you can ask England about it." 😭😂🔥

bRO just owned England and @TheBarmyArmy 🤣😆🙏 pic.twitter.com/qvXQWMQNe3

— 𝐑𝐮𝐬𝐡𝐢𝐢𝐢⁴⁵ (@rushiii_12) December 21, 2025

ରୋହିତ ପୁଣି ଥରେ ମୁଖ୍ୟ ଅତିଥି ହେବେ

ପୁଣେର ଅଜିଙ୍କ୍ୟ ଡିୱାଇ ପାଟିଲ ବିଶ୍ୱବିଦ୍ୟାଳୟ ବୁଧବାର ଦିନ ଘୋଷଣା କରିଛି ଯେ ଏହାର ଐତିହାସିକ ଦଶମ ସମାବର୍ତ୍ତନ ସମାରୋହ ଏକ ତାରକାଖଚିତ ଘଟଣା ହେବ, ଯେଉଁଥିରେ ରୋହିତ ଶର୍ମା ମୁଖ୍ୟ ଆକର୍ଷଣ ହେବେ। ବିଶ୍ୱବିଦ୍ୟାଳୟର ସଭାପତି ଏବଂ କୁଳପତି ଡକ୍ଟର ଅଜିଙ୍କ୍ୟ ଡିୱାଇ ପାଟିଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମାରୋହରେ ରୋହିତଙ୍କୁ ବିଶ୍ୱ ସ୍ତରରେ କ୍ରୀଡା ଏବଂ ନେତୃତ୍ୱ କ୍ଷେତ୍ରରେ ତାଙ୍କର ସଫଳତା ପାଇଁ ସମ୍ମାନିତ କରାଯିବ।

ଏହାସହ ପଢ଼ନ୍ତୁ: ନାଗପୁରରେ 'ଅଭିଷେକ' ଝଡ଼, ଗୁରୁ ଯୁବରାଜ ସିଂଙ୍କୁ ପଛରେ ପକାଇ କଲେ ବିଶ୍ବ ରେକର୍ଡ

ବିଶ୍ୱବିଦ୍ୟାଳୟ ନିଜର ଦଶମ ସମାବର୍ତନ ଉତ୍ସବରେ ବୁଧବାର ଏହି ସମ୍ମାନ ନେଇ ଘୋଷଣା କରିଛି । ବିଶ୍ୱବିଦ୍ୟାଳୟ କହିଛି ଯେ, ରୋହିତଙ୍କୁ ଫ୍ୟାନ୍ସ ହିଟମ୍ୟାନ୍ ଭାବେ ଜାଣିଛନ୍ତି । ଏବେ ଏହାକୁ ଅନୁଷ୍ଠାନ ଆଉ ଏକ ନୂଆ ରୂପ ଦେବାକୁ ଚାହୁଁଛି । ବିଶ୍ୱବିଦ୍ୟାଳୟର କୂଳପତି କହିଛନ୍ତି ଯେ, ରୋହିତଙ୍କ ଅତୁଳନୀୟ ଅବଦାନକୁ କେହି ଭୁଲିପାରିବେ ନାହିଁ । ସେ ବିଶ୍ୱସ୍ତରରେ ନେତୃତ୍ୱ ନେବାର ପ୍ରତିଭାକୁ ପ୍ରମାଣିତ କରିଛନ୍ତି । ତେଣୁ ସମ୍ମାନସୂଚକ ଡକ୍ଟରେଟ୍ ପ୍ରଦାନ କରି ବିଶ୍ୱବିଦ୍ୟାଳୟ ରୋହିତଙ୍କ ଅବଦାନକୁ ମନେ ପକାଇବ ।

ସୂଚନାଯୋଗ୍ୟ, ରୋହିତ ଏବେ କେବଳ ଦିନିକିଆ ଖେଳୁଛନ୍ତି । ସେ ଟେଷ୍ଟ୍ ଏବଂ ଟି ୨୦ଫର୍ମାଟରୁ ଅବସର ନେଇ ସାରିଛନ୍ତି । ବିଶ୍ୱର ଏକମାତ୍ର ବ୍ୟାଟର ଭାବେ ସେ ଅନ୍ତର୍ଜାତୀୟ ଦିନିକିଆରେ ତିନିଥର ଡବଲ ସେଞ୍ଚୁରୀ ମାରିଛନ୍ତି । ଭାରତୀୟଙ୍କ ମଧ୍ୟରେ ସର୍ବାଧିକ ଶତକ ହାସଲ କରିଥିବା ତୃତୀୟ ବ୍ୟାଟର ହେଲେ ରୋହିତ । ଏହାସହ ଦିନିକିଆ ଫର୍ମାଟରେ ସର୍ବାଧିକ ଛକା ତାଙ୍କ ବ୍ୟାଟରୁ ବାହାରିଛି ।

ଏବେ ହିଟମ୍ୟାନ୍ ନିକଟରେ ନ୍ୟୁଜିଲାଣ୍ଡ ବିପକ୍ଷ ଦିନିକିଆ ସିରିଜ୍ ଖେଳିଥିଲେ । ଏଥିରେ ତାଙ୍କର ପ୍ରଦର୍ଶନ ଖାସ୍ ନଥିଲା । ଏହା ପୂର୍ବରୁ ସେ ଦକ୍ଷିଣ ଆଫ୍ରିକା ଏବଂ ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜରେ ଜବରଦସ୍ତ ପ୍ରଦର୍ଶନ କରିଥିଲେ ।୨୦୨୭ବିଶ୍ୱକପ୍ ପାଇଁ ସେ ପ୍ରସ୍ତୁତ ହେଉଥିବା କୁହାଯାଉଛି। ଯେଉଁଥିପାଇଁ ସେ ନିଜର ଫିଟନେଶ୍ ଉପରେ ଅଧିକ ଧ୍ୟାନ ରଖୁଛନ୍ତି ।