ରୋହିତ ଶର୍ମା । ଟିମ୍ ଇଣ୍ଡିଆର ଷ୍ଟାର ବ୍ୟାଟ୍ସମ୍ୟାନ୍ । ବିଗତ କିଛି ଦିନ ରୋହିତଙ୍କ ବେଶ୍ କଠିନ । ରୋହିତଙ୍କ ଅଧିନାୟକତ୍ବରେ ଭାରତ ଟି-୨୦ ବିଶ୍ବକପ୍ ଓ ଚାମ୍ପିଅନ୍ସ ଟ୍ରଫି ଜିତିବା ପରେ ବି ହଠାତ୍ ତାଙ୍କୁ ଦିନିକିଆ ଅଧିନାୟକ ପଦରୁ ହଟାଇ ଦିଆଯାଇଥିଲା । କେବଳ ଏତିକି ନୁହେଁ ରୋହିତ ଦିନିକିଆରୁ ମଧ୍ୟ ଅବସର ନେଇଯିବା ଦରକାର ବୋଲି ସୋସିଆଲ ମିଡିଆରେ ଅନେକ ତାଙ୍କୁ ଟ୍ରୋଲ୍‌ କଲେ । ଆଉ ଅଷ୍ଟ୍ରେଲିଆ ବିପକ୍ଷ ପ୍ରଥମ ଦିନିକିଆରେ ଶୀଘ୍ର ଆଉଟ୍ ହେବା ପରେ ସମାଲୋଚକମାନେ ପ୍ରବଳ ସମାଲୋଚନା କଲେ । କିନ୍ତୁ ଏତେ ସବୁ ପରେ ମଧ୍ୟ ଭାଙ୍ଗି ପଡ଼ିନଥିଲେ ରୋହିତ । ଶେଷ ଦୁଇ ଦିନିକିଆରେ ସମାଲୋଚକଙ୍କୁ ନିଜ ବ୍ୟାଟ୍‌ ମାଧ୍ୟମରେ ଜବାବ ଦେଇଛନ୍ତି ରୋହିତ । ଯେଉଁମାନେ ଦିନିକିଆରୁ ରୋହିତ ଅବସର ନେଇଯାଆନ୍ତୁ ବୋଲି କହୁଥିଲେ, ସେମାନଙ୍କୁ ସିଡନୀ ମ୍ୟାଚ୍‌ରେ ସେଞ୍ଚୁରୀ କରି ଚୁପ୍‌ କରାଇଛନ୍ତି ।

କେବଳ ଏତିକି ନୁହେଁ ଏହି ସିରିଜ୍‌ରେ ଦମଦାର ପ୍ରଦର୍ଶନ ପାଇଁ ରୋହିତଙ୍କୁ ମ୍ୟାନ୍‌ ଅଫ ଦି ସିରିଜ୍‌ ପୁରସ୍କାର ସହ ସିଡନୀ ମ୍ୟାଚ୍‌ରେ ଶତକ ପାଇଁ ତାଙ୍କୁ ମ୍ୟାନ୍‌ ଅଫ ଦି ମ୍ୟାଚ୍ ପୁରସ୍କାର ମିଳିଛି ।

2️⃣0️⃣2️⃣ runs 👏
2️⃣1️⃣ fours 👌
5️⃣ sixes 👍
A splendid century 💯

For his superb batting, Rohit Sharma is adjudged the Player of the Series! 🔝

Scorecard ▶ https://t.co/omEdJjRmqN#TeamIndia | #3rdODI | #AUSvIND | @ImRo45 pic.twitter.com/Bq2hS8IHLS

— BCCI (@BCCI) October 25, 2025

ସିଡନୀରେ ଅଷ୍ଟ୍ରେଲିଆ ବିପକ୍ଷ ତୃତୀୟ ଦିନିକିଆରେ ଭାରତୀୟ କ୍ରିକେଟ ଦଳର ହିଟମ୍ୟାନ୍ ରୋହିତ ଶର୍ମା ଚମତ୍କାର ପ୍ରଦର୍ଶନ କରିଛନ୍ତି । ୨୩୭ ରନର ଲକ୍ଷ୍ୟକୁ ପିଛା କରି ସେ ୧୧ ଚୌକା ଏବଂ ଦୁଇଟି ଛକା ମାରି ଏକ ମ୍ୟାଚ୍ ବିଜୟୀ ଶତକ ହାସଲ କରିଛନ୍ତି । ସିଡନୀ ମ୍ୟାଚ୍‌ରେ ସେ ଅପରାଜିତ ରହି ୧୨୧ ରନ୍‌ ଦମଦାର ଇନିଂସ ଖେଳିଥିଲେ । ତେବେ ଏହା ରୋହିତ ଶର୍ମାଙ୍କ ODI କ୍ରିକେଟରେ ୩୩ତମ ଶତକ । ରୋହିତ ଏବେ ଅନ୍ତର୍ଜାତୀୟ କ୍ରିକେଟରେ ୫୦ ଶତକ ପୂରଣ କରିଛନ୍ତି ।

ସେପଟେ ଅଷ୍ଟ୍ରେଲିଆ ବିପକ୍ଷରେ ଏହା ରୋହିତ ଶର୍ମାଙ୍କ ODI କ୍ରିକେଟରେ ନବମ ଶତକ । ରୋହିତ ଶର୍ମା ଅଷ୍ଟ୍ରେଲିଆ ବିପକ୍ଷରେ ସର୍ବାଧିକ ODI ଶତକରେ ସଚିନ ତେନ୍ଦୁଲକରଙ୍କ ରେକର୍ଡର ସମକକ୍ଷ ହୋଇଛନ୍ତି । ସଚିନ ଏବଂ ରୋହିତ ଉଭୟଙ୍କ ODIରେ ଅଷ୍ଟ୍ରେଲିଆ ବିପକ୍ଷରେ ୯ଟି ଶତକ ଅଛି।

ସିଡନୀରେ ଅଷ୍ଟ୍ରେଲିଆ ବିପକ୍ଷରେ ରୋହିତ ଶର୍ମା ୧୦୫ ବଲ୍‌ରେ ୧୧ ଚୌକା ଏବଂ ଦୁଇଟି ଛକା ସହାୟତାରେ ଶତକ ହାସଲ କରିଥିଲେ । ଏହା ହିଟମ୍ୟାନଙ୍କ ODIରେ ୩୩ତମ ଶତକ। ତାଙ୍କର ଟେଷ୍ଟରେ ୧୨ଟି ଏବଂ T20 ଆନ୍ତର୍ଜାତୀୟରେ ପାଞ୍ଚଟି ଶତକ ଅଛି । ଏହାସହ ରୋହିତ ଅନ୍ତର୍ଜାତୀୟ କ୍ରିକେଟରେ ୫୦ତମ ଶତକ ହାସଲ କରିଛନ୍ତି । ଏହା ସହ ସେ ଅନ୍ତର୍ଜାତୀୟ କ୍ରିକେଟର ତିନୋଟି ଫର୍ମାଟରେ ପାଞ୍ଚ କିମ୍ବା ତା’ଠାରୁ ଅଧିକ ଶତକ ମାରିଥିବା ବିଶ୍ୱର ଏକମାତ୍ର ବ୍ୟାଟସମ୍ୟାନ୍ ହୋଇଛନ୍ତି ।

ସେହିପରି ଏହା ଅଷ୍ଟ୍ରେଲିଆରେ ରୋହିତ ଶର୍ମାଙ୍କ ଷଷ୍ଠ ଏକଦିବସୀୟ ଶତକ । ଏହା ସହିତ ହିଟମ୍ୟାନ୍ ଏବେ ଅଷ୍ଟ୍ରେଲିଆରେ ଜଣେ ଭ୍ରମଣକାରୀ ବ୍ୟାଟସମ୍ୟାନଙ୍କ ଦ୍ୱାରା ସର୍ବାଧିକ ଏକଦିବସୀୟ ଶତକ ହାସଲ କରିଛନ୍ତି । ରୋହିତ ତାଙ୍କର ୩୩ତମ ଇନିଂସରେ ଅଷ୍ଟ୍ରେଲିଆ ବିପକ୍ଷରେ ଷଷ୍ଠ ଶତକ ହାସଲ କରିଛନ୍ତି । ପୂର୍ବରୁ, ଏହି ରେକର୍ଡ ଭାରତର କିମ୍ବଦନ୍ତୀ ବ୍ୟାଟସମ୍ୟାନ୍ ବିରାଟ କୋହଲିଙ୍କ ନାମରେ ଥିଲା । ବିରାଟ ଅଷ୍ଟ୍ରେଲିଆରେ ୩୨ଟି ଏକଦିବସୀୟ ଇନିଂସରେ ପାଞ୍ଚଟି ଶତକ ହାସଲ କରିଛନ୍ତି ।