Rohit Sharma funny moment / ଟସ୍ ପୂର୍ବରୁ ପଡ଼ିଆରେ ଡ୍ରାମା, ସୂର୍ଯ୍ୟଙ୍କୁ ରୋହିତ କହିଲେ —“ତୁମେ ପାଗଳ କି?”

ଶନିବାରଠୁ ଆରମ୍ଭ ହୋଇଛି ଆଇସିସି ଟି-୨୦ ବିଶ୍ବକପ୍‌ । ୨୦୨୪ରେ ଖେଳାଯାଇଥିବା ଟି-୨୦ ବିଶ୍ବକପ୍‌ରେ ଭାରତ ରୋହିତ ଶର୍ମାଙ୍କ ନେତୃତ୍ବରେ ଭାରତ ବିଶ୍ବକପ୍‌ ଟ୍ରଫି ଜିତିଥିଲା । କିନ୍ତୁ ଏଥର ଅଲଗା ରୋଲ୍‌ରେ ରୋହିତ । ଆଇସିସି ଟି-୨୦ ବିଶ୍ବକପ୍‌ ୨୦୨୬ରେ ରୋହିତଙ୍କୁ ଆମ୍ବାସଡର ନିଯୁକ୍ତି କରିଛି ।

ଶନିବାର ମୁମ୍ବାଇର ଓ୍ବାଙ୍ଖଡେ ଷ୍ଟାଡିୟମରେ ଖେଳାଯାଇଥିବା ଭାରତ ବନାମ ଆମେରିକା ମ୍ୟାଚ୍ ପୂର୍ବରୁ ସେ ଟ୍ରଫି ସହିତ ପଡ଼ିଆରେ ପହଞ୍ଚିଥିଲେ । ତାଙ୍କ ଅଧିନାୟକତ୍ୱରେ ଭାରତ ଗତ ବିଶ୍ୱକପ୍ ଜିତିଥିଲା, ଯେଉଁଥିରେ ବର୍ତ୍ତମାନର ଅଧିନାୟକ ସୂର୍ଯ୍ୟକୁମାର ଯାଦବ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ଶନିବାର ମ୍ୟାଚ୍ ପୂର୍ବରୁ ସୂର୍ଯ୍ୟ ରୋହିତଙ୍କ ପାଖକୁ ଏକ ପ୍ରଶ୍ନ ନେଇ ପହଞ୍ଚିବା ପରେ, ରୋହିତ ତାଙ୍କୁ ମଜାଳିଆ ଢଙ୍ଗରେ ଏମିତି କିଛି କହିଥିଲେ ଯାହା ଏବେ ସୋସିଆଲ ମିଡିଆରେ ବେଶ୍‌ ଭାଇରାଲ ହେଉଛି ।

ୱାଙ୍ଖଡେରେ ଅନୁଷ୍ଠିତ ଏହି ମ୍ୟାଚ୍‌ରେ, ରୋହିତ ଶର୍ମା ICC ଅଧ୍ୟକ୍ଷ ଜୟ ଶାହଙ୍କ ସହିତ ଟ୍ରଫି ଉନ୍ମୋଚନ କରିଥିଲେ । ସେ ଭାରତୀୟ ଖେଳାଳିମାନଙ୍କ ସହିତ ମଧ୍ୟ ସାକ୍ଷାତ କରିଥିଲେ । ଟସ୍ ସମୟରେ, ରୋହିତ ଶର୍ମା ପଡ଼ିଆ ଛାଡିବା ସମୟରେ ଭାରତୀୟ ଅଧିନାୟକ ସୂର୍ଯ୍ୟକୁମାର ଯାଦବ ତାଙ୍କ ପାଖକୁ ଦୌଡ଼ି ଯାଇ କହିଥିଲେ, "ଜଲଦି କୁହ, ମୁଁ ପ୍ରଥମେ ବ୍ୟାଟିଂ କରିବି ନା ବୋଲିଂ କରିବି ?" ରୋହିତ ଏହା ଶୁଣି ଆଶ୍ଚର୍ଯ୍ୟ ହୋଇ କହିଲେ, "ତୁମେ ପାଗଳ କି ? ବୋଲିଂ କର ।" ସୂର୍ଯ୍ୟ ଏହା ଶୁଣି ହସିବାକୁ ଲାଗିଲେ ।

ଏହା ପରେ ରୋହିତ ଶର୍ମା ସମସ୍ତ ଟିମ୍ ଇଣ୍ଡିଆ ଖେଳାଳିଙ୍କୁ ଆଲିଙ୍ଗନ କରିଥିଲେ । ସେ ସିରାଜଙ୍କୁ ଦଳରେ ସାମିଲ ହେବା ପାଇଁ ଅଭିନନ୍ଦନ ଜଣାଇଲେ ଏବଂ ଇଶାନ କିଶାନଙ୍କୁ ତାଙ୍କର ପୂର୍ବ ପ୍ରଦର୍ଶନ ପାଇଁ ପ୍ରଶଂସା ମଧ୍ୟ କଲେ । ଯେତେବେଳେ ଭାରତୀୟ ଖେଳାଳିମାନେ ଡ୍ରେସିଂ ରୁମ୍ ବାଲକୋନିରେ ଥିଲେ ଏବଂ ରୋହିତ ତଳେ ଥିଲେ, ସେ ଖେଳାଳିମାନଙ୍କୁ କହିଲେ, "ଏହା ଅଦ୍ଭୁତ ଲାଗୁଛି, ସେଠାରୁ ଅଦ୍ଭୁତ ଲାଗୁନାହିଁ କି ?
ରୋହିତ ଶର୍ମାଙ୍କ ଅଧିନାୟକତ୍ୱରେ, ଭାରତ ଟି-୨୦ ବିଶ୍ୱକପ୍ ଗତ ସଂସ୍କରଣରେ ସମସ୍ତ ଆଠଟି ମ୍ୟାଚ୍ ଜିତିଥିଲା । ଏହା ସହ ୨୦୦୭ ପରେ ଦ୍ବିତୀୟ ଥର ପାଇଁ ବିଶ୍ବକପ୍‌ ଟ୍ରଫି ମଧ୍ୟ ଜିତିଥିଲା ।

ଶନିବାର ଭାରତ-USA ମଧ୍ୟରେ ମ୍ୟାଚ୍ ଖେଳାଯାଇଥିଲା । ଏହି ଭାରତ ୨୯ ରନ୍‌ରେ ଆମେରିକାକୁ ପରାସ୍ତ କରିଥିଲା । ପ୍ରଥମେ ବ୍ୟାଟିଂ କରି ଭାରତ ୧୬୧ ରନ କରିଥିଲା । ଗୋଟିଏ ସମୟରେ ଏପରି ଲାଗୁଥିଲା ଯେପରି ୧୦୦ ରନ ମଧ୍ୟ କଷ୍ଟକର ହେବ । କିନ୍ତୁ ସୂର୍ଯ୍ୟକୁମାର ଯାଦବଙ୍କ ଦମଦାର ୮୪ ରନ୍‌ ବଳରେ ଭାରତ ୧୬୧ ରନ୍‌ କରିଥିଲା ।