ଚଳିତ ଆଇପିଏଲରେ ଦମଦାର ପ୍ରଦର୍ଶନ ଜାରି ରଖିଛି ରାଜସ୍ଥାନ ରୟାଲ୍ସ । ଏପର୍ଯ୍ୟନ୍ତ RR ୪ଟି ମ୍ୟାଚ୍‌ ଖେଳିଥିବା ବେଳେ ସମସ୍ତ ମ୍ୟାଚ୍‌ରେ ବିଜୟଲାଭ କରିଛି । ଏଥିସହ ଆଇପିଏଲ ପଏଣ୍ଟ ଟେବୁଲରେ ନମ୍ବର-୧ ସ୍ଥାନରେ ରହିଛି । କିନ୍ତୁ ଏ ସବୁ ମଧ୍ୟରେ ଏକ ବଡ଼ ବିବାଦରେ ଫସିଛି ରାଜସ୍ଥାନ ।

ଶୁକ୍ରବାର ଗୌହାଟୀରେ ମୁହାଁମୁହିଁ ହୋଇଥିଲେ ରାଜସ୍ଥାନ ଓ ବାଙ୍ଗାଲୋର । ଏହି ମ୍ୟାଚ୍‌ରେ ବୈଭବ ମାତ୍ର ୨୬ ବଲ୍‌ରେ ୭୮ ରନ୍‌ କରିଥିଲେ । କିନ୍ତୁ ଏହି ମ୍ୟାଚ୍‌ ପରେ ବୈଭବଙ୍କ ସହ ତାଙ୍କ ଟିମ୍‌ ମ୍ୟାନେଜରଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ରାଜସ୍ଥାନ ଦଳର ମ୍ୟାନେଜର ଡଗ୍ଆଉଟରେ ମୋବାଇଲ୍ ଫୋନ୍ ବ୍ୟବହାର କରୁଥିବାର ଦେଖାଯାଇଥିଲା, ଯାହା ପ୍ରଶଂସକଙ୍କ ମଧ୍ୟରେ ପ୍ରଶ୍ନ ଉଠାଇଥିଲା ଯେ ଏହା ଅନୁମତିପ୍ରାପ୍ତ କି ନାହିଁ । ଯଦି ଡଗ୍‌ଆଉଟ୍‌ରେ ଫୋନ୍‌ ଚଳାଇବା ନିୟମ ନାହିଁ ତେବେ ତେବେ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯିବ କି ନାହିଁ ।

ବୈଭବ ସୂର୍ଯ୍ୟବଂଶୀ ତାଙ୍କ ସହିତ ବସି ତାଙ୍କ ଫୋନ୍ ବ୍ୟବହାର କରୁଥିଲେ

ରାଜସ୍ଥାନ ରୟାଲ୍ସର ଇନିଂସର ୧୧ତମ ଓଭର ସମୟରେ, ଯେତେବେଳେ କ୍ୟାମେରା ଦଳର ଡଗ୍ଆଉଟ୍ ଆଡ଼କୁ ଗଲା । ସେ ସମୟରେ ମ୍ୟାନେଜର ରୋମି ଭିଣ୍ଡରଙ୍କୁ ତାଙ୍କ ମୋବାଇଲ୍ ଫୋନ୍ ବ୍ୟବହାର କରୁଥିବାର ଦେଖାଯାଇଥିଲା । ବୈଭବ ସୂର୍ଯ୍ୟବଂଶୀ ମଧ୍ୟ ତାଙ୍କ ସହିତ ବସି ତାଙ୍କ ଫୋନ୍ ମଧ୍ୟ ଦେଖୁଥିଲେ । ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା, ଏବଂ ପ୍ରଶଂସକମାନେ ଏହାକୁ ଆଇପିଏଲ ନିୟମର ଉଲ୍ଲଂଘନ ବୋଲି କହୁଛନ୍ତି। ନିୟମ ଅନୁସାରେ, ଟିମ୍ ମ୍ୟାନେଜରମାନେ ଡ୍ରେସିଂ ରୁମ୍ ଅଞ୍ଚଳରେ ସେମାନଙ୍କ ଫୋନ୍ ବ୍ୟବହାର କରିପାରିବେ, କିନ୍ତୁ ଡଗ୍ଆଉଟରେ ନୁହେଁ ।

This is COMPLETELY A NO NO. WHERE WAS ANTI CORRUPTION 😳 https://t.co/6za4cvc6gm

— Lalit Kumar Modi (@LalitKModi) April 11, 2026

ଆଇପିଏଲ ଆଚରଣ ସଂହିତାରେ ଖେଳାଳି ଏବଂ ସହାୟକ କର୍ମଚାରୀଙ୍କ ପାଇଁ କଠୋର ନିୟମ ଅଛି । କେବଳ ନିଯୁକ୍ତ ବିଶ୍ଳେଷକମାନେ ମ୍ୟାଚ୍ ସମ୍ବନ୍ଧୀୟ ତଥ୍ୟ ପାଇଁ କମ୍ପ୍ୟୁଟର ପରିଚାଳନା କରିପାରିବେ । ତେଣୁ, ରାଜସ୍ଥାନ ରୟାଲ୍ସର ପରିଚାଳକଙ୍କ ଫୋନ୍ ବ୍ୟବହାର ନିୟମର ଉଲ୍ଲଂଘନ ପରି ମନେହୁ ଏ। ପୂର୍ବତନ ଆଇପିଏଲ ଅଧ୍ୟକ୍ଷ ଲଳିତ ମୋଦି ମଧ୍ୟ ଏ ବିଷୟରେ ପ୍ରଶ୍ନ ଉଠାଇଛନ୍ତି ।


ପୂର୍ବତନ ଆଇପିଏଲ ଅଧ୍ୟକ୍ଷ ଲଳିତ ମୋଦି ମଧ୍ୟ ଏହି ବିଷୟରେ ପ୍ରତିକ୍ରିୟା ପ୍ରକାଶ କରିଛନ୍ତି। ସେ ତାଙ୍କ 'X' ଆକାଉଣ୍ଟରେ ଭିଡିଓକୁ ରିଟ୍ୱିଟ୍ କରି ପ୍ରଶ୍ନ ଉଠାଇଛନ୍ତି। ସେ ଲେଖିଛନ୍ତି, "ଏହା ସମ୍ପୂର୍ଣ୍ଣ ନିଷିଦ୍ଧ। ଦୁର୍ନୀତି ନିବାରଣ ୟୁନିଟ୍ କେଉଁଠି ଥିଲା ?" ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବା ପରେ ଆଶା କରାଯାଉଛି ଯେ ଦୁର୍ନୀତି ନିବାରଣ ଏବଂ ସୁରକ୍ଷା, ମ୍ୟାଚ୍ ରେଫରି ଏହି ବିଷୟ ସମୀକ୍ଷା କରିପାରନ୍ତି । ତେବେ ଏହି ମାମଲାର ସମୀକ୍ଷା କରି କି ପଦକ୍ଷେପ ନିଆଯାଉଛି ତାହା ଉପରେ ସମସ୍ତଙ୍କ ନଜର ରହିଛି ।