ଚର୍ଚ୍ଚାରେ ବିହାରର ଗୋପାଳଗଞ୍ଜ ଜିଲ୍ଲାର ଯୁବ ଦ୍ରୁତ ବୋଲର ସାକିବ୍ ହୁସେନ । ଇଣ୍ଡିଆନ ପ୍ରିମିୟର ଲିଗ୍ (IPL)ରେ ନିଜର ପ୍ରଥମ ମ୍ୟାଚ୍ ଖେଳି ଲାଇମଲାଇଟକୁ ଆସିଛନ୍ତି । ହାଇଦ୍ରାବାଦ ପାଇଁ ଖେଳୁଥିବା ସାକିବ୍ ରାଜସ୍ଥାନ ବିପକ୍ଷରେ ତାଙ୍କର ଡେବ୍ୟୁ ମ୍ୟାଚରେ ଘାତକ ବୋଲିଂ କରିଛନ୍ତି ଏବଂ ୪ ଓଭରରେ ମାତ୍ର ୨୪ ରନ ଦେଇ ୪ଟି ୱିକେଟ ନେଇଛନ୍ତି । ଯଶସ୍ୱୀ ଜୈସୱାଲଙ୍କଠାରୁ ଡୋନୋଭାନ ଫରେରା, ଜୋଫ୍ରା ଆର୍ଚର ଏବଂ ରବି ବିଷ୍ନୋଇ ଭଳି ଖେଳାଳି ସାକିବଙ୍କ ଶିକାର ହୋଇଛନ୍ତି।
- ଡେବ୍ୟୁ ମ୍ୟାଚରେ ରଚିଲେ ଇତିହାସ
ବିହାରର ଅଧିନାୟକ ଇଶାନ କିଷାନ ତାଙ୍କ ବୋଲରଙ୍କ ଦକ୍ଷତାକୁ ଚିହ୍ନି ଡେବ୍ୟୁ ମ୍ୟାଚ୍ ଖେଳୁଥିବା ସାକିବଙ୍କ ଉପରେ ଆତ୍ମବିଶ୍ୱାସ ଦେଖାଇ ତାଙ୍କୁ ଉତ୍ସାହିତ କରିଥିଲେ । ସାକିବ ହୁସେନ ତାଙ୍କ ଚାରି ଓଭରରେ ଚାରିଟି ଗୁରୁତ୍ୱପୂର୍ଣ୍ଣ ୱିକେଟ୍ ନେଇଥିଲେ, ମାତ୍ର ୨୪ ରନ୍ ଦେଇଥିଲେ, ଯେଉଁଥିରେ ୧୪ଟି ଡଟ୍ ବଲ୍ ମଧ୍ୟ ଥିଲା । ପ୍ରତି ଓଭରରେ ମାତ୍ର ୬.୦୦ ରନର ପ୍ରଭାବଶାଳୀ ଇକୋନୋମି ହାରରେ ବୋଲିଂ କରି ସେ ଫର୍ମରେ ଥିବା ଯଶସ୍ୱୀ ଜୈସୱାଲଙ୍କୁ ମଧ୍ୟ ଆଉଟ୍ କରିଥିଲେ ।
- ନଥିଲା ଜୋତା, ମା ବିକିଥିଲେ ଗହଣା
ଆଇପିଏଲରେ ନିଜର ଦକ୍ଷତା ପ୍ରଦର୍ଶନ କରିବା ପରେ ସାକିବ ହୁସେନଙ୍କର ଏକ ପୁରୁଣା ଭିଡିଓ ଭାଇରାଲ ହେଉଛି ଯେଉଁଥିରେ ସେ କହୁଛନ୍ତି, "ସ୍ପାଇକ୍ସର ମୂଲ୍ୟ ୧୦,୦୦୦-୧୫,୦୦୦ ଟଙ୍କା ଥିଲା, ତେଣୁ ମୁଁ ସେଗୁଡ଼ିକୁ ପୂର୍ବରୁ କେଉଁଠାରୁ କିଣି ପାରିଥାନ୍ତି ?" ସେହି ଭିଡିଓରେ ସେ କହୁଛନ୍ତି, "ମୋ ବାପା ଜଣେ ଚାଷୀ ଏବଂ ତାଙ୍କର ଗୋଡ଼ରେ ଆଘାତ ଲାଗିଛି । ମୁଁ ସେନାରେ ଯୋଗ ଦେବାକୁ ଚାହୁଁଥିଲି ।" ସେ ପୂର୍ବରୁ ଟେନିସ୍ ବଲ୍ କ୍ରିକେଟ୍ ଖେଳୁଥିଲେ ଏବଂ ଏଥିରୁ ଟଙ୍କା ରୋଜଗାର କରୁଥିବା କଥା କହିଛନ୍ତି ।
- IPLରେ ଖେଳିବାକୁ କରୁଥିଲେ ଉଦ୍ୟମ
ସାକିବଙ୍କ ମାଆଙ୍କ ଏକ ଭିଡିଓ ମଧ୍ୟ ସାମ୍ନାକୁ ଆସିଛି, ଯେଉଁଥିରେ ସେ କହୁଛନ୍ତି ଯେ ସାକିବ ଦିନେ କାନ୍ଦି କାନ୍ଦି ଘରକୁ ଫେରି ଆସିଥିଲେ । ଜୋତା ଏବଂ ସ୍ପାଇକ୍ସ କିପରି କିଣିବେ ବୋଲି ଭାବୁଥିଲେ । ତା'ପରେ ସାକିବଙ୍କ ମାଆ ତାଙ୍କର ଅଳଙ୍କାର ବିକ୍ରି କରି ତାଙ୍କ ପାଇଁ ସ୍ପାଇକ୍ସ କିଣିଥିଲେ ବୋଲି କହିଛନ୍ତି । ସାକିବ IPL ଖେଳିବାକୁ ବହୁ ଉଦ୍ୟମ କରୁଥିଲେ । ଯେତେବେଳେ ତାଙ୍କର ପ୍ରଶିକ୍ଷକ ରବିନ ସିଂହ ତାଙ୍କୁ ଆଇପିଏଲରେ ଖେଳିବାକୁ ଅଫର୍ ଆସିଛି, ସେତେବେଳେ ସେ ବିଶ୍ଵାସ କରିପାରିନଥିବା କହିଛନ୍ତି ।
ପଢନ୍ତୁ ଏହି ଖବର: ପ୍ରଫୁଲ ହିଙ୍ଗେ କିଏ ? ପ୍ରଥମ ଓଭର୍ରେ ୩ ୱିକେଟ୍ ନେଇ ରଚିଲେ ଇତିହାସ- ବିହାର କ୍ରିକେଟର ଚର୍ଚ୍ଚିତ ଚେହେରା ସାକିବ୍
ବିହାର କ୍ରିକେଟ ଆସୋସିଏସନ ସାକିବଙ୍କ ଐତିହାସିକ ସଫଳତାରେ ଗର୍ବ ପ୍ରକାଶ କରିଛି । ବିହାର କ୍ରିକେଟ ଆସୋସିଏସନର ସଭାପତି ହର୍ଷବର୍ଦ୍ଧନ ତିୱାରୀ କହିଛନ୍ତି, "ସାକିବଙ୍କ ପ୍ରଦର୍ଶନ ବିହାର ପାଇଁ ଏକ ସକାରାତ୍ମକ ସଙ୍କେତ । ଏହା ପ୍ରମାଣିତ କରେ ଯେ ଆମ ରାଜ୍ୟର ଖେଳାଳିମାନେ ବଡ଼ ମଞ୍ଚରେ ଚମକ ଦେଖାଇବାର ସମ୍ଭାବନା ରଖିଛନ୍ତି ।" ସେହିପରି ବିହାର କ୍ରିକେଟ ଆସୋସିଏସନର ସଚିବ ଜିଆଉଲ ଆରଫିନ ମଧ୍ୟ କହିଛନ୍ତି, "ସାକିବଙ୍କ କଠିନ ପରିଶ୍ରମ ଏବଂ ଶୃଙ୍ଖଳା ଭବିଷ୍ୟତରେ ବିହାରର ଅନ୍ୟ ଯୁବ ଖେଳାଳିମାନଙ୍କ ପାଇଁ ଏକ ମହାନ ପ୍ରେରଣା ହେବ ।"
- କେମିତି ଥିଲା ସାକିବଙ୍କ ସଂଘର୍ଷ ?
ମଧ୍ୟବିତ୍ତ ପରିବାରରୁ ଆସିଥିବା ସାକିବଙ୍କର ଏକ ଚ୍ୟାଲେଞ୍ଜିଂ ଏବଂ ପ୍ରେରଣାଦାୟକ ଯାତ୍ରା ଚର୍ଚ୍ଚାକୁ ଆସିଛି । ଗୋପାଳଗଞ୍ଜର ରାସ୍ତାରୁ IPL ପର୍ଯ୍ୟନ୍ତ ତାଙ୍କର ନିରନ୍ତର କଠିନ ପରିଶ୍ରମର ଫଳ । ବୈଭବ ସୂର୍ଯ୍ୟବଂଶୀଙ୍କ ପରେ ସାକିବଙ୍କ ପ୍ରଦର୍ଶନ କେବଳ ହାଇଦ୍ରାବାଦ ପାଇଁ ନୁହେଁ ବରଂ ବିହାର କ୍ରିକେଟ ପାଇଁ ମଧ୍ୟ ବହୁତ କିଛି କହିଥାଏ । ସାକିବ ଏହି ସିଜନରେ ରଣଜୀ ଟ୍ରଫିରେ ମଧ୍ୟ ଚମତ୍କାର ପ୍ରଦର୍ଶନ କରିଥିଲେ । ସେ ଅରୁଣାଚଳ ପ୍ରଦେଶ ବିପକ୍ଷରେ ୪୧ ରନ ଦେଇ ୬ ୱିକେଟ୍ ନେଇ କ୍ୟାରିୟରର ସର୍ବୋତ୍ତମ ପ୍ରଦର୍ଶନ କରିଥିଲେ । କିନ୍ତୁ ରାଜସ୍ଥାନ ବିପକ୍ଷରେ ତାଙ୍କର ବଡ଼ ପ୍ରଦର୍ଶନ ହିଁ ଭବିଷ୍ୟତରେ କ୍ରିକେଟ ଜଗତରେ ତାଙ୍କ ସ୍ଥାନକୁ ସୁଦୃଢ଼ କରିବ ବୋଲି ଆଶା କରାଯାଉଛି ।
