ଭାରତୀୟ ମହିଳା ଦଳ ଓପନିଂ ବ୍ୟାଟ୍ସମ୍ୟାନ୍ ସ୍ମୃତି ମନ୍ଧାନା ନୂଆ ଇତିହାସ ସୃଷ୍ଟି କରିଛନ୍ତି । ସେ ଦିନିକିଆ କ୍ରିକେଟରେ ଟିମ୍ ଇଣ୍ଡିଆ ପାଇଁ ଦ୍ରୁତତମ ଶତକ ହାସଲ କରି ବିରାଟ କୋହଲିଙ୍କ ରେକର୍ଡ ଭାଙ୍ଗିଛନ୍ତି । ସେ ଅଷ୍ଟ୍ରେଲିଆ ବିପକ୍ଷ ତୃତୀୟ ଦିନିକିଆରେ ମାତ୍ର ୫୦ ବଲ୍‌ରେ ଶତକ ହାସଲ କରିଥିଲେ । ସୂଚନା ଅନୁସାରେ, ଭାରତ ପାଇଁ ପୁରୁଷ ଏବଂ ମହିଳା ଉଭୟ ଦିନିକିଆ ଫର୍ମାଟରେ ଦ୍ରୁତତମ ଶତକ ହାସଲ କରିବାର ରେକର୍ଡ ପୂର୍ବରୁ ବିରାଟ କୋହଲିଙ୍କ ନାମରେ ଥିଲା । ଯିଏ ୨୦୧୩ରେ ମାତ୍ର ୫୨ ବଲ୍‌ରେ ଶତକ ହାସଲ କରିଥିଲେ।
ସ୍ମୃତି ମନ୍ଧାନା ପୁରୁଷ ଏବଂ ମହିଳା କ୍ରିକେଟ୍ ଉଭୟରେ ଭାରତ ପାଇଁ ଶତକ ହାସଲ କରିଥିବା ସବୁଠାରୁ ଦ୍ରୁତତମ ବ୍ୟାଟ୍ସମ୍ୟାନ୍ ହୋଇଛନ୍ତି । ସେ ୫୨ ବଲ୍‌ରେ ଶତକ ହାସଲ କରିଥିବା ବିରାଟ କୋହଲିଙ୍କ ରେକର୍ଡ ଭାଙ୍ଗିଛନ୍ତି । ସ୍ମୃତି ମନ୍ଧାନା ମହିଳା ଦିନିକିଆ କ୍ରିକେଟ୍‌ରେ ଦ୍ୱିତୀୟ ଦ୍ରୁତତମ ଶତକ ହାସଲ କରିଥିବା କ୍ରିକେଟର୍ ମଧ୍ୟ ହୋଇଛନ୍ତି । ମହିଳା ଦିନିକିଆ କ୍ରିକେଟ୍‌ରେ ଦ୍ରୁତତମ ଶତକ ହାସଲ କରିବାର ରେକର୍ଡ ଅଷ୍ଟ୍ରେଲିଆର ମେଗ୍ ଲାନିଙ୍ଗଙ୍କ ନାମରେ ଅଛି । ଯିଏ ୪୫ ବଲ୍‌ରେ ଶତକ ହାସଲ କରିଥିଲେ ।

ଭାରତ ପାଇଁ ଦିନିକିଆରେ ସବୁଠାରୁ ଦ୍ରୁତତମ ଶତକ (ପୁରୁଷ ଏବଂ ମହିଳା)

୫୦ ବଲ୍ - ସ୍ମୃତି ମନ୍ଧାନା
୫୨ ବଲ୍ - ବିରାଟ କୋହଲି
୬୦ ବଲ୍ - ବୀରେନ୍ଦ୍ର ସେହୱାଗ
୬୧ ବଲ୍ - ବିରାଟ କୋହଲି
୬୨ ବଲ୍ - ମହମ୍ମଦ ଆଝାରୁଦ୍ଦିନ୍
ସ୍ମୃତି ମନ୍ଧାନା ଅଷ୍ଟ୍ରେଲିଆ ବିପକ୍ଷ ସିରିଜର ତିନୋଟି ମ୍ୟାଚରେ ୩୦୦ ରନ୍ କରିଛନ୍ତି। ସେ ପ୍ରଥମ ମ୍ୟାଚରେ ୫୮ ରନ୍ କରିଥିଲେ । ତା’ପରେ ଦ୍ୱିତୀୟ ଦିନିକିଆରେ ୧୧୭ ରନ୍ କରିଥିଲେ । ଏବେ ସେ ଶେଷ ଦିନିକିଆରେ ମଧ୍ୟ ୧୨୫ ରନ୍ କରିଛନ୍ତି ।

ମହିଳା ଦିନିକିଆରେ ସର୍ବାଧିକ ଶତକ

ସ୍ମୃତି ମନ୍ଧାନା ମହିଳା ଦିନିକିଆ କ୍ରିକେଟରେ ସର୍ବାଧିକ ଶତକ ତାଲିକାରେ ଦ୍ୱିତୀୟ ସ୍ଥାନରେ ପହଞ୍ଚିଛନ୍ତି । ଏହା ତାଙ୍କ ଦିନିକିଆ କ୍ୟାରିୟରରେ ୧୩ତମ ଶତକ ଥିଲା । ସେ ସର୍ବାଧିକ ଶତକ ପାଇଁ ନ୍ୟୁଜିଲ୍ୟାଣ୍ଡର ସୁଜି ବେଟ୍ସଙ୍କ ସହ ସମକକ୍ଷ ହୋଇଛନ୍ତି। ଏହି ତାଲିକାରେ କେବଳ ଅଷ୍ଟ୍ରେଲିଆର ମେଗ୍ ଲାନିଙ୍ଗ୍, ଯିଏ ତାଙ୍କ ଦିନିକିଆ କ୍ୟାରିୟରରେ ମୋଟ ୧୫ ଶତକ ହାସଲ କରିଛନ୍ତି ।

Argus News | argus news | Odisha Latest News, Breaking News, Trending News, Live TV