ଆଇପିଏଲ ୨୦୨୬ ନିକଟରେ ଶେଷ ହୋଇଛି । ମେ' ୩୧ରେ IPL ଫାଇନାଲ ମ୍ୟାଚ୍‌ ଖେଳାଯାଇଥିଲା । ଫାଇନାଲରେ ଗୁଜରାଟ ଟାଇଟନ୍ସକୁ ପରାସ୍ତ କରି ଲଗାତର ଦ୍ବିତୀୟ ଥର ପାଇଁ ଟାଇଟଲ୍‌ ଜିତିଥିଲା RCB । ଆଉ ଏବେ ଆଇପିଏଲ ୨୦୨୭ ପାଇଁ ସମସ୍ତ ଫ୍ରାଞ୍ଚାଇଜ୍ ଜୋରଦାର ପ୍ରସ୍ତୁତି ଆରମ୍ଭ କରିଛନ୍ତି ।

ଏବେ ପୁଣି ଥରେ ଆଇପିଏଲକୁ ଫେରିବାକୁ ଯାଉଛନ୍ତି ସୌରଭ ଗାଙ୍ଗୁଲି । ସେ ପ୍ରଥମ ଥର ପାଇଁ ଆଇପିଏଲରେ ହେଡ୍‌ କୋଚ୍‌ ହେବେ । ପୂର୍ବରୁ ଦାଦା ଦକ୍ଷିଣ ଆଫ୍ରିକା ଟି-୨୦ ଲିଗ୍‌ରେ ମୁଖ୍ୟ ପ୍ରଶିକ୍ଷକ ଭାବେ ଦାୟିତ୍ବ ତୁଲାଇ ସାରିଛନ୍ତି । କିନ୍ତୁ ଏବେ ପ୍ରଥମ ଥର ପାଇଁ ସେ ଆଇପିଏଲରେ ଏହି ଭୂମିକାରେ ନଜର ଆସିବେ । ପୂର୍ବରୁ, ଦାଦା IPLରେ ମେଣ୍ଟର ଭାବରେ କାର୍ଯ୍ୟ କରିଛନ୍ତି ।

ଅଧିକ ପଢ଼ନ୍ତୁ: ଇଂଲଣ୍ଡ ବିପକ୍ଷରେ ଖେଳିବେ କି ବିରାଟ କୋହଲି ? ଏହି ଦିନ ହେବ ବଡ଼ ନିଷ୍ପତ୍ତି...

ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ, ସୌରଭ ଗାଙ୍ଗୁଲି ଦିଲ୍ଲୀ କ୍ୟାପିଟାଲ୍ସର ମୁଖ୍ୟ ପ୍ରଶିକ୍ଷକ ହେବାକୁ ଯାଉଛନ୍ତି । IPL ୨୦୨୬ରେ ହେମାଙ୍ଗ ବଦାନୀ ଦିଲ୍ଲୀ କ୍ୟାପିଟାଲ୍ସର ମୁଖ୍ୟ ପ୍ରଶିକ୍ଷକ ଭାବରେ ଦାୟିତ୍ବ ତୁଲାଇଥିଲେ । କିନ୍ତୁ IPL ୨୦୨୭ରେ ଏକ ବଡ଼ ପରିବର୍ତ୍ତନ ହେବ ଏବଂ ଦାଦା ମୁଖ୍ୟ ପ୍ରଶିକ୍ଷକ ଭାବରେ କାର୍ଯ୍ୟ କରିବେ । ଏହା ବ୍ୟତୀତ, ଦିଲ୍ଲୀ କ୍ୟାପିଟାଲ୍ସ ଯୁବରାଜ ସିଂହଙ୍କୁ ବ୍ୟାଟିଂ ପ୍ରଶିକ୍ଷକ ଭାବରେ ନିଯୁକ୍ତ କରିବାକୁ ଯାଉଛି । ସୌରଭ ଗାଙ୍ଗୁଲି ପ୍ରଥମେ ୨୦୧୯ରେ ଦିଲ୍ଲୀ କ୍ୟାପିଟାଲ୍ସର ମେଣ୍ଟର ହୋଇଥିଲେ । କିନ୍ତୁ BCCI ସଭାପତି ହେବା ପରେ ତାଙ୍କୁ ଏହି ପଦବୀ ଛାଡିବାକୁ ପଡିଲା । ସେ ୨୦୨୩ରେ କ୍ରିକେଟ ନିର୍ଦ୍ଦେଶକ ଭାବରେ ପୁଣି ଥରେ ଦିଲ୍ଲୀ କ୍ୟାପିଟାଲ୍ସରେ ଯୋଗ ଦେଇଥିଲେ ।

ସୂଚନା ଅନୁସାରେ, ଗାଙ୍ଗୁଲି ୨୦୦୮ ଆଇପିଏଲରେ କୋଲକାତା ନାଇଟ୍ ରାଇଡର୍ସର ଅଧିନାୟକ ଥିଲେ । ତା'ପରେ ସେ ୨୦୧୨ରେ ପୁନେ ୱାରିୟର୍ସ ପାଇଁ ତାଙ୍କର ଶେଷ ସିଜିନ୍ ଖେଳିଥିଲେ । ଦାଦା ୫୯ ମ୍ୟାଚରେ ୨୫.୪୫ ହାରରେ ୧୩୪୯ ରନ କରିଥିଲେ ।