ଗୁରୁବାର ଏସିଆ କପ୍-୨୦୨୫ରେ ମୁହାଁମୁହିଁ ହୋଇଥିଲେ ଶ୍ରୀଲଙ୍କା ଓ ଆଫଗାନିସ୍ତାନ । ଏହି ମ୍ୟାଚରେ ଶ୍ରୀଲଙ୍କା ଆଫଗାନିସ୍ତାନକୁ ୬ ଓ୍ବିକେଟରେ ପରାସ୍ତ କରି ଏସିଆ କପର ସୁପର-୪ରେ ନିଜ ସ୍ଥାନ ପକ୍କା କରିଥିଲା । ଏହି ମ୍ୟାଚ ବିଜୟ ଯଦିଓ ଶ୍ରୀଲଙ୍କା ପାଇଁ ଖୁସି ଆଣିଥିଲା କିନ୍ତୁ ଏହି ମ୍ୟାଚ ପରେ ଦଳର ସ୍ପିନର ଡୁନିଥ୍ ଓ୍ବେଲାଲାଗେଙ୍କ ଉପରେ ସତେ ଯେମିତି ଛିଡ଼ି ପଡ଼ିଥିଲା ଆକାଶ । କାହିଁକି ନା ମ୍ୟାଚ୍ ବିଜୟ ପରେ ଟିମ୍ ଖୁସି ମନାଉଥିବା ବେଳେ ବଡ଼ ଦୁଃଖଦ ଖବର ପାଇଥିଲେ ଓ୍ବେଲାଲାଗେ ।

ଗତକାଲି ଖେଳାଯାଇଥିବା ମ୍ୟାଚରେ ଶ୍ରୀଲଙ୍କାର ସ୍ପିନର ଡୁନିଥ ଭେଲାଲେଜ ପଡ଼ିଆ ଭିତରେ ଏବଂ ବାହାରେ କଷ୍ଟକର ସମୟର ସମ୍ମୁଖୀନ ହୋଇଥିଲେ । ପ୍ରଥମେ, ମହମ୍ମଦ ନବି ୨୨ ବର୍ଷୀୟ ଖେଳାଳିଙ୍କ ଶେଷ ଓଭରରେ ଲଗାତାର ପାଞ୍ଚଟି ଛକା ମାରିଥିଲେ । ଆଉ ମ୍ୟାଚ ପରେ ସେ ଦୁଃଖଦ ଖବର ପାଇଲେ ଯେ ତାଙ୍କ ପିତା ସୁରଙ୍ଗା ଓ୍ବେଲାଲାଗେ ହୃଦଘାତରେ ମୃତ୍ୟୁବରଣ କରିଛନ୍ତି । ମୃତ୍ୟୁବେଳକୁ ସୁରଙ୍ଗା ଓ୍ବେଲାଲାଗେଙ୍କ ବୟସ ୫୪ ବର୍ଷ ହୋଇଥିଲା ।

ମ୍ୟାଚ୍ ପରେ ଦୁନିଥ ଓ୍ବେଲାଲେଗ ଏହି ଦୁଃଖଦ ଖବର ପାଇଥିଲେ । ମ୍ୟାଚ୍ ପରେ ଟିମ୍ ମ୍ୟାନେଜର ଦୁନିଥଙ୍କୁ ସାନ୍ତ୍ୱନା ଦେଇଥିଲେ। ଟିମ୍ ମ୍ୟାନେଜର ଭେଲାଲେଜଙ୍କୁ ଆଲିଙ୍ଗନ କରୁଥିବାର ଏକ ଫଟୋ ଭାଇରାଲ ହୋଇଥିଲା । ଓ୍ବେଲାଲାଗେ ନିଜେ ଜଣେ କ୍ରିକେଟର ଥିଲେ । ସେ ଏକ ପ୍ରମୁଖ ଶ୍ରୀଲଙ୍କା ସ୍କୁଲ ଦଳର ଅଧିନାୟକ ଥିଲେ । ସୁରଙ୍ଗା ପ୍ରିନ୍ସ ଅଫ୍ ୱେଲ୍ସ କଲେଜର ଅଧିନାୟକ ଥିବା ସମୟରେ, ପୂର୍ବତନ ଶ୍ରୀଲଙ୍କା କ୍ରିକେଟର ରସେଲ ଆର୍ନୋଲ୍ଡ ସେଣ୍ଟ ପିଟର୍ସ କଲେଜର ଅଧିନାୟକ ଥିଲେ।

ସୂଚନା ଅନୁସାରେ, ଶ୍ରୀଲଙ୍କା-ଆଫଗାନିସ୍ତାନ ମ୍ୟାଚ୍‌ରେ ମହମ୍ମଦ ନବି ଆଫଗାନିସ୍ତାନର ଇନିଂସ୍ ସମୟରେ ଡୁନିଥ୍ ୱେଲାଲେଗଙ୍କ ଶେଷ ଓଭରରେ ପାଞ୍ଚଟି ବଲରେ ପାଞ୍ଚଟି ଛକା ମାରି ଶ୍ରୀଲଙ୍କା ସାମ୍ନାରେ ଏକ ବଡ଼ ସ୍କୋର ରଖିଥିଲେ । କିନ୍ତୁ କୁସାଲ ମେଣ୍ଡିସଙ୍କ ଅପରାଜିତ ୭୪ ରନ୍ ବଳରେ ଶ୍ରୀଲଙ୍କା ଏହି ମ୍ୟାଚକୁ ବିଜୟଲାଗ କରି ସୁପର-୪ରେ ନିଜ ସ୍ଥାନ ପକ୍କା କରିଥିଲା ।