ହୃଦୟ ଜିତିଲା ସୂର୍ଯ୍ୟକୁମାରଙ୍କ ବୟାନ, ପାକିସ୍ତାନ ବିପକ୍ଷ ବିଜୟକୁ ସେନାକୁ କଲେ ଉତ୍ସର୍ଗ
Key Points
ହୃଦୟ ଜିତିଲା ଟିମ୍ ଇଣ୍ଡିଆ ଅଧିନାୟକ ସୂର୍ଯ୍ୟକୁମାର ଯାଦବଙ୍କ ବୟାନ । କହିଲେ, ପାକିସ୍ତାନ ବିପକ୍ଷରେ ବିଜୟ ଭାରତୀୟ ସେନାକୁ ସମର୍ପିତ ।
ଏସିଆ କପ୍ 2025 ର ଲିଗ୍ ପର୍ଯ୍ୟାୟ ମ୍ୟାଚରେ ପାକିସ୍ତାନର ଶୋଚନୀୟ ପରାଜୟ । ଭାରତ ପାକିସ୍ତାନକୁ ୭ ୱିକେଟରେ ପରାସ୍ତ କରିଛି । ଏହି ବିଜୟ ପରେ ଭାରତୀୟ ଦଳର ଅଧିନାୟକ ସୂର୍ଯ୍ୟକୁମାର ଯାଦବ ଏକ ଦୃଢ଼ ବୟାନ ଦେଇଛନ୍ତି। ସୂର୍ଯ୍ୟକୁମାର ପାକିସ୍ତାନ ବିପକ୍ଷରେ ଏହି ବିଜୟକୁ ପହଲଗାମ ଆତଙ୍କବାଦୀ ଆକ୍ରମଣର ପୀଡିତଙ୍କ ଉଦ୍ଦେଶ୍ୟରେ ଉତ୍ସର୍ଗ କରିଛନ୍ତି । ଏହା ସହିତ, ସୂର୍ଯ୍ୟ କହିଛନ୍ତି ଯେ ଏହି ବିଜୟ ଭାରତୀୟ ସେନା ପାଇଁ, ଯାହା ଆମ ଦେଶର ଶକ୍ତି ଏବଂ ସାହସିକତାକୁ ବର୍ଣ୍ଣନା କରେ। ସୂର୍ଯ୍ୟକୁମାର ଯାଦବ ମ୍ୟାଚ୍ ପରେ କହିଥିଲେ ଯେ ଆମେ ପହଲଗାମ ଆତଙ୍କବାଦୀ ଆକ୍ରମଣର ପୀଡିତଙ୍କ ସହିତ ଦୃଢ଼ ଭାବରେ ଠିଆ ହୋଇଛୁ।
ଏସିଆ କପ୍ ୨୦୨୫ ସଂଯୁକ୍ତ ଆରବ ଏମିରେଟ୍ସ (UAE)ରେ ଅନୁଷ୍ଠିତ ହେଉଛି। ଭାରତୀୟ ଅଧିନାୟକ ସୂର୍ଯ୍ୟକୁମାର ଯାଦବ ପାକିସ୍ତାନ ବିପକ୍ଷରେ ବିଜୟକୁ ପହଲଗାମ ଆତଙ୍କବାଦୀ ଆକ୍ରମଣର ପୀଡିତଙ୍କ ଉଦ୍ଦେଶ୍ୟରେ ଉତ୍ସର୍ଗ କରି ପାକିସ୍ତାନକୁ ଉଚିତ ଜବାବ ଦେଇଛନ୍ତି। ଟସ୍ ସମୟରେ ମଧ୍ୟ ସୂର୍ଯ୍ୟକୁମାର ଯାଦବ ପାକିସ୍ତାନ ଦଳର ଅଧିନାୟକ ସଲମାନ ଅଲି ଆଗାଙ୍କ ସହିତ ହାତ ମିଳାଇ ନଥିଲେ। ମ୍ୟାଚ୍ ଜିତିବା ପରେ ମଧ୍ୟ ଭାରତୀୟ ବ୍ୟାଟ୍ସମ୍ୟାନ ପାକିସ୍ତାନୀ ଖେଳାଳିମାନଙ୍କୁ ଚାହିଁ ନଥିଲେ ଏବଂ ହାତ ନମିଳାଇ ଡ୍ରେସିଂ ରୁମକୁ ଫେରି ଆସିଥିଲେ।
ମ୍ୟାଚ୍ ଜିତିବା ପରେ ସୂର୍ଯ୍ୟକୁମାର ଯାଦବ କହିଥିଲେ ଯେ 'ଆମେ ପହଲଗାମ ଆତଙ୍କବାଦୀ ଆକ୍ରମଣର ପୀଡିତଙ୍କ ସହ ଆମେ ଦୃଢ଼ ଭାବେ ଠିଆ ହେଉଛି । ଆମେ ଏହି ବିଜୟକୁ ଭାରତୀୟ ସଶସ୍ତ୍ର ବାହିନୀଙ୍କୁ ଉତ୍ସର୍ଗ କରୁଛୁ, ଯେଉଁମାନେ ସାହସ ଦେଖାଇଛନ୍ତି। ମୁଁ ଆଶା କରୁଛି ଯେ ସେମାନେ ଆମକୁ ଏହିପରି ପ୍ରେରଣା ଦେଇ ଚାଲିବେ ଏବଂ ଆମେ ସର୍ବଦା ସେମାନଙ୍କୁ କ୍ରିକେଟ ଫିଲ୍ଡରୁ ହସ ଫୁଟାଇବାର ସୁଯୋଗ ଦେବୁ । ଯେତେବେଳେ ବି ଆମେ ସୁଯୋଗ ପାଇବୁ, ଆମେ ସେମାନଙ୍କ ମୁହଁରେ ଖୁସି ଆଣିବୁ।' ସୂର୍ଯ୍ୟକୁମାର ଯାଦବ ଏହି ବୟାନ ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
