ଯଦି ପାକିସ୍ତାନ ୨୦୨୬ ICC ପୁରୁଷ ଟି-୨୦ ବିଶ୍ୱକପ୍ ଖେଳିବାକୁ ମନା କରେ, ତେବେ ଏହା ଭଲ ଭାବରେ ଜାଣେ ଯେ ଅନ୍ତର୍ଜାତୀୟ କ୍ରିକେଟ ପରିଷଦ (ICC) PCB ଉପରେ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିବ । ପାକିସ୍ତାନକୁ ନିଷେଧ ସମେତ କଠୋର ଦଣ୍ଡର ସମ୍ମୁଖୀନ ହେବାକୁ ପଡ଼ିବ ଏବଂ ବିଶ୍ୱ କ୍ରିକେଟରେ ଯଥେଷ୍ଟ କ୍ଷତି ହେବ । ଏହି ପରିସ୍ଥିତିରେ ପାକିସ୍ତାନ କ୍ରିକେଟ୍ ବୋର୍ଡ (PCB) ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ (BCCI) ଏବଂ ICC କୁ ଏଡାଇବା ପାଇଁ ଏକ ଚତୁର ଯୋଜନା ପ୍ରସ୍ତୁତ କରିଛି। ରିପୋର୍ଟ ଅନୁଯାୟୀ ପାକିସ୍ତାନ ଫେବୃଆରୀ ୧୫ରେ ଭାରତ ବିପକ୍ଷରେ ମ୍ୟାଚ୍ ନ ଖେଳି ଭାରତ ଉପରେ ପ୍ରତିଶୋଧ ନେବାକୁ ପ୍ରସ୍ତୁତ ହେଉଛି ।

ପାକିସ୍ତାନ କ’ଣ ଭାରତ ମ୍ୟାଚ୍ ବର୍ଜନ କରିବ ?

ଯଦି ପାକିସ୍ତାନ-ଭାରତ ମ୍ୟାଚ୍ ୨୦୨୬ ଟି-୨୦ ବିଶ୍ୱକପରେ ନ ହୁଏ, ତେବେ ଏହା ICCକୁ ଯଥେଷ୍ଟ କ୍ଷତି ପହଞ୍ଚାଇପାରେ । କ୍ରିକେଟ୍ ବିଶେଷଜ୍ଞମାନେ ଏହାକୁ ପାକିସ୍ତାନ ଦ୍ୱାରା ଏକ ମାଷ୍ଟରଷ୍ଟ୍ରୋକ୍ ଭାବରେ ଦେଖୁଛନ୍ତି । ବାସ୍ତବରେ, ପାକିସ୍ତାନ ଜାଣେ ଯେ ଯଦି ସେ ଭାରତ ବିପକ୍ଷରେ ଖେଳିବାକୁ ମନା କରେ, ତେବେ ICC ପ୍ରଭାବହୀନ ହେବ । ଏମିତି କଲେ ପାକିସ୍ତାନ କେବଳ ଦୁଇଟି ପଏଣ୍ଟ ହରାଇବ କିନ୍ତୁ ଯଦି ସେ ସମ୍ପୂର୍ଣ୍ଣ T20 ବିଶ୍ୱକପକୁ ବୟକଟ୍‌ କରେ ତେବେ ଆଇସିସି ଏହା ବିରୋଧରେ କାର୍ଯ୍ୟନୁଷ୍ଠାନ ନେଇପାରେ ।

ପୂର୍ବରୁ ଅନେକ ଦଳ ସେମାନଙ୍କ ମ୍ୟାଚ୍ ବୟକଟ୍‌ କରିଛନ୍ତି

ଏହା ପ୍ରଥମ ଥର ନୁହେଁ ଯେତେବେଳେ କୌଣସି ଦଳ ବିଶ୍ୱକପ୍ ଭଳି ଏକ ପ୍ରମୁଖ ICC ଇଭେଣ୍ଟରେ ଅନ୍ୟ ଦଳ ବିପକ୍ଷରେ ମ୍ୟାଚ୍ ଖେଳିବାକୁ ମନା କରିଛି । ଏହା ପ୍ରଥମ ଥର ପାଇଁ ୧୯୯୬ ବିଶ୍ୱକପ୍‌ରେ ଘଟିଥିଲା, ଯେତେବେଳେ ଅଷ୍ଟ୍ରେଲିଆ ଏବଂ ୱେଷ୍ଟଇଣ୍ଡିଜ୍ ଶ୍ରୀଲଙ୍କାରେ ସେମାନଙ୍କର ଗ୍ରୁପ୍-ଷ୍ଟେଜ୍ ମ୍ୟାଚ୍ ଖେଳିବାକୁ ମନା କରିଦେଇଥିଲେ, ଯାହା ଫଳରେ ଦୁଇ ପଏଣ୍ଟ ହରାଇଥିଲେ । ସେହିପରି ୨୦୦୩ ବିଶ୍ୱକପ୍‌ରେ ଦ୍ୱିତୀୟ ଘଟଣା ଥିଲା, ଯେତେବେଳେ ଇଂଲଣ୍ଡ ସେମାନଙ୍କର ମ୍ୟାଚ୍ ଖେଳିବା ପାଇଁ ଜିମ୍ବାୱେ ଗସ୍ତ କରିନଥିଲା । ସେହିପରି, ନ୍ୟୁଜିଲାଣ୍ଡ କେନିଆ ଗସ୍ତ କରିବାକୁ ମନା କରିଦେଇଥିଲା ଏବଂ ଉଭୟ ଦଳ ପଏଣ୍ଟ ହରାଇଥିଲେ ।

ପ୍ରଧାନମନ୍ତ୍ରୀଙ୍କ ସହ ପରାମର୍ଶ କରିବା ପରେ T20 ବିଶ୍ୱକପ୍ ସମ୍ପର୍କରେ ନିଷ୍ପତ୍ତି ନିଆଯିବ: ମୋହସିନ୍ ନକଭି

ପାକିସ୍ତାନ କ୍ରିକେଟ୍ ବୋର୍ଡ (PCB) ଅଧ୍ୟକ୍ଷ ମୋହସିନ୍ ନକଭି ଜାନୁଆରୀ ୨୬ ତାରିଖରେ ପ୍ରଧାନମନ୍ତ୍ରୀ ଶେହବାଜ ସରିଫଙ୍କୁ ଭେଟିବା ପରେ କହିଛନ୍ତି ଯେ ବୋର୍ଡ ଶୁକ୍ରବାର କିମ୍ବା ପରବର୍ତ୍ତୀ ସୋମବାର ବିଶ୍ୱକପ୍‌ରେ ଅଂଶଗ୍ରହଣ ନେଇ ଚୂଡ଼ାନ୍ତ ନିଷ୍ପତ୍ତି ନେବ ।