ଶନିବାର ଟି-୨୦ ବିଶ୍ବକପ୍‌ରେ ଭାରତ ତା'ର ଅଭିଯାନ ଆରମ୍ଭ କରିଛି । ମୁମ୍ବାଇର ଓ୍ବାଙ୍ଖେଡ ଷ୍ଟାଡିୟମରେ ମୁହାଁମୁହିଁ ହୋଇଛନ୍ତି ଭାରତ-USA । ଏହି ମ୍ୟାଚ୍‌ରେ ଟସ୍‌ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା USA । ପ୍ରଥମେ ବ୍ୟାଟିଂ କରୁଥିବା ଭାରତ ଆରମ୍ଭରୁ ବିପର୍ଯ୍ୟୟ ସାମ୍ନା କରିଥିଲା । ସୂର୍ଯ୍ୟକୁମାରଙ୍କ ବ୍ୟତୀତ ଆଉ କୌଣସି ବ୍ୟାଟ୍ସମ୍ୟାନ୍‌ ଅଧିକ ସମୟ ତିଷ୍ଠି ପାରିନଥିଲେ । ସୂର୍ଯ୍ୟଙ୍କ ଧୁଆଁଧାର ୮୪ ରନ୍‌ ବଳରେ ଭାରତ ନିର୍ଦ୍ଧାରିତ ଓଭରରେ ୯ ଓ୍ବିକେଟ୍‌ ହରାଇ ୧୬୧ ରନ୍‌ କରିଥିଲା ।

Cometh the hour, cometh the Captain! 🫡@surya_14kumar provided the fiery finishing touches to #TeamIndia's innings 🔥

Scorecard ▶️ https://t.co/Rlm2ARPnOV#MenInBlue | #T20WorldCup | #INDvUSA pic.twitter.com/4UxCENF3CF

— BCCI (@BCCI) February 7, 2026

ଟସ୍ ହାରି ପ୍ରଥମେ ବ୍ୟାଟିଂ କରିଥିବା ଭାରତ ଆରମ୍ଭରୁ ବିପର୍ଯ୍ୟୟର ସାମ୍ନା କରିଥିଲା । ଦ୍ବିତୀୟ ଓଭରରେ ଅଭିଷେକ ଶର୍ମା ପ୍ରଥମ ବଲ୍‌ରେ ଖାତା ଖୋଲିନପାରି ଆଉଟ ହୋଇଥିଲେ । ଏହା ପରେ ଇଶାନ କିଶାନ ମଧ୍ୟ ୧୬ ବଲ୍‌ରେ ୨୦ ରନ୍‌ କରି ଆଉଟ୍‌ ହୋଇଥିଲେ । ଏହା ପରେ ୫.୫ ଓଭରରେ ତିଲକ ବର୍ମା ୧୬ ବଲ୍‌ରେ ୨୫ ରନ୍‌ କରି ଆଉଟ୍ ହୋଇଥିଲେ । ଆଉ ଏହାର ପର ବଲ୍‌ ଶିବମ ଦୁବେ ଜିରୋରେ ଆଉଟ୍‌ ହୋଇଥିଲେ । ପାଓ୍ବାର ପ୍ଲେରେ ଭାରତ ୪ ଓ୍ବିକେଟ୍‌ ହରାଇ ୪୬ ରନ୍‌ କରିଥିଲା ।

Innings Break!

Captain Surya Kumar Yadav's terrific 8⃣4⃣*(49) propel #TeamIndia to 1⃣6⃣1⃣ 👌👌

Over to our bowlers 🙌

Scorecard ▶️ https://t.co/Rlm2ARPnOV#MenInBlue | #T20WorldCup | #INDvUSA pic.twitter.com/6cI4ctXIVk

— BCCI (@BCCI) February 7, 2026

ଏହା ପରେ ରିଙ୍କୁ ସିଂ ସୂର୍ଯ୍ୟକୁମାରଙ୍କ ମିଶି ଏକ ପାର୍ଟନରସିପ୍‌ କରିବାକୁ ଚେଷ୍ଟା କରିଥିଲେ । କିନ୍ତୁ ରିଙ୍କୁ ୧୪ ବଲ୍‌ରେ ୬ ରନ୍‌ କରି ଆଉଟ ହୋଇଥିଲେ । ପରେ ହାର୍ଦ୍ଦିକ ପାଣ୍ଡ୍ୟା ମଧ୍ୟ ୫ ରନ୍‌ କରି ପ୍ୟାଭିଲିୟନ୍‌ ଫେରିଥିଲେ । କିନ୍ତୁ ଶେଷ ପର୍ଯ୍ୟନ୍ତ ସୂର୍ଯ୍ୟକୁମାର ଗୋଟିଏ ପଟେ ରହି ପାଳି ସମ୍ଭାଳିଥିଲେ । ସୂର୍ଯ୍ୟକୁମାରଙ୍କ ୮୪ ରନ୍‌ ଫଳରେ ଭାରତ ୧୬୧ ରନ୍‌ ଏକ ସମ୍ମାନଜନକ ସ୍କୋରରେ ପହଞ୍ଚିଥିଲା ।