ରବିବାର ଖେଳାଯିବ ମହାମୁକାବିଲା । କୋଲକାତାର ଇଡେନ୍‌ ଗାର୍ଡେନରେ ଖେଳାଯିବ ହାଇଭୋଲଟେଜ୍‌ ମ୍ୟାଚ୍‌ । ମୁହାଁମୁହିଁ ହେବେ ଭାରତ-ଓ୍ବେଷ୍ଟଇଣ୍ଡିଜ୍‌ । ଆଉ ଆଜିର ମ୍ୟାଚ୍‌ରେ ବିଜୟଲାଭ କରି ସେମିଫାଇନାଲ ଟିକେଟ୍ ହାତେଇବାକୁ ଚେଷ୍ଟା କରିବ ଟିମ୍‌ ଇଣ୍ଡିଆ । ତେବେ ଏହି ମ୍ୟାଚ୍‌ ପୂର୍ବରୁ ଭାରତୀୟ ଖେଳାଳିମାନେ କୋଲକାତାର କାଲିଘାଟ କାଳୀ ମନ୍ଦିର ପରିଦର୍ଶନ କରି ଆଶୀର୍ବାଦ ନେଇଥିଲେ ।

ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଦାବି କରାଯାଉଛି ଯେ ମ୍ୟାଚ୍ ପୂର୍ବରୁ ଅକ୍ଷର ପଟେଲ, ଅଭିଷେକ ଶର୍ମା ଏବଂ ଅଧିନାୟକ ସୂର୍ଯ୍ୟକୁମାର ଯାଦବ କୋଲକାତାର କାଲିଘାଟ କାଳୀ ମନ୍ଦିର ଯାଇଥିଲେ ।

ଭାରତ-ୱେଷ୍ଟଇଣ୍ଡିଜ୍ ମ୍ୟାଚ୍‌ରେ ବିଜୟୀ ଦଳ ସେମିଫାଇନାଲ୍‌କୁ ଯିବ । ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ମ୍ୟାଚ୍‌ରେ ବିଜୟୀ ଦଳ ସେମିଫାଇନାଲ୍‌ରେ ଟିକେଟ୍‌ ହାସଲ କରିବ । ଦକ୍ଷିଣ ଆଫ୍ରିକା ପୂର୍ବରୁ ଗ୍ରୁପ୍ ୧ ପାଇଁ ଯୋଗ୍ୟତା ଅର୍ଜନ କରିସାରିଛି । ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ସେମିଫାଇନାଲ୍ ଲଢ଼େଇ ଜାରି ରହିଛି । ଉଭୟ ଦଳ ଦୁଇଟି ଲେଖାଏଁ ମ୍ୟାଚ୍ ଖେଳିଛନ୍ତି, ଗୋଟିଏ ଲେଖାଏଁ ଜିତିଛନ୍ତି ଏବଂ ପ୍ରତ୍ୟେକେ ଦୁଇଟି ପଏଣ୍ଟ ଅର୍ଜନ କରିଛନ୍ତି । ତେବେ କେଉଁ ଦଳ ମ୍ୟାଚ୍ ଜିତି ସେମିଫାଇନାଲରେ ସ୍ଥାନ ପକ୍କା କରେ ତାହା ଦେଖିବା ଆକର୍ଷଣୀୟ ହେବ ।

ଉଭୟ ଆଫ୍ରିକା ବିପକ୍ଷରେ ହାରିଗଲେ

ଭାରତ ଏବଂ ୱେଷ୍ଟଇଣ୍ଡିଜ୍ ପ୍ରତ୍ୟେକେ ଦକ୍ଷିଣ ଆଫ୍ରିକା ବିପକ୍ଷରେ ସୁପର ୮ ମ୍ୟାଚ୍ ହାରିଛନ୍ତି। ଉଭୟ ଜିମ୍ବାୱେ ବିପକ୍ଷରେ ଗୋଟିଏ ମ୍ୟାଚ୍ ଜିତିଛନ୍ତି । ତେବେ ଏହି କର ବା ମର ମ୍ୟାଚ୍‌ରେ କେଉଁ ଦଳ ବିଜୟ ଲାଭ କରୁଛି ତାହା ଦେଖିବା ଆକର୍ଷଣୀୟ ହେବ ।